一月的大阪遊，我們玩即興租車，自駕遊去滋賀龍王outlet 。滋賀龍王outlet係三井集團旗下於關西最大嘅outlet，店舖數目逾200間，暫時係我個人最愛的關西outlet。Outlet較近京都，由大阪梅田出發自駕去outlet約1小時10分鐘車程。 回程時見未夠鐘還車，順路走去宇治欣賞世界遺產平等院。根據維基百科，平等院是古代日本人對西方極樂世界的具體表現。我們沒有興趣參佛，只係純參觀，平等院在藍天與池水的映照下，顯得相當美麗，園內的每個位置都係影相好角度，手機忙到不得了！ 平等院外有不少賣宇治抹茶的小店，雖然抹茶不是我杯茶，但我們亦試了宇治抹茶甜品，若果你是抹茶fans，呢度包你滿載而歸！ 第一次係大阪即興租車，我們本來走去Toyota Rent a Car，點知店員話無預約就無行，唯有走去酒店（Intercontinental Osaka)樓下嘅ORIX Rent a Car碰運氣，感恩成功達到目標，一日遊出走大阪。由於ORIX Rent a Car沒有係Grand Front Osaka 停車場內設有回車處，還車時就較麻煩，我要走上Grand Front Osaka商場店舖內搵人係停車場交車，旅行的體驗往往特別，即興也要付代價的！ 旅遊日期：2020年1月