Work Heart Play Heart!

作為日本品牌的好朋友，去到東京必然是行軍打仗般的shopping！衫啦、鞋啦、飾物啦、nano block啦、玩具啦，總之一定滿載而歸！ 香港人熟悉的大細i.t.品牌當然是主要目標，縱使一月香港商戶也正進行減價傾銷，東京價錢卻永無失威，加上依家Yen價咁抵，敗家之旅一觸即發！新宿南囗的My Lord 和涉谷的Parco係大細i.t.品牌嘅集中地，mercibeaucoup、FRAPBOIS、mysty woman、pageboy、Lowrys Farm、Olive des Olive和Jelly Beans等，遇著一月下旬大部分品牌更進行further sale，買2點多一個9折，3點額外85折，唔小心買夠10,001Yen仲可以退稅，即多個95折，真係唔駛長途跋涉去outlet啦！ 另一shopping必到㸃便是0101，除佐衫外，呢度買飾物、頸巾，手套等accessory最適合不過，銀聯卡額外有95折，連埋退稅贏晒啦！ 涉谷109亦是我必到的地方，呢度雖然i.t.品牌欠奉，但款式多元化，無論你走咩路線，總有一款適合你！ 咁nano block同玩具係邊度買呢？推介新宿Yodobashi！他們有個館專賣玩具，價錢比坊間平。以nano block為例，當周圍都賣緊7百幾Yen嘅時候，呢度就賣5百幾Yen，唉！難為我係香港仲買佐唔少添，輸晒！其他玩具呢？大部分都較Yen價平！正！ 就係因為呢樣平、嗰樣抵、呢D靚，嗰D正，敗家之旅就係這樣形成！But I don't care! 開心才是最重要！ 旅遊日期：2014年1月

兒時回憶往往叫人瘋狂， 籐子•F•不二雄博物館是一個另人童心再現的地方！你可以一次過擁抱多啦A夢、Q太朗同神奇小子等，簡直正到爆炸！我 由係LAWSON便利店成功買到門票一刻已經開心到不得了！博物館設於 籐子•F•不二雄先生的故鄉川崎市，由新宿坐車至博物館約須30（急行）至45（準急）分鐘。 博物館設有3層，除了可以近距離一睹籐子先生的原稿外， 室內展館 亦展出小道具和一個虛擬籐子先生旳工作室。老實說，我喜歡的是籐子先生筆下的卡通角色，對於寫滿日文而我又唔識睇嘅原稿或他的辦公室，我興趣不大！所以就算呢幾部分唔可以拍照，我也不感失望！ 最令人興奮嘅部分就係見到可愛嘅卡通人物了！ 只需用力拉動機關，在井內的技安便會慢慢浮出來。 多啦A夢嘅場景係最多！如果你也是多啦A夢嘅Fans，十分值得來一趟啊！ 之前係香港海運大廈要排好耐隊先可以影到嘅隨意門，呢度可以慢慢影！ Oh! Q太郎也是十分可愛呢！ 草地上有 神奇小子向每個遊客say hello！ 記得係餐廳內食埋嘢先離開，因為餐廳的食物賣相，也會帶給人無限歡樂！ Wow! 我係度買佐好多心愛嘅裝飾同文具用品作紀念。 由於我們參觀嘅日子係平日，所以比較少人。記得必須先係LAWSON買門票，參觀時間分別為早上10:00、下午12:00、2:00同4:00四埸，額滿便停止售票，LAWSON的售票機只設有日文，但圖文並茂，不難理解，唯獨是去到填名一part，點亂入都未能順利過關，慶幸熱心店員主動幫忙，才可順利過關，攞住發票就可以去counter付錢！入場費只是1,000日圓一張，超抵！ 交通方面，建議大家於新宿乘小田急缐至登戶駅（ 急行20分鐘/準急35分鐘） ，再轉乘博物館巴士（10分鐘）即可到達。 fujiko-museum.com/pc.php 旅遊日期：2014年1月

東京outlet又多一個方便嘅選擇，三井不動產於2012年在距離新宿只有約50-60分鐘車程嘅木更津開了一個新outlet，商店數目多達171間，且部分品牌更是第一次在outlet設店。Outlet現正進行擴充，並預計於2014年夏天投入服務！ 對於自由人來説，去木更津outlet交通非常方便，無須坐JR左轉右䡛，可於新宿站西囗小田急百貨對出35號巴士站坐巴士直達，車程只需約50分鐘。現更設有套票，5,000日圓包來回巴士費用（正常巴士票價是1,400日圓一程）及3,000日圓購物券，即節省800日圓。正！到達outlet後可先到information centre換領3,000日圓購物券，購物券是500日圓一張，總數6張，並沒有任何限制，商店和食店均可使用！ 木更津outlet設計與其他三井outlet有點不同，木更津outlet以度假村設計為主題，只設一層。 呢度嘅日本牌子包括Lowrys Farm、earth music & ecology、Beams、snidel、OZOC、Boycott、TK、Tsumori Chisato。除佐TC同Beams外，個人覺得呢度日本品牌賣嘅衫款式相對較out，我一件都買唔到呢！但如果你係Burberry嘅愛好者，你就要嚟一趟了！呢度嘅Burberry同樣設有Black Label 同Blue Label。相比係大阪Rinku Premium Outlet，呢間Burberry更大，款式更多，可能outlet暫時唔算多人，尺碼十分齊全，Like! 另外呢度竟然有高達迷至愛嘅Bandai，wow!! 除了新宿外，木更津outlet於東京站、品川站、橫濱站及町田站等亦設有直達巴士。雖然outlet距離羽田機場只有廿多分鐘車程，但暫未設有由羽田機場直達木更津outlet嘅巴士。 其實去outlet所需時間一般較多，你可先到outlet網站，睇睇有無自己喜歡嘅品牌先決定出發與否，無謂浪費寶貴時間！ www.31op.com/kisarazu www.31op.com/kisarazu/foreign/index_tw.html 旅遊日期：2014年1月

嚟到墨爾本當然要去Great Ocean Road （大洋路）同探訪鼎鼎大名嘅12門徒石（12 Apostles）啦！經過一輪篩選後，我地最終參加佐wildlife tour嘅大洋路之旅一天團！ Local tour 行程豐富，令我最深刻係漫步熱帶雨林（Otway's Rainforest）、輕吻阿德湖峽（Loch Ard Gorge）嘅岩石同擁抱12門徒石！ 全球最高嘅大樹就係呢個熱帶雨林裏面，係高聳嘅樹木下穿梭感到格外涼爽，空氣指數靚到爆呢！Wow! 大力吸多幾啖先！ 阿德湖峽距離12門徒石只係兩公里，雖則阿德湖峽背後有著令人傷感嘅往事，但係呢到除佐可以近距離欣賞岩石嘅壯麗景觀外，仲可以行到海邊吹吹海風，漫步沙灘，浪漫到暈！ Wow! 終於嚟到鼎鼎大名嘅12門徒石啦！每年吸引數以萬計遊客嘅12門徒石現只剩餘7條岩柱！望住岩柱，感覺大自然確是十分奇妙，不禁讚嘆神創造嘅厲害！ 在墨爾本我地一共參加了3個不同嘅local tour。個人覺得Wildlife tour 係相對較差的一個，原因係司機兼導遊嘅Tina表現較遜色，佢一落車就食煙，連行緊熱帶雨林都照食，仲試過因為食煙而遲佐上車，成班團友就係到等佢，佢竟然仲夠膽係行程結束前問要小費！哈哈！成班即刻靜晒，無人理佢！ 旅遊日期：2013年12月

聖誕節墨爾本大部分餐廳都關門大吉，幸好我預先訂佐Mesh食buffet。Mesh位於酒店Crown Promenade內，就在Crown Entertainment Complex對面，非常方便！ Mesh嘅buffet 以海鮮和甜品為主，澳洲嘅海鮮可以話係信心嘅保證，超新鮮！我特別喜愛這裏的生蠔，雖然不是即開，但十分新鮮且海水味十足，正！ 蝦超大隻，鮮甜美味，我們不停encore! 甜品方面，除了香港常見的黑朱古力噴泉外，亦設有白朱古力噴泉，還有很多生果選擇，大人細路都開心！ 熱盆方面，選擇雖不算包羅萬有，但都有十多款選擇，尚算合格！ 12月25日聖誕節每位90澳元，包一杯酒或汽水，個人覺得相當抵食，難怪當日坐無虛席！Like!   旅遊日期：2013年12月

大部分旅遊書都介紹墨爾本係充滿藝術氣息嘅地方，嚟到墨爾本係Yarra River旁除佐見到不少嘅藝術建設外，仲見到不同嘅街頭表演，有畫畫、唱歌、彈電子琴同結他，連扭波技術都特別厲害，藝術氣息確是十分濃厚！ 惟旅遊書往往報喜不報憂，原來呢個藝術之都成街烏蠅！唔好誤會，墨爾本周圍都好乾淨，但點解會咁多烏蠅呢？我地問過local tour嘅導遊，一個話成個澳洲都一樣（印象中上次係Sydney都有呢個問題），主因係澳洲農業太多所致，另一個話因天氣變化太大所致！究竟誰是誰非還是兩個都錯呢，我並不知道，只知道D烏蠅真係超討厭！原來烏蠅同dirty未必一定劃上等號的！ 我地12月25日到達墨爾本，本來諗住去商場睇下聖誕裝飾感受一下混合了藝術氣息嘅聖誕氣氛。怎料一落機靚仔入境職員嘅一席話已經將我呢個諗法完完全全破滅了，原來墨爾本大部分商店同食肆都會係聖誕節當日休息一天！Oh! 呢個資訊對於香港人嚟講真係無辦法明白的！ 本來我都好擔心少佐一日會唔夠時間shopping，後來我知道我呢個擔心係多餘的！佢地所謂最大嘅商場Melbourne Central，相比香港任何一個主要mall都細！我地一個鐘唔駛行晒！Fine，慳返D！ 12月墨爾本已踏入夏天，但早晚温差仍十分大，日間30幾度，夜晚可以跌到10度，而且會突然刮大風！ 此時此刻真係覺得家在香港好幸福！ 旅遊日期：2013年12月