Work Heart Play Heart!

日本吃燒肉不單味道超班，且比香港食平一截，今次4日3夜行程我們吃了兩餐截然不同的燒肉，味蕾大幸福！ 上網見朋友仔推介位於Grand Front Osaka 內的白雲台，我們check in 後立刻衝去試一試。 呢度D肉有半份同一份選擇，我們兩個人為佐可以試多D款式，實行每樣叫半份。 牛肉賣相同相片好明顯有D出入，而且差不多每款都加上調味先上枱。若果係靚牛肉加少少海鹽已經很好味，根本唔駛醃。燒過後的牛肉雖然味道不錯，但就唔會入口即溶，雖然我們唔算食的好飽，但就決定留肚食其他了！ 由於白雲台未能成功滿足我的胃口，我們唯有再戰燒肉一丁，位於心齋橋的燒肉一丁鄰近 Cross Hotel，絕對唔難搵。 呢度係選用黑毛和牛，信心保證，而且設有和席客房，可以慢慢享受二人世界呢！ 我們先㸃了個和牛拼盤，4款牛肉各具特色，我們最愛左上方的特上牛，入囗即溶的感覺實在太幸福了，便馬上再來一碟，食到停不了！ 除了特上牛外，我們亦十分喜歡這個加了少許鹽的牛舌，十分爽囗，好味道！ 優質食物再加舒適環境確實會令人胃口大增，最後我們都食佐唔少野，計埋3杯酒埋單盛惠10,168 Yen，即約港幣700唔駛，超抵！ 旅遊日期：2015年1月

不論是東京還是大阪，不論是5星還是4星，大部分酒店嘅洗手間設計是一式一樣，只 是大少略有不同而已 。 今次大阪遊，我們選定了2013年才開幕的InterContinental Osaka，實行住豪D！呢間5星酒店位於Grand Front Osaka北館內，由大阪站徒步前往只需約10分鐘，超方便！ 酒店大堂位於20樓，Check in 後我們自行拖喼上房，由打開房間大門一刻開始，我「嘩！」過不停，房間不但大，且裝修時尚華麗，更沒有一式一樣嘅廁所設計，我終於係大阪住到真真正正嘅靚酒店了，我仲以爲自己去佐曼谷呢！ King size大床超舒服，床褥軟硬度亦剛好，正！呢間酒店豪不孤寒，唔理你用佐幾多，亦唔理你有無需要更換，他們每天均送來多一套沖涼液、洗頭水、護髪素、潤膚露、牙刷牙膏及拖鞋等，完全唔需要揾room services 幫忙。 想浸浴嗎？房間內備有兩款浴鹽任你揀， 讚！ InterContinental 當然無咁簡單，房間內唔單止有三支水，仲有枝welcome 紅酒，可惜我們無時間享用。除佐有得飲外，他們每天亦有送來日式或西式小㸃心，很窩心呢！當然我唔知道以上一切小小心思會否同我生日有關，雖然他們不像其他5星酒店送來生日卡或生日蛋糕，不過 check in 時的一句Happy Birthday，及房間內的紅酒同小㸃心已是很好的心意吧！謝謝！ 早餐方面，InterContinental 亦唔會求其，除佐食物選擇多外，食品質素亦相當唔錯。他們每天亦會轉少少款式，確保你住多天亦有D新野食吓，唔會悶親！ 價錢方面，早鳥優惠約HK$2,200 至HK$3,000 一晚包早餐，視乎你入住時間，星期六晚入住比平日略貴。其實住Swissotel 都要成HK$2,000多一晚，個人覺得InterContinental 相對值得多！ 旅遊日期：2015年1月

一月係日本冬季大減價月份，月初折扣率較低，月中折扣率增至40%至50% off ，月尾折扣率最大，不過部分款式可能已經斷碼，而部分品牌亦可能已開始換季。 每年一月遊日本不論是東京還是大阪，都已經有指定路線，以下是個人大阪 shopping 必到景點： 大阪/梅田駅 shopping mall較集中，圍繞此兩個車站附近 已可搵到唔少好野，個人最愛LUCUA同HEP Five。LUCUA內有BEAMS、mercibeaucoup,、Lowerys Farm、Fred Perry同Nike等，可能太就腳，呢度嘅 mercibeaucoup,  款式相對較少，可能未能完全滿足Fans。至於Nike Fans是否可以係LUCUA內買到限量款式，就要睇彩數了！HEP Five 相比LUCUA大，店舖亦較多，你可以係到搵到唔少香港人熟悉的日本牌子，包括OZOC、Nice Claup、Pageboy、OlivedesOlive、Mystey Woman、E hyphen world gallery、X-Large等，你亦可以係度搵到唔少平價但款式唔錯嘅衫，可以買到幾多就要考考你眼光了！ 天王寺新場ABENO HARUKAS 於2014年3月開幕後，成功將MIO、Hoop同 &and 連接起來，天王寺頓時成為一個超方便的 shopping 天堂！MIO向來是我的至愛，呢度遊客相對較少，可以慢慢試，而且款式同尺碼亦較多，我每次都可以係到買唔少mercibeaucoup,，另外，呢度亦有Ne-net、Frapbois、Francfrancfranc 、Pageboy、Lowrys Farm、Pou Dou Dou、OlivedesOlive 等，正！ ABENO HARUKAS 內除設有百貨公司Kintetsu 外，亦有Solaha商場，Solaha 差不多有成層都係賣鞋，鍾意Jelly Beans嘅朋友一定可以係度買唔少呢！Solaha 同Kintetsu 嘅單可以㚒埋一齊退稅，而銀聯卡客戶亦可以享有額外5%折扣優惠，正！ 心齋橋係傳統購物熱點，不過呢度往往遊客（包括強國人）眾多，相對無咁好行，但我們仍愛到呢度嘅Tokyu Hand、Nike同0101朝聖。而家係Tokyu H

繼上次九州經歷後，12月首爾之旅決要試其他 wifi 蛋供應商，no more VisionData！朋友介紹用 inet international，二話不說就試呢間啦！ 上網一睇，首爾 wifi 蛋 HK$60 一日，唔駛揀 3G 定 4G，因為inet international 提供嘅全是4G。佢地office 係中環，亦可以安排係香港站交收，絕對方便我們。中環唔就腳？只要登記成為會員，就可獲免費速遞服務。 inet International 無 VisionData 咁 digital，租機要電話預約，不過就唔駛先去ATM 過數留機，算係加番D分！最正係佢地可以比我們出發前兩日取機，由於我們星期六返到香港，星期日又唔得閒還機，佢地比我們星期一先還，只要預約時同佢地講清楚就ok了，咁flexible 當然又要加分啦！ 部機亦好襟用，叉電後足足用7個鐘，上網又夠快，我完全無懷疑過 3G 定 4G呢！下次旅行唔駛再揾另一wifi 蛋供應商了！ www.inet-international.com.hk/ 旅遊日期：2014年12月

因為奧巴馬，我們專程到呢間La Fontaine de Mars一試！由Metro Ecole Militaire 站徒步去餐廳，約需15分鐘。大概可能很多人都因著美國總統的名聲而來，餐廳坐無虛席，如果無訂位怕且會白走一趟！ 餐廳不算大，餐椅排得密密麻麻，慶幸侍應們迅速替我們掛好大褸和外套，否則都食得幾麻煩。我唔知道奧巴馬食過後有咩好介紹，我們只按自己喜好㸃了幾樣試一試。 打頭陣的是煎鵝肝多士，外脆內軟的鵝肝入囗即溶，配以特別的醬汁、帶酸的提子及小粒多士感覺清新，是不錯的選擇！ 我們揀了鴨腿及牛扒作頭盤，鴨腿賣相雖一般，但味道不錯，只是略嫌外皮不夠脆。牛扒味道則較普通，未有驚喜！ 眼見隔離枱嘅甜品賣相精美，我們便跟住 order 佐一份，呢個名為Floating Island Fontaine de Mars嘅甜品，原來係凍食，黃色部分是輕輕的海棉蛋糕，釀上奶後吃，味道不錯。個人覺得若果蛋糕是熱吃，感覺會更幸福！ 埋單盛惠Euro114，可能我同奧巴馬嘅口味唔太一樣，個人覺得附近嘅Au Petit Sud-Ouest更出色！ 有關Au Petit Sud-Ouest的文章： http://workheartplayheart.blogspot.com/2013/08/blog-post_1253.html?spref=bl 旅遊日期：2015年12月

12月中只停留巴黎兩晚，為了方便購物，我們決定揀一間既方便又舒適嘅酒店，方便嘅定義係一出門就可shopping，最終我們還是再來了Renaissance Paris Arc de Triomphe Hotel。 酒店毗鄰 Champs Élysées shopping 街，絕對方便！ 酒店跟兩年前分別唔大，保養得相當好。房間寬敞，設計時尚，且乾淨整潔。最舒服係張床褥，絕對可以係shopping 後瞓返覺好，叉足電後又再嚟過！ 我最愛的仍然是洗手間內的巴黎鐵塔，就是這一㸃㸃為這間酒店加添了不少分數呢，Yeah! Lovely Paris!  訂房時我們沒有加錢要早餐，去到酒店就後悔了，因到達後才決定食早餐要比Euro30元一位再加稅，比係香港訂埋相差成Euro10一個人。雖然早餐食物唔錯，但要比呢個價錢確實有D唔值！ 提提你酒店一般要到下午3時後才有房check in，按上次經驗，我今次辦理check in 手續時已吿知front desk我們的要求，包括King size bed （他們設有Queen size bed房間）及正常浴室（他們設有傷殘洗手間），最後他們完全可以順應民意，都係講清楚好！ 呢度不但front desk服務好，連concierge 員工亦很抵讚，下次再嚟巴黎， Renaissance Paris Arc de Triomphe Hotel 仍然是我的首選！ 旅遊日期：2014年12月

巴黎除是shopping天堂外，亦是美食天下！曾經有朋友話歐遊必要帶備杯麵，因香港人自然會掛念湯麵等中菜，但放心吧，呢種情況絕對唔會發生係巴黎！ 法國名廚Joel Robuchon 早於38歲時已取得米芝蓮3星，旗下餐廳粒粒皆星，絕對唔簡單！酷愛 Robuchon美食的我，嚟到巴黎當然要去朝聖，我們去佐 Champs Élysées 附近的 L'ATELIER de Joel Robuchon。 Open kitchen 係  L'ATELIER de Joel Robuchon 嘅一大特色，放心吧，呢度唔會有油煙，廚房亦超乾淨整齊，難得有機會邊吃邊欣賞廚師們的手藝呢！ 照舊餐廳先送來一杯免費頭㸃，今次呢杯中間夾著一層 foie gras（鵝肝），泡沫中的 foie gras 香超正，我唔駛2分鐘已KO 佐。 印象中差不多每次到  L'ATELIER de Joel Robuchon，我都會order呢個 foie gras hamburger ，煎香了的鵝肝加塊滿有肉汁牛扒再配麵包一齊食，真係無得輸！ 唔好誤會，一碟係有兩個burgers的。只係靚女侍應知道我們齊齊分享，所以好心幫我們分開了兩碟上。讚！ 靚女侍應介紹餐牌時推介呢個黑松露意粉，雖然我當時已經見到要Euro 98，但可能嗰一刻仲以為自己身在瑞士，完全忘記了兌換率，一囗答應話好，食完先知肉痛。不過碟意粉D黑松露多到不得了，啖啖意粉都帶著黑松露香味，超正！我相信香港比貴好多先可以食到！ 這只是半碟份量，廚師替我們分開了兩碟！ 呢碟羊架嘅外貎雖平平無奇，但味道卻十分好味，而且一㸃也沒有羊羶味，正！ 廚師同樣免費送來我最喜歡的薯蓉，又香又滑又好味，我隨即KO晒一碗！ 嚟到法國食晚飯點會少得甜品，這個梳乎厘鬆化可囗，我們兩個人很快就食晒！ 跟著靚女侍應再拿來免費香橙蛋糕仔，雖然我已經飽佐98%，但仍然趁熱食佐一個，實行食飽才慢慢減！ 埋單盛惠Euro229，雖然貴了少許，但真係食得好開心同滿足！ 旅遊日期：2014年12月