Work Heart Play Heart!

Wa-tei   Kazekomichi 溫泉酒店提供嘅晩餐係我住溫泉酒店以來最好的其中一間，食物不但賣相精美，且食材 矜貴， 味道亦非常好，水準相當高！👍🏻  這是晩餐嘅menu，酒店知道我們唔識日文，特別安排了英文菜單給我們，堅細心！ ​ ​ 第一次試鵝肝配蘿蔔，味道出奇地夾，好味！ ​  這個魚湯味道鮮甜，正！ ​ ​ 晚餐當然唔少得魚生，兩個人所用嘅碟都唔同，賣相靚，魚亦夠鮮！   ​ ​    呢度係二人份量，有栗子、芋頭、燒三文魚等，得！呢碟一出手機忙過不停，好靚呀！ ​   ​  這味我唔知道係咩，不過味道一般。 ​  呢味海膽豆腐得 👍🏻 ​   呢碟和牛煎得好香，入囗即溶，不得了！  ​  最後上甜品，呢餐真係好滿足！ ​  食早餐地方同晚餐一樣，不過朝早嘅風景更美！ ​ 日式早餐賣柤精緻，樣樣有啲，我竟然可以KO晒所有野，唔肥都幾難！ ​ 呢個蒸蛋內有海膽，超級好吃！ ​ ​ 10月尾1泊2食價錢約HK$4990，其實都幾貴，不過住佐一晩又食佐兩餐後，個人覺得值得！ 旅遊日期：2017年10月  

同老公住溫泉酒店首要條件係房間內要有私人風呂，想幾時浸就幾時浸，超爽！為免訂唔到心頭愛，我半年前已開始行動，係TripAdvisor 精心挑選，最後訂佐 Wa-tei   Kazekomichi。 ​ 我們由新宿自駕去熱海，適逢颱風接近東京，酒店好細心未到check in 時間已電郵我們查問我們幾點到達並提醒颱風接近，讚👍🏻！ ​   溫泉酒店只有數間房間，我們訂佐3樓的Yugao，房間設計走傳統日式路線，有廳、有房，仲有私人風呂同海景，正！ ​ ​ ​ 呢度嘅設計係私人風呂同沖涼地方都係露天，方便沖完涼即刻跳去浸溫泉。露天設計私穩度極高，可以放心。   ​ ​ 此酒店設有兩個室內私人風呂，住客可於check in 時預約。我們試了其中一間（赤），私人風呂十分寬闊，足夠3-4人一齊浸。   ​   ​ 除佐房間之外，呢間酒店嘅晚餐同早餐亦相當出色，下集再續！ 旅遊日期：2017年10月