Work Heart Play Heart!

在Terminal 21途經呢間唔知係食火鍋定係BBQ嘅餐廳，見到裏面超多泰國人食lunch，就決定揾個時間試一試！ 我們唔識睇泰文，初初係門口睇相以為是任食，入到去先知道原來係3個價錢，3種份量選擇，分別係High Power、Super Power同Max Power。 侍應姐姐話兩個人order High Power就可以了，最後我們㨂了High Power的牛肉set。 老實說我們覺得肉類並不算優質，但煮的過程很新鮮！他們的煱BBQ部分是圓拱形跟香港平時BBQ用的不同，而煱邊亦有位放湯，所以我初初真係唔知道係火鍋定BBQ！ 除了High Power的食物外，他們亦會提供菜絲，侍應姐姐話菜絲是放於煱邊的湯中煮的。起初我對D菜絲真係無咩興趣，不過見個個都係咁食，就試吓！Wah! 原來呢個先係最正！當D湯吸收了肉汁後，煮出來的菜絲特別好味！ 其實我們真係唔係太明白點解那麼多人食，可能是價錢平吧！不過我十分欣賞他們的創意！ 旅遊日期：2013年9月

在香港我十分喜愛到IFC 的Greyhound Cafe吃飯，雖然差不多每次book佐位都要等，但他們的意粉確是十分出色，且價錢不算太貴，所以Greyhound Cafe暫時是我在IFC的首選。Greyhound Cafe嚟自泰國，今次飛到曼谷第一日就去佐Siam Centre 的Greyhound Cafe食晚飯，看看香港和泰國的Greyhound 有咩唔同先！ 在餐廳佈局上，香港和泰國的Greyhound 沒有太大分別，同樣是以灰黑為主色，感覺舒服。 在食物的選擇上，泰國的款式多少少，且味道比香港的Greyhound 更美味！最重要係曼谷Greyhound 嘅價錢比香港平近半！Wow! 我們吃得超開心呢！ 呢餐只係約港幣330，我諗如果係香港食應該要600-700元！香港雖則是美食天堂，但物價如此高漲，真是要多加點創意或提升服務質素方可保持競爭能力呢！ 請留意泰國的Greyhound 同樣多人，嚟之前最好先訂位啊！   旅遊日期：2013年9月

差不多每年中秋節長週末都會去曼谷一趟，唔知點解今年D名牌酒店package價好貴，最終㨂佐想試佐好耐嘅Grande Centre Point Terminal 21。CX來回機票加兩晩酒店連早餐的package價約港幣2400，計埋旺季附加費同燃油附加費4000蚊有找，價錢比Kempinski、Okura Prestige Bangkok同St. Regis 平一截。 酒店連接Terminal 21商場及BTS站，方便極了！酒店以白色為主，裝修雅潔，最特別的地方是房間內沒有地毯及窗簾，感覺十分光猛！ 早餐方便選擇很多，不過食物質素一般。且由於很多強國人入住酒店，餐廳內較嘈吵。 酒店泳池很不錯，值得一讚！ 我們入住的房間十分近Housekeeping及電梯大堂，入夜後我們不時聽到「必」聲，不知是電梯聲音還是Housekeeping 的電話聲，總之就不是瞓得太多吧！ 旅遊日期：2013年9月

嚟曼谷旅行其中一個主要目的是按摩，Asian Herb Association上次因為hea我老爸，此行我們決定試其他牌子。 好幾年沒有幫襯Bodytune，今次就比個機會呢個泰國品牌吧！Bodytune 在Prompong 站附近有間新店，就在Emporium 對面的橫街內，從Prompong站步行至Bodytune 只需約5分鐘，方便至極！ 我們本來book佐oil massage，但最後他們只可安排一個oil massage，另一個則只可 Thai massage。Sigh... 無計，正直公眾假期成街遊客，我們唯有就範！ 我以為新店會有獨立房間及浴室，怎料仍然欠奉。我問他們oil massage前可否先沐浴，他們的回答是他們沒有浴室只可用暖水替我抹身！Oh! 算吧，我只好轉返做 Thai massage 吧！ 他們在massage前會先用溫水為我們洗腳，很舒服呢！Bodytune 嘅 Thai massage確實是有保證，師傅永無欺場，不過我們就唔係好瞓到，太大力了！ 另外，Bodytune 嘅按摩超抵，兩小時Thai massage只需泰幣650，即約港幣170，超抵！ 旅遊日期：2013年9月

煎鵝肝配多士簡直是人間極品，曾經因為呢個配搭而十分喜歡Intercontinental嘅dinner buffet。後來發現用幾百蚊嘅價錢就可以係Citysuper 或者一田買到一包7-8塊嘅鵝肝後，就開始自家製了。經過多次失敗後，終於摸索到當中嘅竅門。 急凍鵝肝需於食之前放係室溫數小時解凍，如果想煎出嚟達到外脆內軟嘅效果就需要係表面撲上粟粉，我試過忘記佐加粟粉，就算煎到金黃色靚到不得了，都唔脆。另外煎鵝肝是不用加油的，因為鵝肝會自己出油的，感覺上是將鵝肝D油逼晒出嚟般！煎的時候亦需灑上少許鹽和黑胡椒，份量多少就視乎個人喜好罷了！ 記得用慢火煎，製作之時已聞到陣陣鵝肝香味，正！ 我通常會用麥包配鵝肝，感覺好似健康D，罪惡感小D。麥包可先放入焗爐內烘熱，又熱又脆的麥包配上新鮮煎好的鵝肝，wow! 超好味！ 鵝肝多士必須趁熱吃，否則味道會打折扣的！ 努力工作是為了享受人生，沒旅行去的日子就好好獎勵自己一下吧！

雖然已經吃過晚飯，但我們卻被此店的裝修及佈置深深吸引著。反正甜品和正餐是兩個胃，一於食埋先減肥，入去一試！ 店舖入口放了各種蛋糕選擇，未食先興奮。我未坐低已經不斷舉機影相，甜品向來是令人開心的食物，此店的裝修可愛，未食已經攞佐一半分！ 每張枱上放了隻熊公仔和小時候玩過的小兵，好開心啊！ 食物和飲品選擇多，我們揀了好一會才可order！ Wow! 我們的食物和飲品到了！這個Choky Mud Pie 熱烘烘旳超香，裏面有流心朱古力像心太軟般，不太甜味道很好，我們很快便KO了一個！ 飲品味道亦相當唔錯！讚！ 此店在Siam Centre 3樓，食物和飲品味道好，價錢又經濟，下次再來Siam必定encore。 旅遊日期：2013年9月

倫敦係全世界最早開通地鐵嘅地方，地鐵稱為 Underground或Tube， 網絡完善，自由行方便至極！除了地鐵外，我們在倫敦亦經常坐紅色雙層巴士，巴士無論外貌或車廂內的設計都同香港的巴士一樣，感覺完全唔會陌生，只是坐係裡面的以外國人和黑人為主，他們身型較中國人大隻，感覺上D位好似好迫。哈哈！有時明知只是一、兩個站，但唔想行，我們便會衝上巴士。   旅遊倫敦記得買張 Oyster 卡，同香港八達通一樣， Oyster可用嚟搭地鐵、巴士及電車，車費較現金平一點，亦可隨時增值。 如離開倫敦到其他英國地方，如York或Manchester等就可以搭火車，記得先於National Rail預訂車票，越早book票價越平。訂票的時候亦需預先劃位，網站內會有清楚指示，非常方便。不過出發時請記得帶備在網上用來付款的信用卡，因為他們check票或取票時須出示付款信用卡方可。 www.nationalrail.co.uk 旅遊日期：2010年5月

在首爾除了人蔘雞湯和燒烤令人回味無窮外，我們也十分喜歡這間在明洞的營養粥。實不相瞞，平時在香港除了病外，我是很少吃粥的。可能食了太多濃味的kimchi和燒烤，突然好想吃碗粥清清腸胃，便試了這間在明洞十分有名的營養粥。 可能香港人實愛豪飲豪食，呢度的食客以韓國人為主。 嚟到首爾，當然要吃人蔘粥，帶有少許人蔘味的粥感覺很清新，讚！ 除了粥外，我們還點了薄餅，薄餅煎得很香很乾身，像是沒有加油般，感覺很健康！ 旅遊日期：2012年1月