Work Heart Play Heart!

7月份的倫敦，酒店房價貴到不得了，接近HK$3,000 一晩的價錢，仲要唔包早餐，但見TripAdvisor 評價高又方便，最後還是妥協付款。 Amba Hotel Charing Cross 距離Charing Cross站只有兩分鐘路程，而步行至Embankment Station亦只需5分鐘，贏盡優勢。我們於中午12時多到達酒店，我多口問front desk可否安排一間較靜的房間給我們，答案是可以但需要等到3pm才可以check in，為佐嚟緊4晚可以有覺好瞓，我們當然唔會介意等。 你估酒店安排了一間怎樣的房間給我們？我們的房間面對著對出面最繁忙街道，如果這已是酒店較靜的房間，我唔知其他會係點！一去洗手間就發現坐廁有漬，尚未清潔乾淨，連忙打去front desk要求派人嚟再清潔坐廁，條友態度奇差，連個清潔女工都比她有禮。可能實在太累，我們沒有要求換房，不過當晩已經後悔自己的決定！ 除坐廁和嘈音問題外，房間尚算整潔寬敞，床榻亦舒適。我們以為入夜後會較靜，怎料半夜街上仍傳來音樂聲，最後我要用耳塞才能入睡。為免再執行李的麻煩，我們係呢間房瞓了4晩！ 早餐方面，選擇不多，最難得係連餐廳侍應都秉承front desk 的無禮和散慢態度。我們check in 時 front desk 職員話經他們訂早餐可以便宜一點，我們便訂了第二天的早餐，諗住試吓是否值得才再算。我們告訴侍應女士 front desk已經替我們預訂早餐，但她完全沒有理會及跟進，只是說沒有記錄，並要求我們簽單，態度甚差。眼見他們對其他華人情況亦一樣，為免影響旅遊心情，我們沒有跟她理論。 Check out 時 front desk女子收我們兩天早餐價錢，經查問後原來他們訂錯了check in 當日的早餐，哦原來12時多check in仲有早餐食，最難頂係該女子堅稱他們沒有攪錯！比人屈當然跟他們理論，起初個職員態度惡劣且意圖耍過我們便算數，我忍佐多日嘅火終於一次過爆發出來，理直氣壯跟她理論。理論佐成10分鐘，她才肯更正賬單。我亦唔放過機會，一併問她我們所住的房間是否屬於酒店較靜的房類，答案是我們的房間較嘈因面對大馬路。我將check in 時的要求及不愉快的經歷陳明，front desk職員終於道謙並聲稱下次我們再入住

切斯特(Chester)位於英國西北部，距離利物浦及曼徹斯特分別只需約45分鐘及1小時的火車程，絕對值得花大半天時間到此一遊。 呢度有唔少有名的歷史建築，包括城牆、鐘樓、教堂及陽台走廊等。各景點距離切斯特火車站不遠，由踏出火車站一刻已經可以靠雙腿走遍所有打卡位，跟住Google Map就可以玩大半天，得呀！ 城牆 鐘樓 教堂 陽台走廊 個人覺得切斯特最吸睛的不是鐘樓，也不是城牆，是一間間黑白相間的小屋，無論企係咩角度影相，都可以呃到唔少like。 呢度仲有間評價極高的餐廳Chef’s Table，食物水準一流，賣相吸引，價錢仲非常親民，我們二人order了兩個courses 嘅午餐，加埋兩杯酒，都係45.9英鎊，讚！ 不得不提的是切斯特亦有唔少英國牌子的商舖，係倫敦或曼徹斯特搵唔到嘅野，呢度可能會令你有驚喜！ 旅遊日期：2018年7月

5月西班牙之旅，我們經馬德里入境，在巴塞隆拿出境，退稅手續在巴塞隆拿機場辦理。 跟其他歐洲國家一樣，遊客需先到VAT Office 蓋印，再係其他counter 取錢。沒想到VAT Office 人龍勁長，慶幸我們預了約一小時攪退稅，否則定必心急如焚！排到咁上下會有職員檢查退稅單，唔知點解有啲單（例如Zara的退稅單）要先去旁邊的自動機入資料才可蓋印，其實我們不知如何分辨，不過唔駛擔心，職員會叫你搵同行朋友離隊攪，唔駛重新排過的。 反正有時間，我們係VAT Office 蓋完印後決定攞埋現金先返香港。而去邊個counter 排隊取錢，就要視乎邊間退稅公司，非Global Blue 嘅可以係Exchange counter 取錢，但佢地唔會退歐羅，只可以選擇歐羅以外的貨幣，即他們會賺滙率，可惜他們沒有提供港幣選擇。 Global Blue 就可以係入境後嘅counter 攞退款，Global Blue counter 相對少人排隊，而且唔會有滙率，即場可以攞番歐羅！ 我們坐國泰航空回港，但國泰停嘅Terminal E 無咩商店，入佐境後又唔可以過去其他Terminal，我們唯有走去lounge hea 陣，齊齊為西班牙之旅作美好回顧 。 竟然無登機閘口 旅遊日期：2018年5月

坐12個鐘飛機及4個鐘火車後終於踏進蘇格蘭首府愛丁堡，我們一到埗已被呢個世界遺產深深吸引，稍長的旅程絕對值得。 以王子街公園為分隔線，愛丁堡分新城區和舊城區。區內景點集中，強烈建議靠雙足遊覽，感受這裡不同時間的優美。愛丁堡景點眾多，以下是個人重點推介： 愛丁堡城堡（Edinburgh Castle）是最受歡迎的旅遊熱點之一，它見證著蘇格蘭的多次戰爭。參觀當日，城堡唔算多人，售票處未見長長人龍，由於我們已預先網上買票，可以直衝去入口。城堡不算大，不過可以係度欣賞愛丁堡的景色。 卡爾頓山（Calton Hill）是愛丁堡新城的一座小山，於古代曾是刑場。上山後可在一大片的草原上欣賞愛丁堡景色，上山路程十分短，且不艱辛，我們係度逗留了頗長時間。7月的愛丁堡並不算熱，在清風送爽下欣賞美景，感覺舒適寫意，個人覺得呢度十分值得一遊呢！ 聖十字宮（The palace of Holyroodhouse）是由詹姆斯四世於1498年所建，是現今英國女王主要的居停之一，也是英女王夏季在蘇格蘭居住時的行宮。皇宮內並不可以拍照，所以未能分享宮內的華麗照片。遊客可順道參觀皇宮外的荷里路德修道院（Holyrood Abbey），修道院於18世紀被毀，現只可參觀僅存的遺址。 Holyrood Abbey 蘇格蘭威士忌十分有名，根據1998年的蘇格蘭威士忌法案(Scotch Whisky Act 1998)，每一瓶蘇格蘭威士忌必須符合以下條件； 1.須於蘇格蘭地區磨碎、發酵及製造 2.為保存香氣及口感，蒸餾的酒精度有嚴格限制規定 3.每一瓶威士忌，需在規定的橡木桶內存放超過3年以上 個人對威士忌完全無興趣，不過長途跋涉嚟到愛丁堡無理由唔去Scotch Whisky Experience 見識一下，我們預先網上訂了silver tour。Silver tour 與 gold tour的分別係silver tour 可試1杯威士忌，而gold tour 則可試4杯。雖然我唔識飲，但十分享受呢個體驗之旅。 威士忌之旅由木桶開始，旅客先坐著木桶，經過不同通路欣賞威士忌的生產過程，最特別係竟然可以㨂廣東話旁白，正呀！跟住工作人員會介

相比馬德里，巴塞隆拿的酒店貴一截，再加上旅遊旺季，幾經辛苦才搵到一間合預算又舒適的酒店。 The Corner Hotel 距離巴塞隆拿感恩大道約10-15分鐘路程，酒店設計時尚。我們訂了Superior Room，房間尚算寬敞。 酒店頂層設有泳池 起初我們被安排於2樓房間，由於房間面對著繁忙馬路，加上低層，嘈爆。為了可以連續4晩有覺好瞓，我們要求換房，靚女酒店員工不但沒有黑面，仲安排了兩間房間比我們揀，還親自帶我們先參觀再作決定，殷勤到難以相信，讚👍🏻! 房間最正嘅地方係廁所附有發熱架，方便乾衫及毛布，爽！ 酒店的床褥亦十分舒適，我們瞓得相當唔錯。 早餐方面，款式唔算多，不過自家製麵包和果汁就十分吸引，呢度仲提供多款芝士選擇，廚師有時還會送來驚喜。個人大愛Churros，配以朱古力奶一起吃的西班牙油條不太甜，脆卜卜的囗感十分討人歡喜，讚！ 旅遊日期：2018年5月