Work Heart Play Heart!

Jumeirah Frankfurt 跟七星級嘅帆船酒店同屬杜拜 Jumeirah 集團，酒店位於法蘭克福市中心，離 Zeil 購物街及地鐵   hauptwache 站只需數分鐘步行距離，非常方便！ 房間格局雖不算豪華，但就十分舒適整潔，空間感十足！ 洗手間十分寬敞且設備完善，同時設有浴缸及雨淋花灑，任君選擇！ 房間隔音亦唔錯，我們係度兩晩都瞓得相當好呢！ 早餐方面就比其他5星酒店較差，首先選擇不算多，慶幸有幾款熱盤即叫即煮，可惜食物味道亦好一般。而中東藉男侍應的服務水平亦奇差，雖然笑容十足，但不時攪錯食客order，可能需要再培訓吧！ 我們是用國泰package 訂此酒店，呢間酒店幾乎係全單張最貴嘅 package，係咪抵就見仁見智，不過除佐早餐外，呢間酒店係其他各項都絕對可以取得高分！ www.jumeirah.com/Jumeirah-Frankfurt  旅遊日期：2015年4月

坐國泰（CX）飛德國只有直航法蘭克褔，若要到德國其他地方如柏林或慕尼克，可選擇其他航空公司，或於法蘭克褔轉機或火車前往。一般情況下，CX機票可以包最多兩程內陸機，並由寰宇一家的聯營航班提供。 第一次係法蘭克褔轉機，相比係希斯路轉機都幾唔同，真係各處鄉村各處例。 我們約於6:30am到達法蘭克福機場，並需於10:25am轉乘AirBerlin到柏林。之前係希斯路轉機，我們可以先過海關及安檢，然後係候機大堂慢慢等，shopping又得、食野又可以，瞓覺亦無問題。但嚟到法蘭克福，你可以先去Lounge食個早餐或者shopping先，因為佢地嘅海關同安檢均設於登機閘囗前，差不多飛之前45分鐘先會知道登機閘囗安排。即係話45分鐘內要去到登機閘口，過埋海關同安檢。夠時間嗎？歐洲人嘅速度當然不及香港人快，排隊確實在所難免，我們勁驚遲佐上唔到機呢！ 由柏林落慕尼黑，我們繼續用埋CX機票嘅另一quota坐多一程內陸機，實行慳得一蚊得一蚊。同樣地大家唔駛太早到機場，因為佢地啲counter 唔會太早開，起飛前一小時到已ok。 我們同樣乘坐寰宇一家嘅AirBerlin，當我見到呢隻縲旋槳飛機時個心一直向下沉，點解呢個年代仲可以有呢款飛機呢？我真的有少少擔心！此時此境，我唯有不停祈禱祈求可以安全抵達慕尼黑。 我坐嘅位置勁近 縲旋槳，起飛後縲旋槳嘅轉動聲十分響亮，足足嘈足60多分鐘，我對耳朵勁痛！除此之外，飛機在高空時曾搖晃了幾次，其中有一次都幾驚險，嚇到我心都離埋。最後感恩安全抵達慕尼黑，不過我下次都唔敢再坐細航空公司嘅內陸機。年紀大，唔係好嚇得啦！ 雖然兩程內陸機都只係60零分鐘，但AirBerlin都有派飲品同小食，小食味道亦不錯，落機時空姐亦會送上朱古力，算是加番一啲分吧！ 除佐係法蘭克福轉機去柏林或慕尼黑外，大家亦可考慮係英國希斯路轉機，咁就可以坐英航內陸機，唔駛坐AirBerlin了！ 旅遊日期：2015年4月

今次德國之旅，我用佐唔少時間揀酒店，原因係中價酒店選擇唔算多，雖然平酒店有好多揀，但Tripadvisor 網評好壞參半，話晒要住4晩確實唔敢輕舉妄動，最後揀佐Sofitel Munich Bayerpost，每晚約HK$2,100，唔包早餐，相比係柏林，價錢貴唔少！ Sofitel Munich Bayerpost 位處 Munich Central station 旁，絕對方便坐火車去其他地方如富森及法蘭克福，若要到Munich市中心shopping，亦只需步行15分鐘，唔想行的話，亦可坐1-2個站地鐵，所以話Sofitel Munich Bayerpost絕對贏盡地利！ 近central station嘅缺點可能係嘈同雜，由於無其他更好選擇，唯有親身體驗一下！ Check in 後一步入房已興奮全消，房間超細，書枱放在窗枱上，落佐窗簾後就完全用唔到！ 廁所則設有浴缸及企缸，但洗手盤附近空間超細，我完全唔知邊到放洗面奶同護膚品。 最慘係我竟然聽到火車聲，此時此刻我簡直呆了，連續4晩瞓得唔好，我應該會死的！我們唯有打電話落front desk要求換房，他們原本話無房，我老公話我們可以比錢upgrade，佢地就話再幫我們check check，幾分鐘後再覆話可以幫我們換房！ 新房間於同一層，沒有浴缸只有企缸，但間房比第一間大，洗手盤旁亦有很多空間放野，且好明顯靜好多！感恩可以有覺好瞓，而的而且確我們4晩都瞓得好好，將床好舒服！ 呢度係選用Hermes嘅沐浴用品，呢㸃可以加番少少分吧！ 呢度食早餐約HK$300一位，我們豪佐一次。早餐選擇多，味道亦不錯，絕對可以當brunch咁食！ Sofitel Munich Bayerpost 屬5星酒店，但在保養上明顯不是太好，傢具較殘舊之餘，清潔亦不是太理想，下次再到慕尼黑可能會搵其他酒店呢！ http://www.sofitel-munich.com/en 旅遊日期：2015年4月

Tripadvisor 網友推介了唔少好味餐廳，但大部分都位於酒店內，此行想試小店風味，決揀呢間在Tripadvisor 排名第5的Le Maverick。 Maverick 位於Asok站附近，由Terminal 21旁的大街直行約需10至15分鐘，尚算方便！ Maverick 設計以黑色為主，我們約於晚上7時到達，餐廳內大部分人都係飮酒為主，只有幾枱人在吃晚餐。餐廳侍應有禮地介紹餐牌，我們㸃了4個courses的晚餐！ Happy hour 5-8，酒類買一送一，我們當然不會錯過此機會啦！ 餐廳先送來麵包，這款黑色醬味道很不錯，我又完全唔客氣KO晒！ 鵝肝向來最有保證，除配有脆麵包外，餐廳亦附上味道較清的小吃，中和了鵝肝的濃味，不錯！ 個人覺得這個水煮蛋比蔬菜湯的味道更出色，不過若你愛喝V8蔬菜汁，可能你會愛此湯呢！ 我倆均㸃了羊，羊肉沒有太大驚喜，不過我幾喜歡旁邊的沙津，他們將蕃茄磨成溶，一囗肉配一囗蔬菜，感覺較清新，罪惡感少了一點，很有心思呢！ 甜品出乎意料地大份，雖然味道很好，但我們實在很飽，只可完成一半！ 呢度唔似其他法國餐廳會為食客送來不同的免費小食，不過價錢則非常經濟，港幣320唔駛就有齊4道菜，最後兩個餐連4杯酒及1枝水都只係約港幣820，抵！ www.maverickbangkok.com 旅遊日期：2015年5月

係柏林住國際5星酒店連早餐都唔駛港幣2千蚊晚，相比慕尼黑及法蘭克福經濟，既然係咁，梗係對自己好D，係度嘆番個米芝蓮晚餐啦！ 位於The Mandala Hotel 5樓嘅FACIL 屬米芝蓮2星餐廳，獲獎無數，網上評價人人讚好。 餐廳設計優雅，環境舒適，置身其中令人心情放鬆，我們6點便到達，期待完美的一個晚上！ 我們㸃了4個courses，餐廳先送來麵包，wow! 呢4個賣相可愛的德國包，熱烘烘的，得！相信再嚟4個，我都可以好快KO晒！ 綠色自家製香草醬配上麵包，味道一流！ 餐廳再送來兩款精緻小吃，味道不錯！ 主角終於上場，先來個鵝肝頭盤，鬆化麵包配上鵝肝簡直令人齒頰留香，如果大碟D就好了！ 這碟配有黑松露的素食，味道清新，但較鵝肝遜色！ 鱈魚及和牛賣相吸引，味道亦高水準！正！ 羊肝味道較新奇，不過仍然可以送晒落肚！ 雖然我們沒有點甜品，但餐廳免費送來朱古力、雪糕及macaron，Like！ 連埋兩杯紅酒及兩枝水，呢餐盛惠254歐羅，即約HK$2,200，係咪抵食見仁見智，不過我們超 like，推介！ 提提你，嚟之前記得訂位，因為餐廳唔算大，現場見walk in 客絕對無緣呢！ www.facil.de 旅遊日期：2015年4月