Work Heart Play Heart!

5年內第二次去曼徹斯特，上次逗留3晚主因係入場支持曼聯比賽。今次因機票安排，需由曼徹斯特玩返落倫敦。雖然7月無足球比賽，但我們仍選擇係度住3晚，除佐因為係曼徹斯特去York快少少外，我們亦十分喜歡呢個城市！ 首先住在曼徹斯特的英國人比住在倫敦的人對遊客更有禮，他們少一點英國人的高傲和歧視，且會主動提出協助。話說我們此行順道幫朋友買雀巢咖啡的capsule ，我們見到一間賣咖啡機的店舖又有啲capsule放係度，就入去問吓，健談店員解釋話無賣capsule 並告知我們可以係附近邊到買，且隨手將兩條capsule sample 放入袋遞比我們，我們呆了半秒才識得講多謝！真係好少出門遇到這麼好心的洋人呢！讚！ 若果你是足球愛好者，你除佐可以參觀曼聯及曼城球場外，你亦可以參觀埋呢個位於市中心的National Football Museum，呢度免費入場，你會係度搵到好多英格蘭足球的歷史。 愛shopping 嘅女士，曼徹斯特亦絕對唔會令你失望，市中心（Piccadilly Garden附近）除佐有大商場Arndale Centre外，亦有專賣平野嘅Primark、中檔嘅 Debenhams 及 Next，同高檔嘅Selfridges 及 Harvey Nichols。正！ 未行夠？你亦可以去埋係Hotel Football 附近嘅Lowry Outlet，由Hotel Football 步行過去約需20分鐘，沿途風景優美，極度 relax！ 不過Outlet 唔算大，但有D野就真係好平，出發前可以先上網睇吓D牌子是否喜歡先去！ 曼徹斯特亦有China Town，若然你突然掛念中式食品，呢度亦唔愁無得揀呢！ http://www.lowryoutlet.co.uk/ 旅遊日期：2015年7月

英超球季即將開鑼，係時候計劃新一季的足球之旅。曼聯球迷除佐可以受惠於CX直航曼徹斯特新航綫外，主場 Old Trafford 亦有新發展。曼聯著名退役球員Gary Neville 同Ryan Giggs齊齊創新天，於曼聯球場對面開設了Hotel Football。酒店於2014年12月8日開業，為曼聯球迷開闢了球場以外的另一新景點。 雖然已經去過曼聯球場，7月又無球賽，但曼聯球迷重遊曼徹斯特，無理由唔探訪 Hotel Football，最終我們係呢間新酒店住佐 3晩，享受晚晩係房間嘅窗已可望到Old Trafford 球場嘅幸福！最開心嘅應該係我老公，因為我對足球嘅興趣係零！ 沒有豪華嘅裝修，Hotel Football 以簡潔為主，且處處滲透著足球的氣概！我特別喜愛這套足球浴室用品，很可愛呢！ Hotel Football 的房間十分寬敞，床榻亦十分舒服，我們3晚都瞓得相當唔錯。 Hotel Football 內的餐廳Cafe Football 係我們係曼徹斯特的飯堂，我們唔單止係度食早餐，更食佐兩晚晚餐。 早餐除可自選即叫即煮款式外，自助bar枱上亦有不少選擇，麵包新鮮鬆化，英式早餐亦永無失威，如此豐富，此行定必增肥不少！ 如此豐富早餐盛惠13英磅一位，係英國算係ok啦！ 晚餐選擇亦不少，呢杯Red Devil 不但飲得仲睇得！ 個人十分喜愛呢度嘅雞翼同Treble Pies，好味！ 值得一提的係我們係度住佐兩晩，竟然可以捕獲Gary 兩次，我們仲同佢影埋相，此行真係值回票價！ 非球賽期間，房間只需HK$800多一晚，相比曼徹斯特市中心酒店平一截。由Hotel Football 步行至Old Trafford輕鐵站約10-15分鐘，酒店附近亦有巴士直達市中心，算是方便！ 酒店係球賽期間更推出球迷體驗套餐，各位球迷記得密切留意了！ www.hotelfootball.com 旅遊日期：2015年7月

相比起歐羅，英磅貴一截，倫敦酒店亦出名貴，旺季時間住一間裝修企理少少且交通方便嘅4星酒店，閒閒地都要二千幾蚊一晚，確實唔簡單。㸃樣先可以玩得抵一點？送你幾個小貼士！ 1）盡早預訂機票 通常我都會於出發6-7個月前經travel agent預訂機票，就算經濟客位都分佐好多唔同嘅class，越早訂就越平！而好多travel agent都可以先幫客人hold住機位，臨飛前2-3個月才需確實付錢的！ 2）盡早網購火車票 若到倫敦近郊或英國其他地方遊，記得預早上網買火車票，跟歐洲其他地方一樣，火車票係海鮮價，總之越早買越平！ 3）平食好野 係倫敦食一餐先要20% VAT，再比12.5%服務費，係似樣啲嘅餐廳食晚飯連酒兩個人閒閒地千幾蚊港幣一晚。大家可以考慮早少少食Pre-theatre menu，Covent Garden 及 Leicester Square 附近最多 theatres，歌劇一般於晚上7:30前開始。呢頭大部分嘅餐廳都提供Pre-theatre dinner menu，一般由5:00pm 開始，價錢一般較正常低。除佐Pre-theatre menu 外，你亦可考慮係有名餐廳食lunch ，同香港一樣5星餐廳嘅lunch set比dinner set 抵食，而lunch 亦可較易訂到位！你可以係出發前先登入open table 訂位同睇吓餐廳有咩最新優惠！ opentable.co.uk 4）Oyster card Oyster card 即等於香港嘅八達通，適用於倫敦內大部分交通工具，每程收費較正常低，亦設有每日消費上限，若當日消費達上限後，其後係zone 1 及zone 2嘅交通唔會再收錢，十分方便自由人呢！ 5）London Pass 若果你是第一次遊倫敦，又或者你想參觀Museum 以外的更多地方，買張London Pass 會更抵！持有London Pass人士可免費參觀Tower of London、西敏寺、London Bridge Experience、Tower Bridge Exhibition、Windsor Castle、London Transport Museum、Kensington Palace 及參加 Aresenal Stad

乾杯燒肉在台十分出名，身邊很多朋友遊台都必到乾杯朝聖。由於我們每次到台的主力都係麻辣鍋，故遲遲未有機會一試，5月尾台北之旅一於下定決心，試試乾杯老店，睇吓呢間熱門燒肉能否取代麻辣鍋的位置！ 出發前兩星期已透過visa infinite 嘅concierges service 訂位，但我們完全忘記了要即日致電餐廳再確實，慶幸我們6點零就到，餐廳未算人多，我比concierges 嘅英文確認email 個靚仔侍應睇，好明顯佢未能完全明白，而我啲半鹹半淡普通話亦令餐廳侍應完全投降，最後他比我們入坐，Yeah! 相比係香港食燒肉，呢度嘅價錢相當抵食，正！ 我們最喜歡的是呢個牛舌，難怪是人氣No 1，我們前後order了兩碟！ 我們本打算order 較痩嘅牛肉，年紀大還是要顧及健康吧，但靚女侍應話燒瘦牛肉不好吃，並推介呢款後腹肉，佢話連生菜包住食，味道很好的！哦，成交！靚女侍應確實無介紹錯，我們極速KO一整碟！ 呢款豬味道亦很出色，但雞肉味道就較遜色了！ 雖然海鮮味道亦不錯，但我更愛牛舌，牛及豬肉呢！ 燒肉配啤酒簡直正到無朋友！ 呢度只要肯同愛人咀10秒，並讓店員拍下，就可以免費食一碟五花肉。現場所見，差不多枱枱都唔執輸，但老公話無理由為佐碟幾十蚊豬肉要比人影喎！哦！ 飲飽食醉埋單都只係1595台幣，即約HK$410，真係超抵！ 下次遊台，我一定會再來的！ 旅遊日期：2015年5月