Work Heart Play Heart!

我們係 Lake  Shikotsu   Tsuruga  Resort Spa  Mizu  no UTA 住了一晚， 試佐酒店供應嘅早餐同晚餐。 雖然 懷石料理 晚餐比自助 晚 餐貴一截，但我們仍然選擇 了 懷石料理 ，慶幸並沒有令我們失望 。 懷石料理 安排 於 酒店的日式餐廳 內 享用 ， 餐廳 環境優雅， 令人 感覺 輕鬆 舒服。 懷石料理 備有 9 道菜，碟碟精緻 。起初都有少許擔心唔夠飽， 但食過 9 道菜 後，連酒店提供的烏冬宵 夜都食唔落。 9 道菜 包括了頭盤、菜、湯、刺身、主菜、魚、天婦羅、飯及甜 品。 呢 道菜 有齊 16 款 蔬菜 ，咁 食菜法對於香港人嚟講好特別。 主菜 係和牛， 肉質 嫰口， 味道一流，但如果可以比多少少我就好了！ 其實每道菜嘅味道都十分出色， 由頭到尾我 碟碟 掃光， 連一粒飯都無淨，個人覺得絕對值得比貴啲 試吓呢度嘅 懷石料理 。 呢度嘅早餐係自助餐， 款式選擇尚算豐 富， 最正係 呢度有新鮮出爐嘅麵包供 應，正！ 想知道酒店嘅房間質素如何，請參閱上集。 http://www.mizunouta.com/en/ 旅遊日期： 2017 年7 月

雖然 7 月嘅北海道 已經達 30 度，但 有靚 溫泉 無理由唔浸 ， 就係咁 我們揀 佐支 笏 湖嘅  Lake  Shikotsu   Tsuruga  Resort Spa  Mizu  no UTA 。 Lake  Shikotsu   Tsuruga  Resort Spa  Mizu  no UTA  係 Tripadvisor  22 間 位 於千歲嘅酒店中排第一位， 酒店 距離 Rera   Chitose  Outlet Mall  及 推介嘅三井札幌北廣島 Outlet  分別只有約 30 分鐘及 60 分鐘車程， 簡直係行 Outlet 前後嘅最佳 酒店 選擇。 我們揀 佐附設私人風呂嘅 日式及西式 房間， 以日式設計為主嘅 房間 非常寬敞， 十分 舒服 整潔 。 一入門口嘅地方設有 雙面盤嘅梳洗地方， 洗手間 亦設於此。 再入另一度門 便是床，床嘅另一邊 設有 開放式廚房。雖然應該唔會有好多人係度用 廚房 ，但 開放式廚房 咁近床個人覺得怪怪地。 房間另一優勝嘅地方係廳嘅部分好大，仲有 張 按摩椅及梳化， 堅爽！ 露天風呂旁設有淋浴間及 梳洗地方 ， 如此優雅嘅設計， 我們 一於 夜又浸，日又浸， 真係煩惱全消 ！ 酒店設有 Pillow Gallery ， 住客可以係度揀 個適合自己嘅枕頭，如此 細心 嘅安排，讚！ 呢度 7 月上旬一晚房價連雙人懷石料理晚餐及自助早餐盛惠港幣 5 千 4 百多元， 堅貴，下次7月嚟北海道真係要提早訂酒店 。 懷石料理晚餐及自助早餐 質素如何？ 下星期 再續。 http://www.mizunouta.com/en/ 旅遊日期： 2017 年7月

F urano   Natulux  Hotel  係 Tripadvisor   名列前茅 ，我們 3 月已訂房，以為 各大酒店訂 房 網會 陸續 推出 新 優惠，但可能 7 月 嘅 富良野 實在太 旺 場 ， 優惠 唔見 之餘而 我們所訂嘅房 間類型 亦 已係 5 月 爆滿 ， 似乎7月嘢富良野比櫻花期嘅京都更 誇張。 F urano   Natulux  Hotel   距離 富良野 站只有 2 分鐘路程，而去 上文 推介嘅 餐廳 K UMAGERA   亦只係 5 分鐘 路程 ，超方便。酒店亦提供免費泊車場，自駕遊無煩惱。 我們訂嘅房間類型 係 22   sq.m . ， 但 房間 比想像中細及舊，有點失望 ， 無奈這已是 Tripadvisor  在富良野酒店中得分 最高嘅一間。 另外 可能環保原因， 房間 內嘅冷氣運行了一段時間後便會自動關機一會跟住又開番，突然轉變嘅風聲 另我 瞓得唔算太好。 酒店早餐提供西式和日式選擇， 份量並不算豐富， 男士可能 要選擇日式 ，因為 起碼 有碗飯可飽肚呢。 我們係度住了兩晚，早鳥優惠嘅房價 連 早餐亦要差不多 HK$2,200 一晚，個人覺得堅貴。 https://www.natulux.com/en/ 旅遊日期：2017年7月

係 富良野 試了兩間較有名 氣 嘅餐廳，   分別係  KUMAGERA  及  MASAYA 。 前者一試難忘，我們一去再去。雖然 MASAYA  嘅鐵板 菜式 味道不錯，但輸係環境，在大熱天氣下冷氣唔夠，抽風又有問題，點好食都扣晒分。 富良野和牛丼 係 KUMAGERA   嘅名菜， 可能我們不太接受全生牛肉 嘅關係 ，個人覺得一般。不過 呢度有唔少好味食物，值得推介。 人生第一次試鹿肉，口感鬆軟，味道 調 較得剛好，我們一口接一口，很快便 KO 了！ 第一次嚟嘅時候 眼 見附近嘅日本人 10 個有 8 個 都係叫咖哩飯，我們 第 二 次 再 嚟 時一於 試一試 。 呢度嘅 咖哩 十分香口， 甜與辣 嘅味 道 剛好 ，唔駛 加 咩餸 ，淨係 咖哩 汁撈飯已好好味，連平時唔多吃飯嘅我都食到停唔 到 口。 除了熱食外，呢度嘅魚生亦 非常新鮮 。 呢個三文魚子丼 ， 價錢只需 2 ,000  Yen ，三文 魚子 鮮甜 無比， 得！ 第三次 再 嚟 係食晚餐 ， 一心 希望可以試一試和 牛 火鍋。 和牛火鍋 一人前差不多係呢度最貴嘅 菜式 ， 但 3 ,900  Yen 嘅價錢包了一碟 和牛 、菜及烏冬，相比係香港呢個價錢一啲都唔貴。 起初有啲擔心和牛切得比較厚，但我的 擔心 好明顯是多餘的。 和牛 非常軟身可口 ，肉味濃郁， 正 呀 ！ 兩個人當然係叫兩份，我們還追加了一碟和牛呢！ S ak e   蜜瓜 係呢期推介，雖然我唔太 愛 S ake ， 但見 1 ,000 Y en  幾抵食就叫嚟試吓。 加佐 S ake   嘅 蜜瓜 依然 鮮甜 ，酒味唔算濃烈， 蜜瓜 連 S ake 一齊食味道相當清新。 7 月正值富良野旺季， KUMAGERA   不設訂位服務， 繁忙時間嚟要排隊，不過個人覺得就算等都值得。 http://www.furano.ne.jp/kumagera/en/top.html 旅遊日期： 2017 年 7 月