Work Heart Play Heart!

吸引我嚟呢度嘅原因除佐係米芝蓮3星外，仲因為窈窕朋友K小姐誠意推介。 Maze 位於倫敦Grosvenor Square，步行5-8分鐘便到Oxford Street，一於shopping 完食餐勁！ 貴賓式的款待由踏進餐廳門口開始，型爆女侍應為我們處理好袋和外套後，便有禮地帶我們進入餐廳。 餐廳內設有壽司枱，廚師即席為客人準備壽司。壽司雖然係我最愛，但無理由山長水遠係倫敦食，所以我們全㸃西式！ 餐廳送來免費小吃和麵包，這個小吃脆卜卜的像薯片般，十分好味。Like!  呢度嘅麵包熱騰騰的，鬆軟可口，係我暫時吃過最好味的麵包，我們要再encore！ 先來個蟹肉餅，味道雖不錯，但份量實在太少了，兩啖無佐！ 煙醺呑拿魚味道很不錯！ 這味鴨有㸃中式燒鴨feel，可能味道太熟悉，感覺一般！ 這味帶子是最好味的主菜，正！ 輪到甜品，我們揀了檸檬撻同芝士蛋糕。突然侍應拿來這個檸檬鴨，又係影相打卡位！ 睇完檸檬鴨，終於可以品嘗甜品！檸檬撻超級好味，簡直係全餐最精彩的一環！ 優質服務配美味食物確實無得輸，飲飽食醉後我們懷著愉快的心情回酒店！ 旅遊日期：2014年7月

我從來不儲印花，但對Asia Miles就情有獨鍾。信用卡積分一定用嚟換里數，其他咩積分優惠都唔關我事！訂機票就首選CX或寰宇一家航班，總之一定要為我的馬可孛羅會會藉增分！ 馬可孛羅會只計飛行里數，即信用卡積分換取的里數就不計算在內！從來我係計算飛行里數方面係最精明，飛埋7月嘅歐洲之旅就可以夠資格升上銀卡級別。奇怪嘅係我老公返到香港後一星期已收到張銀卡，而我嗰張就遲遲未見！我上網登入戶口才驚覺CX沒有計到飛行里數比我！Ha?! 去程由香港飛阿姆斯特丹成5千多飛行里數，竟然唔見佐？我馬上係網上報失里數，以為萬無一失，怎料事與願遺數日後得知報失未被接納，原因係航班上沒有我的名字！ 唔係化！ 敵汗之際我急忙打去馬可孛羅會熱缐，等佐超過半個鐘都無人聽，最後我留佐口訊，最正係無人覆過我囗訊！我唯有星期一大清早約8:45又再作戰，最終響佐成廿幾分鐘先有人接，姐姐仔好有禮貌咁話一個系統見到我已完成行程，但另一個系統就無紀錄！咁好明顯係CX嘅系統問題，而且我張機票必須2人同行，我老公已經收晒飛行里數，如果我無飛到，佢都唔可能飛到！我理直氣壯咁解釋，個姐姐仔繼續有禮地話要比時間佢check，仲話要check一個星期，fine! 既然咁有禮貌就比個機會佢！老實講，我根本無諗過佢地會再say No，我確實飛佐，我亦確實我的坐位class可以賺取飛行里數！ 一個星期後，馬可孛羅會係我開緊會嘅時侯來電，留言話佢地係航班上揾唔到我個名，要我提供登機証作證明，但又無講低可以點比就收佐線！我聽個留言時簡直超火，佢地用佐一星期時間都係覆返我同一原因，如果要我自行舉證，點解唔早講，有禮貌但解決唔到問題又有咩用！ 事實上，我係有儲登機証習慣，我之前都想揾張登機証出嚟，但唔知㸃解揾唔到！聽完留言後，火到我返屋企第一時間就倒晒個罐D野出嚟仔細再揾，終於比我揾到我張登機証！第二朝8時多又再作戰，最終又等佐半個鐘，佢地叫我電郵張登機証比佢地，我立即行動並叫佢地即時確實是否成功收到，佢地竟然話收電郵係另一部門，即時睇唔到！我再問要等幾耐先比返D飛行里數我，個小姐話要一個月，唔係化？ 我真係想問問國泰航空公司呢D係咩服務質素？各位記得儲低登機証保護自己啊！ 相比綠卡，究竟馬可孛羅銀卡會員有咩著數？銀卡會員優惠包括免費享用國泰機場商務貴賓室、免費upgr

英倫型男JH誠意推介里茲（Leeds)遊，我們一於從倫敦坐約兩小時火車探訪呢個城市。 為佐方便第二日去紐卡素，我們選擇了一間就近Leeds火車站的酒店 The Chambers Park Place。 呢間酒店係Tripadvisor 80多間位於Leeds嘅酒店中排名第一，深受遊客歡迎。酒店距離火車站只有約8分鐘嘅步行路程，而離Leeds嘅購物中心則只有10-15分鐘路程，方便程度攞足滿分。 The Chambers Park Place 係 service apartments，我們的apartment內有一間睡房、客廳、飯廳、開放式廚房同洗手間，相比之前係Manchester 住Roomzzz 嘅apartment 更大更時尚！ 睡房以我最喜愛的深紫色為設計主色，正！加分！ 開放式廚房內應有盡有，除廚具外，更備有薯片、自家制曲奇、麵包、咖啡粉及鮮奶讓住客免費享用，每早晨更為住客提供新鮮雞蛋。如此貼心，唔怪得可以贏得住客歡心！我們在Leeds的兩個早上都係以蛋同咖啡做早餐呢！ 呢間apartment在設計、清潔及舒適度全取滿分，唯一美中不足是睡眠質素。唔係床褥唔夠舒服，而係我們的apartment設有露台，並與隔離 apartment的露台連接，晚上隔離鄰舍係露台發表偉論，且越講越興奮，傾佐個幾鐘都未講完，嘈到我完全瞓唔到！最終我頂唔順打佐去reception反映，5分鐘後靜晒，我先可以有覺好瞓！ 根據現場所見，apartment的露台以天井形式而建，若果有人在露台高談闊論會十分應聲，若果你怕嘈，最好不要揀有露台的apartment！ 係度住一晚，房價大約HK$1,400，相比係倫敦嘅酒店平一大截啊！ 旅遊日期：2014年7月

天生購物狂的我對博物館絲毫不感興趣，但既然係阿姆斯特丹悶悶地就去見識吓呢位荷蘭名畫家的風采！ 在下著毛毛細雨的早上，博物館並不算多人，我們只係排佐幾分鐘隊就可以買票入內！成人票價每位15歐羅，抵唔抵就真係見仁見智！ 係理科及商科的教育下，我對呢位有名畫家的認識可以話係零！為佐消磨時間同善用呢15歐羅，我少有地係博物館內慢慢細讀呢位畫家的生平。 梵高於27歲才開始他的畫畫人生，然而他的畫家生涯只有10年，正所謂人生有幾多個10年，他只用了10年時間畫畫就如此厲害！勁！ 雖然我唔係太識欣賞畫，但我個人較喜歡他後期的畫作，因色彩較鮮豔，女孩子著件鮮色衫都靚D搶眼D啦！ 畫作如此有名，為何只畫佐10年咁短？梵高於人生的最後幾年陷於精神疾病中，亦曾因情緒激動而割去自己左耳。最後， 他於37歲那年選擇了自殺！難道藝術家的情感真是那麼複習嗎？此時我想起Nick Vujicic（力克 胡哲），他天生沒有4肢，自小受盡嘲笑，但他沒有選擇放棄，更自強不息。神給他勇氣、智慧和力量， 他不但快樂且幽默， 今天他更是一位觸動全球的演講家！他沒有手沒有腳也可以做到，你呢？   Nick said "If we look at our lives and concentrates on things that we don't have or wish to have, that doesn't change the circumstances. The truth is that we have to focus on what we have and make the best out of it."   旅遊日期：2014年6月

係阿姆斯特丹逗留了3日兩夜後，我懷著興奮的心情出發到倫敦，向著呢個多姿多采嘅城市進發。 從Amsterdam Centraal 坐火車去倫敦需於Brussels 轉乘EuroStar，車程約需4小時。我們預早了半小時到達車站，當 Information Counter 嘅慈祥伯伯告訴我比利時當天罷工，所有火車停駛時，我呆了數秒，伯伯再冷靜地重覆一次同一番說話。對於生活在香港的我，確實無法接受罷工呢回事，伯伯又教我去火車公司嘅Customer Service Centre安排！當時我十萬個不願意繼續係 阿姆斯特丹 住多一晚，我怕我會悶到生菇，而且我已經訂佐shopping express，係到達倫敦後的第二日隨即到outlet買過痛快！天啊！ 突如其來嘅罷工對於歐洲人嚟講簡直係芝麻小事，但意想不到他們的處理方法奇差！如果發生係香港，我敢肯定我們的危機應變應該可以做得比他們好！首先火車公司已經預備了巴士送乘客去Brussel 車站，但沒有任何告示，亦沒有任何廣播。乘客需先取籌，等叫號碼到counter安排。我們等了逾半小時後，counter個叔叔叫我們去排隊等上巴士！Ha?! 我睇唔到任何value要先去counter！人在渡假可能心情特別好，如同一事件發生在香港，相信我會鬧爆佢！ 我問其中一個職員，Brussels 會否有車去倫敦，他回答不知道，但他叫我們最好先到Brussels ，因Brussels 會有較多火車班次去倫敦，而嚟緊數天從阿姆斯特丹到Brussels 的火車已爆滿，如果依家唔走可能要多留幾天。Ha?! 幾天？一定悶死啦！我們唯有乖乖排隊，排佐約20分鐘後，有位大叔帶我們一班人上巴士，上到巴士又話要等，㸃解？司機話要等到坐滿人先開車！最終係攪到5:30pm先離開阿姆斯特丹，足足比原定離開時間遲佐個半鐘！由 阿姆斯特丹坐車到Brussels ，車程約兩個半小時。 此時此刻竟然比我們係車上見到一名年青香港人，我們立即跟他相認，並且互相交換情報，同聲同氣始終較親切。我們係車上有傾有講，像是無見多年的朋友般，去到Brussels 後，他更指引我們去到Euro Star櫃台辦理手續，謝謝你啊K先生！ 既然罷工，當然連EuroStar都停駛啦！櫃台姐姐仔話最快要第二日2:30pm才有位，Ha?!

巴黎有靚到不得了嘅甜品同令人回味無窮嘅洋蔥湯、義大利就周圍都可以食到美味Gelato、意粉同Pizza，而係倫敦亦可以嘆番個英倫afternoon tea同all day breakfast，咁去到 阿姆斯特丹除佐係芝士店不停食芝士外，仲有咩好食呢？個人覺得無咩特別。。。 La Place 位於Kalverstraat，係遊客常到的購物街之一。我們原本只係諗住入去食件cake休息吓，怎料被其多元化食物吸引，仲再encore添！ La Place 好似一個室內大排檔，食物選擇多，有海鮮、意粉、燒烤、甜品、沙律、湯同果汁等。部分食物廚師更會即席表演廚藝，此情此境，呢樣又想試，嗰樣又想食，好難揀呢！ 餐廳全自助形式，坐位數目非常充足，繁忙時間，我們見到好多OL係度買外賣呢！ 呢度採用天然食物素材，大家可以食得安心！ 食物水準很不錯，尤其呢個士多啤梨撻，正！ 呢度唔單止味道出色，價錢方面亦較其他餐廳經濟，可以話係又經濟又好味，推薦！ 旅遊日期：2014年6月

係倫敦唔駛坐兩小時Euro Star也可以品嘗來自法國的米芝蓮餐廳出品，此行我們係opentable 訂佐 L' ATELIER de Joel Robuchon。 餐廳裝修走型格路線，環境漆黑配以紅色皮坐椅及樹葉牆飾，感覺特別。經過reception不禮貌的接待後，我們被帶到吧枱，Ha?! 訂佐位都要坐吧枱？心有不爽之際才發現吧枱內正是open kitchen，我們可以看到廚師們如何用心地炮製食物，正擁上來的怒火一下子被壓下去！Ok，一於食埋先！ 滿有法國囗音的傲慢女侍應再次讓我們經歷法國人的高傲氣質，老實講係未食野之前我對呢間餐廳的感覺很差！ 傲慢女侍應送來麵包及廚師送的小吃，麵包實在太硬了，雖然我們頗肚餓，但也吃不下！充滿泡泡的小吃味道雖特別，但感覺不實在，好似在吃Cappuccino上的泡般，真是不太合胃口！ 先來個頭盤，這碟grill vegetable 賣相平凡，但味道頂瓜瓜，grill 過的蔬菜仍然保存了水份和鮮味，正！ 這款魚的外貌非常特別，如紙一般的薄，味道亦不錯，不過如果可以厚身少少，相信質感會好一㸃！ 到主菜了，呢個迷你鵝肝漢堡真係正到無朋友！相比之下，牛扒雖略為遜色，但味道仍很好。 好戲在後頭，法式甜品永遠不會令人失望，確實最後呢兩個甜品不但賣相精美，味道亦ichiban，簡直贏盡掌聲！ 呢餐連兩杯酒盛惠GBP120.91， L' ATELIER de Joel Robuchon在香港Landmark也設有分店，我深信係呢度食應該會平D！ 這是我們今次倫敦之旅最後一餐晚飯，算是為我們此行劃上了一個完美句號！ www.joelrobuchon.co.uk 旅遊日期：2014年7月