Work Heart Play Heart!

10月尾至11月係去首爾欣賞紅葉嘅好時候，facebook嘅朋友仔個個趁機出發，差不多日日都見到靚到暈嘅紅葉相。自由人Paul 哥一於唔執輸，攞埋部新相機飛首爾一趟追蹤紅葉。 Paul 哥話昌德宮的秘苑係賞楓熱點。昌德宮係朝鮮王朝時期五大宮之一，亦係朝鮮王宮中保存得最好的一座宮殿。秘苑是昌德宮的後花園，景色優美，春天賞櫻、夏天賞荷、秋天賞楓，而冬天則賞雪。這裡是旅遊熱點，因為秘苑有限制人數進入，故最好出發前先到網站預約。 內藏山國立公園 被喻為南韓第一楓葉山，亦係影相熱㸃，Paul 哥當然唔會錯過。每逢秋天，這裡萬山紅遍，層林盡染，靚絶！ 唔趕住shopping嘅話，Paul 哥亦建議去南怡島走走。在南怡島，紅葉和銀杏樹盡入眼簾，美不勝收！ 南怡島位於首爾東邊的一個小島，步行小島一圈約需2-3小時。去南怡島需乘火車到加平站，再轉乘的士到渡囗坐船直達。回程時若不想排隊坐船，可轉乘快艇，約3分鐘便可到達對岸！ D紅葉真係超靚，雖然我唔識影相，但來年11月旅遊地點非首爾莫屬！ eng.cdg.go.kr 旅遊日期：2014年11月

二世古是北海道其中一個滑雪勝地，堅兄一行4人在二世古新雪谷用佐約HK$2,100 租佐一間house住。睇睇相，那種優閒舒適的感覺，簡直正到無朋友！ Konkuritto 兩房別墅設有兩層，上層為房間和浴室，下層分別設有飯廳、客廳和開放式廚房， 如此設計最啱兩個家庭一齊渡假呢！ 屋內煮食用具齊全，包括爐頭、多士爐、焗爐及碗筷等，附近亦有便利店同酒吧，超方便。 嚟到二世古當然要滑雪，酒店備有免費巴士送住客上雪山滑雪， 每十五分鐘一班 。酒店亦提供滑雪用具供借用，初學者亦可先預約滑雪課程。此外，機場亦有接駁車去酒店，如此貼心，我明白點解依家越嚟越多人選擇自由行了！ 除了滑雪外，酒店亦提供其他活動，包括高爾夫、釣魚、划艇和獨木舟，真係唔會悶啦！ 酒店website設有英文，除佐可以係酒店網站訂房外，亦可透過 agonda 網上預訂，非常方便！ Konkuriitoniseko.com 旅遊日期：2014年11月

堅兄話呢間酒店係北海道遊眾多酒店中的重中之重，咁跨張？睇睇相，又確實唔錯，聽埋堅兄介紹真係值得推介！ 呢間重中之重係位於支笏湖嘅鶴雅休閒渡假溫泉酒店，堅兄一行四人租佐一間付露天風呂的和洋客房。 堅兄話一踏進酒店，已經有酒店職員送來拖鞋，職員會把客人的鞋收好，並保管直至離開酒店。 酒店大堂設有火爐，堅兄話酒店準備了棉花糖俾客人即燒即吃。唔單止有得食，大堂仲有個靚女係度彈豎琴。日本人唔單止包裝得，仲好識玩gimmicks! 讚！ 酒店客房夠大，設有兩張床，另付「塌塌米」，4個人瞓絕對無問題！另外，房間內亦設有L形梳化的大廳，爽！ 更衣間內用品齊全，堅兄話隻all-in-one cream非常好用，女士們塗完後上妝一流！如此好用，第二日check out時便問counter職員有無得賣。雖然當時酒店嘅紀念品售賣店尚未營業，但服務極佳嘅counter職員竟然肯開門比他們4人入內慢慢揀慢慢買，嘩！咁好嘅服務可能只會發生係日本！ 堅兄亦試了酒店嘅懷石料理，佢話足足食佐個半鐘，雖然酒店有提供免費烏冬做宵夜，但他們都飽到食唔到！如果想一石二鳥，下次嚟最好要早D食晚飯了！ 此溫泉酒店乃鶴雅集團旗下酒店之一，集團在北海道設有多家溫泉旅館，並以傳揚大地物語為酒店宗旨！酒店網站設有英文及繁體中文，對於唔識日文嘅香港人實在十分方便，大家下次去北海道又多一個好溫泉酒店選擇了！ http://www.tsuruga-g.com/traditional/06mizunouta/ 旅遊日期：2014年11月

趁未太凍，堅兄最近去佐北海道玩佐6日，第一站先去小樽浪漫吓。講起小樽，我即時諗起音樂盒。點知堅兄話去到小樽第一時間係浸溫泉，吓？原來小樽都有溫泉酒店，真係大鄉里！ 呢間Asari Classe Hotel 距離小樽運河約20-30分鐘車程，亦有shuttle bus接送至附近JR站。酒店設有停車場，泊車免費，自駕遊十分方便！ 堅兄揀了附設 露天風呂的 房間，房間尚算大，仲有張按摩椅比你浸完再鬆一鬆，堅兄話呢種房成間酒店只有6間！ 雖然房間有露天風呂，但就要朝早先可以浸，原因係風呂面對著草叢，夜晚有蚊！不過酒店亦設有公眾溫泉，夜晚同樣可以浸返夠本！ 日本人確實愛心無限，房間內竟然有包野鳥乾糧，而露天部分亦設有一個盤，房客可以將乾糧放入去比野鳥食。堅兄話D野鳥好怕人，一有人行近就立即飛走！ 早餐係buffet，選擇豐富，仲附送個無敵靚景，正！ 呢間房約HK$1,800至HK$2,000 一晩連早餐，酒店亦有免費wifi，如此價錢算是十分經濟了！ 值得一提的是酒店內既拉麵店好得，雖然湯底嘅選擇只得醬油，味噌同鹽3種，但堅兄話好味到不得了，叉燒好滑，入口即容，麵又夠彈牙，而且價錢亦唔貴，只係700Yen至1000Yen。下次嚟記得一試啊！ 旅遊日期：2014年11月

嚟到九州，雖然明知shopping唔係重點，但都想去outlet逛逛，正所謂唔行唔心息！ Tosu Premium Outlet位於九州佐賀縣的鳥栖巿，從 博多出發，可以坐JR到鳥栖站（特急），再轉巴士即可，車程連等車時間約需45分鐘至一小時，尚算方便！ Outlet 不算大，吸引我嚟呢度嘅原因係呢度有A Bathing Ape、Burberry，Pageboy同as know as。到達Outlet後，記得先去Information Centre取份遊客優惠小冊子，差不多大部分品牌都可享額外優惠呢！ 係food court醫飽肚後，我們第一時間衝去A Bathing Ape，結果無令我們失望，我們係度買佐唔少野，不過亦係成個Outlet唯一可以買到野嘅地方！呢到不設退稅，但就可以用張95折coupon。 雖然呢度都有我喜歡嘅日本牌子，不過D衫真係好outlet款，舊款到不得了，我一件都買唔落手，第一次係日本行outlet行到咁禿，最終我們只逗留了兩個半鐘便離開了！ www.premiumoutlets.co.jp/tosu  旅遊日期：2014年10月

已經是第二次租用VisionData嘅wifi蛋了，明知如果係日本酒店先攞wifi可以有更便宜嘅選擇，不過因為要到埗後通知溫泉酒店晚飯時間，所以繼續係香港租用wifi蛋。 VisionData其中一個好處係佢地設有loyalty program，第二次租用可以平少少。既然可以平D，就租個4G wifi蛋，希望可以接收好D！ 去到九州大分，隻蛋長期顯示3G，而且接收速度明顯有D慢。一心以為別府較偏遠，怎料去到博多情況仍是一樣！我唯有寫email 去查詢，點知佢地話WiMAX/ 3G即等於4G，哦！但根據上網速度，我覺得只係3G!  我無繼續爭論，因為我真係唔清楚是真還是假，但我好肯定我下次去九州，我唔會比多HK$10一日租4Gwifi蛋了！ 旅遊日期：2014年10月

嚟到別府一定要去睇睇地獄8景，千祈唔好誤會，呢度唔係中國人講緊嗰D恐怖地獄，別府嘅地獄8景其實係溫泉8景！ 8大地獄分別為海地獄、山地獄、龍卷地獄、鬼石坊主地獄、白池地獄、鬼山地獄、血池地獄同 かまど 地獄。 8個地獄的分佈點不同，遊地獄最方便嘅方法係自駕，每個地獄入囗均設有免費停車場，非常方便。 入場前需先買8大地獄共通入場券，在每個地獄入口均有工作人員檢查並收取該地獄入場卷，即如果離開一個地獄後想返轉頭入去買野就唔可以了！出發前記得先去website下載9折優惠卷，出示優惠卷入場費可享9折！ 一直以為溫泉嘅變化就只有熱水同熱氣，嚟到呢度先知原來熱泥都有！鬼石坊主地獄會不斷冒出灰色嘅熱泥，神嘅創造確實奇妙！ 個人最喜歡的是血地獄和海地獄，因為紅色和藍色的溫泉很特別，影相很靚呢！ 另外如果你要買溫泉粉或其他紀念品，最多野買嘅地方亦是血地獄和海地獄內嘅商店。個人最喜歡海地獄嘅溫泉粉，平、靚、正！血地獄內最有名的是其皮膚軟膏，聽講好多皮膚問題都可以醫好，我買佐一盒嚟塗濕疹，效果不錯，不過軟膏是紅色，很不方便呢！ 日本最可愛嘅地方係，無論你去到邊廁所仍然是乾淨企理，呢點確實係無得輸呢！ www.beppu-jigoku.com 旅遊日期：2014年10月