Work Heart Play Heart!

新宿係東京落腳最好嘅地方，此行我們揀了JR Kyushu Hotel Blossom Shinjuku。酒店開業唔夠3年，距離新宿南囗只有3分鐘路程，走日系格調，極之新淨方便。 我們訂了Twin Room，房間唔算大，但放兩個喼一定無問題。 沒有傳統日系一式一樣嘅洗手間，呢度嘅浴室和洗手間分開，成功贏了唔少分數！ 早餐方面，雖然選擇唔算豐富，但日式和西式選擇齊備，賣相精緻，得！ 8月尾係度住一晩連早餐約需HK$2100，價錢比位於歌舞伎町旳Hotel Gracery 略貴，但個人覺得無論房間質素及方便程度，JR Kyushu Hotel Blossom Shinjuku更優勝，貴少少也值得！ 旅遊日期：2016年8月

河囗湖除了有溫泉街外，仲有唔少景點，不過我們係度只逗留了一日，未能一一遊走，一於優雅啲去睇花！ 由河囗湖坐週遊巴士 （持周遊券免費） 去山中湖花之都公園約30分鐘車程，呢度唔同月份都可睇到唔同花，我們一心諗住嚟一睹向日葵的風采！ 持周遊券人均入場費只需450Yen，抵玩！ 公園內外種了多遍向日葵，但由於出發前東京打風關係，大部分向日葵都垂下頭來，只係有數朶堅強嘅向日葵仍然屹立不倒！ 沒有了向日葵實在有㸃失望，慶幸園內尚有其他色彩繽紛的小花，相機絕對沒有休息嘅時間。 若然遇著好天氣，還可以嚟張富士山與花嘅大合照。 公園內亦設有溫室及餐廳，影到累時可以係餐廳及溫室休息吓。這裡絕對是一家大細影相好地方！ http://www.hananomiyakokouen.jp/ 旅遊日期：2016年8月

8月底東京遊，同程走訪了富士山、御殿場和箱根，一個旅程有得食、有得買、有得浸、又有得影，一次過滿足了4大願望，正！ 此行我們買了小田急的富士箱根3天周遊券，當中包了新宿/小田原至富士山河口湖（一次）、河口湖至御殿場、御殿場至箱根、富士五湖周遊巴士、箱根登山線、箱根登山纜車等，嚴格嚟講此券已差不多包晒你係富士山、御殿場同箱根嘅所有車費，可以話係超值！ 出發當天，由新宿至河口湖的高速巴士已滿座，我們只可買小田原出發之周遊券價值5650Yen一位 （小童價2820Yen），相比由新宿出發平佐2350Yen一位。最難得係小田急的靚女售票員細心地教我們如何由新宿坐JR去小田原，佢仲幫我們訂埋由箱根返新宿嘅特急券（浪漫特快），讚！ 沒有了高速巴士，我們用了逾兩小時由新宿去河口湖，不過就慳佐千幾Yen一個人，難得旅行可以放慢步伐，算吧！ 河口湖內可以用周遊券無限次任坐周遊巴士，班次約5-15分鐘一班，我們入住嘅Kukuna 溫泉酒店就有周遊巴士去到門口，很方便啊！ 係河口湖住了一晚後，我們第二天一早便執埋行李坐車向御殿場outlet進發，由箱根去御殿場車程逾一小時，係時候义足電先去血拼了。 御殿場有巴士去箱根，不過班次唔算多，大家記得查佐班次才購物。由御殿場去箱根約需1小時車程，同樣地出示周遊券免費。 我們係箱根住了兩晩，期間搭嘅所有車都係免費，3日嘅周遊券用到盡，超抵！ 小田急周遊券亦可選擇淨箱根，出發前可於小田急網站參考下！ http://www.odakyu.jp/tc/deels/freepass/fujihakone/ 旅遊日期：2016年8月

為要親親富士山，我們特意係河口湖住了一晩，希望捕捉富士山最美的一面。 河口湖內溫泉酒店選擇眾多，雖然望到富士山係首要條件，但太舊嘅唔喜歡、裝修太傳統嘅唔鐘意、太貴嘅又唔願意，最終我們揀了Kukuna。 酒店距離河囗湖駅只有5-8分鐘車程，由河口湖駅坐的士去酒店只需1000Yen。酒店新淨企理，露台外附送富士山美景，任影唔嬲，得！ 富士伯伯心情千變萬化，當你想舉機拍下其絕美心情一刻時，富士伯伯又被雲霧遮蓋，慶幸我們與伯伯終日相見，有心人總會拍到伯伯最美一刻。 當我們吃晚餐時，酒店職員已為我們準備好榻榻米床，非常細心。 房間內的沐浴室及洗手間乾淨整潔，啱晒心意。 呢度嘅晚餐和早餐都以自助餐為主，啱晒一家大細嘅遊客。 晚餐除自助餐外，亦提供特別菜單，食完指定菜式再吃自助餐，包你夠飽。 望住富士山，邊食邊歎富士啤酒，超爽皮！ 美中不足是酒店 wifi 不穩定，若你沒有自備wifi 蛋或sim 卡，可能會嬲爆呢。 8月尾一泊兩食價錢盛恵3千多一晩，尚算可接受呢。 http://kukuna.jp/ 旅遊日期：2016年8月

位於新宿南囗附近的茂鳥是 日本同事另一推介，呢度只有日本餐牌，在沒有任何圖片的情況下，我們只能求助於Google Translate，但Google 大神今次譯得十分奇怪，慶幸呢個時候有位略懂英語的侍應前來協助，我們先有野食！ 茂鳥以吃串燒為主，侍應話最出名係燒內臓，但由於我們對內臓興趣一般，只㸃了心和舌。不過我們覺得非內臟食物同樣好吃，呢個燒粟米，又甜又多汁，正！ 青椒、茄子同樣無得輸，很快已經可以KO 晒。 當然我們不會只吃素咁健康吧！燒和牛入囗即溶，好味到不得了！ 見隔離枱食呢個食得好滋味，我們一於照跟，果然無令我們失望，呢個松露牛肉飯好味到無朋友。 呢個燒松露，雖然珍貴，但味道一般。 燒舌和心果然好味，連港女至愛嘅雞軟骨都立即被比下去。我們還encore 了呢！ 這個是免費的，我們不知道是甚麼，不過秋葵好味！ 兩個人又食又飲，仲叫埋珍貴食材，都唔駛港幣1千蚊，抵食。 提提你呢度唔收卡，嚟之前記得訂位啊！ 旅遊日期：2016年8月