Work Heart Play Heart!

台北已成為香港人的短trip 好去處，今次4日3夜之旅誓要攪攪新意思，首試自家製皮革用品！ 位於台北誠品松菸店的Hsu & Daughter 提供皮革手作課程，每節三小時，課程必須預約，店主會以電郵確實。 請留意每件製成品的所需製作時間有異，詳情可查閱其網站。 我們預約了雜物袋及護照夾課程，皮革顏色需於報名時確實，以準備有關材料。 Wow！課程正式開始啦！導師竟然係一名靚仔，令課堂增添了一點點色彩！ 雖然我的普通話唔算靈光，但勉強都可以溝通到。製作皮革的過程不算複雜，但就要點心機和藝術細胞。 學生們需即場揀選縫製皮革的用線顏色，睇圖就知我好明顯揀錯色啦！ 最後打上自己喜愛嘅字或句子，wow! 獨一無二嘅製成品面世了！雖然製成品不算完美，但我們十分享受當中的過程，並決定下次去台北會再作其他嘗試呢！ http://www.hsundaughter.com 旅遊日期：2016年2月

今次台北遊，我們預先訂了食家盧覓雪推介嘅饔也燒肉延吉店。 可能因為盧覓雪的關係，當晚一半都係香港人。 年廿九晚6:30pm，饔也不算多人，我們被安排坐吧枱。呢度最正嘅地方係唔駛自己燒，所有食物都有專人幫你燒好才上枱。靚仔廚師會按你嘅喜好，調較燒烤時間，保證你滿意！ 牛舌永遠係燒烤嘅好拍檔，我們試了兩款，各有特色，正！ 據聞秋葵有益，我們首次食燒秋葵，秋葵外脆內帶少許黏，不錯、不錯。 見隔離枱嘅燒飯糰好吸引，我們一於跟，飯糰烤到脆卜卜，配上紫菜一齊吃，得！ 這個燒五花健康組合，醬料配搭比乾杯更出色，讚！ 燒帶子外相平平，但帶子保留了鮮甜海鮮汁，正！ 和牛燒得剛剛好，不過相比其他食物，呢味相對較普通。 又食又飲，埋單都只係台幣2959，真係唸起都想再飛去食過！ 旅遊日期：2016年2月

年30晩台北大部分食肆都收爐，欣葉又全線爆滿，唯有請教Concierge，最終我們去佐市政府站附近的三井Cuisine M日本料理。 我們揀佐每位台幣2800嘅節日套餐，呢個價錢係台北絕對唔平，既然係羊年最後一餐就食豪啲吧！ 頭盤唔算特別，不過烏魚子好味！ 呢份一人前嘅刺身拼盤好新鮮呢！ 第一次吃毛蟹，可能因為本身對蟹有啲敏感關係，個人覺得一般，不過我老公就食得津津有味！ 個人十分喜歡這味銀雪魚，外皮燒得十分香口，魚肉間卻滲透著豐富魚汁，超美味，正！ 食到呢味時，我已經飽了8成，本來諗住食兩啖就算，估唔到呢碟牛竟然係份餐嘅另一焦點，雖然肉質未到入口即溶，但牛肉卻美味無窮！ 嘩！嘩！嘩！尚未完，呢碗龍蝦湯鮮甜無比，就算要食敏感藥都飲完先算。 最後甜品同生果一齊上，我就算飽到不得了，都一於食埋先減！ 如此高水準的食物，係香港食必貴得驚人。 三井Cuisine M不但食物質素高，餐廳環境亦超正，下次去台北記得要試試啊！ 旅遊日期：2016年2月