Work Heart Play Heart!

離開熱海，我們揸了約一小時嘅車程去到伊豆。伊豆比熱海更少人，沿途風景優美，令人感覺舒服。可能年紀大了，我十分喜愛伊豆的寧靜，感恩我們係伊豆訂了兩晚酒店，可以好好享受一下，洗滌心靈！ 我揀了近伊豆西的Ufufu 溫泉酒店，酒店只設有7間以別墅形式而建的房間，每間房均有不同主題，且設有私人風呂，正！ 我們訂嘅房間係 Gekkyou 月響，面積達42.12平方米，非常寬敞。房間設計走時尚路線，劃分了客廳和房間兩部分，客廳更備有火爐，得！           浴室連接化妝間及露天風呂，沖完涼就可以隨即享受溫泉，爽！          洗手間設於近門囗位置，貫徹乾淨企理，讚！   值得一提的是酒店職員十分有禮，而且經常主動協助，讚！ 我們係度總共食了4餐，下集再續！ www.ufufu.co.jp/eng/ 旅遊日期：2017年11月

去佐n次東京，第一次住銀座附近，晚餐試佐好多網友推介的 USHIGORO燒肉。預早三星期網上訂位都只可揀5pm 食，一於試吓有幾正先。   5pm 準時到達，餐廳已經坐滿人，雖然餐廳唔算大，但都坐得舒適自在。 先嚟4款唔同部位嘅牛肉，味道鬆化，入囗即溶嘅感覺確實幸福！   我最喜愛嘅燒牛舌上場，雖然黑毛和牛牛舌售罄，但呢款牛舌仍美味非常，我們KO佐兩碟！     相比牛肉和牛舌，牛心較普通！   餐廳嘅服務非常好，侍應會不停替客人更換燒網，讚！        泡菜和菇嘅份量就少了點，銀座嘅消費確實較貴。   呢餐兩個人食佐20,410 Yen（約HK$1,500)，跟香港價錢差不多，但食物質素和服務就贏晒！   http://www.ushigoro.com/en/sp/ 旅遊日期：2017年11月

由伊豆市揸車去清水車程唔駛個半鐘，咁方便當然要去小丸子故鄉清水走一趟，順道去埋小丸子 博物館   S- Pulse Dream Plaza。 ​ ​ ​   ​ 博物館內有唔同嘅場景，小丸子迷一定可以影過痛快！ ​ ​ ​ 最正係呢個課室，枱上面仲有齊文具和書本，黑板任寫任劃（影完相當然要擦番乾淨），你想點影都無問題。  ​ ​ ​ 除佐課室外，仲有圖書館同公園，手機忙到不得了。 ​ ​ 博物館內當然唔會少得手稿同歷史 ​ 小丸子博物館入場費大人600Yen 一位，在館內搵齊所有印章，仲有張貼子送，👍🏻。 ​ 博物館前仲有唔少小丸子精品和文具出售，小丸子迷一定唔可以錯過！   ​   ​ 除佐小丸子博物館外，我們仲去佐係博物館附近嘅清水魚巿場。   ​ 魚巿場內除左有海鮮賣外，仲有唔少餐廳，最正係呢度嘅價錢好經濟，絕對係平、靚、正！    ​ ​   ​ http://www.chibimarukochan-land.com/?page_id=6102 旅遊日期：2017年11月

Wa-tei   Kazekomichi 溫泉酒店提供嘅晩餐係我住溫泉酒店以來最好的其中一間，食物不但賣相精美，且食材 矜貴， 味道亦非常好，水準相當高！👍🏻  這是晩餐嘅menu，酒店知道我們唔識日文，特別安排了英文菜單給我們，堅細心！ ​ ​ 第一次試鵝肝配蘿蔔，味道出奇地夾，好味！ ​  這個魚湯味道鮮甜，正！ ​ ​ 晚餐當然唔少得魚生，兩個人所用嘅碟都唔同，賣相靚，魚亦夠鮮！   ​ ​    呢度係二人份量，有栗子、芋頭、燒三文魚等，得！呢碟一出手機忙過不停，好靚呀！ ​   ​  這味我唔知道係咩，不過味道一般。 ​  呢味海膽豆腐得 👍🏻 ​   呢碟和牛煎得好香，入囗即溶，不得了！  ​  最後上甜品，呢餐真係好滿足！ ​  食早餐地方同晚餐一樣，不過朝早嘅風景更美！ ​ 日式早餐賣柤精緻，樣樣有啲，我竟然可以KO晒所有野，唔肥都幾難！ ​ 呢個蒸蛋內有海膽，超級好吃！ ​ ​ 10月尾1泊2食價錢約HK$4990，其實都幾貴，不過住佐一晩又食佐兩餐後，個人覺得值得！ 旅遊日期：2017年10月