Work Heart Play Heart!

米蘭嘅酒店比羅馬和佛羅倫斯嘅酒店貴一截，係復活節黃金檔期入住，更講到明不設退款，Agent仲話要立即比錢先可以訂房，唔可以先hold後付！我地揀嘅已經唔係5星級酒店，咁究竟邊間酒店咁巴閉？Hotel Manzoni係tripadvisor排第9，有96%人讚好！ Hotel Manzoni鄰近Monte Napoleone metro站，就在米蘭的名店街內，shopping近在咫尺，而由酒店徒步至duomo米蘭大教堂亦只需約15分鐘，正！ 酒店裝修帶㸃傳統的豪華，房間不算大但乾淨整潔，感覺舒服！ 令人出奇的是廁所比例上較大，有齊浴缸和企缸。 不得不提的是這裡的早餐非常高水準，選擇多之餘，味道亦好，炒蛋和腸仔更是即叫即煮，Like！ 酒店員工亦十分友善，check in後個front desk亞叔已經可以記得我地嘅房間number，勁！ Hotel Manzoni確實不錯， 原來4星級酒店也可以很豪華呢！ www.hotelmanzoni.com 旅遊日期：2014年4月

每次歐遊總要去同球場say hello，無計有個足球迷老公！聖西路球場係意甲最出名球場之一，嚟到米蘭當然要去睇睇！ 我們預先已上網買飛，但現場所見唔算好多人參觀，即場買飛應無問題！ Stadium tour 由早上10時開始，每半小時一班，等候之時可先參觀museum。兩層嘅museum展示了不少過往獎盃、古典波衫同球員人像，包括荷蘭三劍俠之一，古烈治！ 跟英超球隊的stadium tour一樣，除可入觀眾席外，亦可以參觀球員更衣室！不過呢度就唔比我地好似球員般一嘗經進場通道踏足草地的滋味，有點失望呢！ 此外由於AC Milan和國際米蘭共用同一球場，場內沒有球隊的旗幟或佈置，同一般球場分別不大，欠缺了一㸃球會氣氛！ 這是國際米蘭的更衣室 這是AC Milan的更衣室 相比起Manchester United 和Chelsea的更衣室，呢度細好多。可能義大利人不及英國人的生意頭腦好，他們沒有於更衣室來展示球員球衣，令更衣室感覺冷清，參觀人士亦不太興奮！此外，沿途來球場亦沒有清楚指示，球場內的商店亦很細（比米蘭的AC Milan專賣店更細）。。。就是呢D原因令呢度嘅stadium tour較少人參加嗎？ 沿途行去聖西路球場時，見到好多街頭創作，個人覺得呢D街頭畫作比球場更具睇頭呢！ www.sansiro.net 旅遊日期：2014年4月

嚟到佛羅倫斯必定要食Florence steak，靚女同事介紹我去試Peperoncino，佢話嗰度D Florence steak 一試難忘，咁正？雖然Peperoncino 唔近我地入住間酒店，但決定一試！ 餐廳唔算大，除佐遊客外，都有唔少當地人，可能我地尚算早吃，所以有位，如果想8時後才吃就記得先訂位了！ 我地order佐一份Florence steak同一個意大利飯！Florence steak其實是T-bone steak， 外面grill到好香，裏面的肉質只有約4成熟，但無血水，grill得剛剛好！我地唔小心order佐一枝貴紅酒（half bottle)，雖然我唔識飲，但牛扒配紅酒，真係正到無朋友！ 不止Florence steak，這裡的意大利飯亦非常出色，飯質煮得不太硬亦不太軟，味道剛好！係我試過最好味的一次！ 因為好味所以食得開心，因為開心所以食得多！雖然有D飽，但見到隔離枱食Tiramisu食得咁開心，就order佐一碟！呢度件Tiramisu同香港唔同，酒味香濃，又唔甜，超得！就算要減肥，都一於食埋先算！ 如此高質素一餐，都只不過是Euro 84，如果唔係order錯佐枝較貴的half bottle紅酒（Euro 25)，應該好抵食呢！ www.casatrattoria.com 旅遊日期：2014年4月

在波友極力推介下，我們係Hotel Continentale住佐兩晩。酒店坐落於老橋旁，我可以欣賞到不同時間嘅老橋景色，正！ 酒店裝修時尚，雖談不上是5星級的豪華，但酒店設計花盡心思，無論梳妝枱、大床還是床頭櫃，比一般4星級酒店更具個性！ 酒店更不惜工本，選用了Salvatore Ferragamo 的沐浴 用品，香味不錯啊！ 酒店的早餐同様貫徹高雅，即叫即煮的炒蛋煙肉正到無朋友，牛角飽新鮮鬆脆，呢度的早餐水準絕對可以媲美5星級酒店！ 親切的服務、舒適的房間，美味的早餐伴著老橋的美景， Hotel Continentale確是一間高質素的4星酒店！謝謝波友推介！ www.designhotels.com/continentale 旅遊日期：2014年4月

在圓形競技場附近的酒店 Hotel Capo D'Africa住了3晚，係附近試佐唔少餐廳，誠意推介Royal Art Cafe Rome和LI' RIONI。 Royal Art Cafe Rome就在圓形競技場對面馬路，若選擇窗旁座位，就可以係古羅馬鬥獸場嘅陪伴下食西餐，感覺很爽！ 我們係呢度分別食過早餐和晩餐，早餐選擇不多，只有麵包和咖啡，麵包味道一般，太乾了！ 見Tripadvisor有唔少人讚好就再來吃個晚餐，晚餐選擇較多，個人最愛這個意粉，意粉煮得很爽囗，調味做得剛好，我們很快便KO 了一整碟！ 牛扒味道也不錯，不過相比起在佛羅倫斯吃的Florence steak就較普通了！ 因為餐廳鄰近主要㬌㸃，收費相對較貴，但比起在佛羅倫斯或米蘭的餐廳，呢度仍然較經濟呢！ Li' Rioni 就在Hotel Capo D'Africa附近，呢度主要食Pizza 和魚。 這個茄汁魚和炸魚柳簡直令人喜出望外，魚肉保持鮮味十足，正！ Pizza和pasta就跟其他義大利餐廳一樣，好味！ 不過呢個Cooked vegetables 就超級難食，下次都係叫沙律算吧！ 餐廳於晚上7點才營業，我們於7點到達，餐廳越夜越多人，唔想排隊等就要早少少嚟了！ 索女同事話係義大利食意粉和pizza，間間餐廳都煮得十分出色，個人經歷也相同，如果唔就腳的話，就係附近揾間餐廳食義大利意粉和pizza吧！ 旅遊日期：2014年4月