Work Heart Play Heart!

上網搜尋琉森，一定可以搵到唔少資料，相反Chur（庫爾）就唔算多，我們係Chur 住了一晩，全因為冰河列車的緣故。   雖然Chur 係瑞士最古老嘅城市，但呢度一啲都唔老土。相比琉森及蘇黎世，Chur 少了點遊客嘈雜聲，絕對係一個寧靜優雅的地方，我們愛死了這裡！ 我們沿住車站大街（Bahnhofstrasse) 出發，一路直行到Poststrasse，街道兩旁有唔少商店，我地亦係度買佐啲有機護膚品。雖然身處瑞士，但啲有機護膚品平過香港一大截。行到Poststrasse的盡頭會見到聖馬可大教堂（Martinskirche) 及聖馬丁噴泉，可惜參觀當日教堂關閉，未能內進參觀。 聖馬可大教堂附近有一條分支街道通往聖母升天主教堂（Kathedrale St. Maria Himmelfahrt) ，參觀當日主教堂亦關閉，不過我們係附近就影佐唔少靚相。 行到累了，我們學瑞士人係露天茶座歎番杯啤酒，其實我堅唔明白點解要係烈日當空下曬住飲 🤣。 晚上我們去佐網友大讚嘅Va Bene 晚餐，餐廳環境舒適，適逢他們剛剛轉餐牌，英文欠奉，唯有靠侍應介紹點菜。正所謂肉隨砧板上，起初我們還擔心會被劏到一頸血，估唔到價錢非常合理。 食物方面，味道不錯，不過唔算特別驚喜，始終瑞士食物偏鹹，唔太啱喜歡清淡人士！不過，眼見其他客人食得很開心，晩飯當日更坐無虛席。 酒店方面，我們揀佐近火車站嘅ABC Swiss Quality Hotel ，Superior Twin Room 十分寛敞整潔，個人特別喜愛他們早餐的牛角麵包，堅好味！ 如果你會搭冰河列車去策馬特，強烈建議你係Chur住一晚，享受瑞士的優雅！ 旅遊日期：2019年4月

Genova 距離五漁村只有1小時車程，為方便一日遊五漁村，我們係Genova 住了兩晚。 離開策馬特後，我們先坐火車去Brig 轉車，再經米蘭去Genova。由瑞士去到意國感受最深係準時和例遲嘅反差。瑞士嘅火車出晒名準時，但火車一到意大利就停、停、停，最後火車遲了超過一小時才進入米蘭車站。我們已經certify 趕唔上原先訂佐由米蘭去Genova 嘅火車。不用徬徨，呢D事係意國已經見慣不怪，車站職員指示我去另一月台等下一班途經Genova 嘅列車。他們沒有重新列印車票，亦沒有再編排坐位，只叫我攞住之前買嘅車票就可以再上車，感覺有點兒戲。 去到月台，我再問職員，條友話班車爆滿唔會有多餘坐位，叫我搵過另一班火車。望望錶，當時已經係黃昏6時多，絕對唔想再等，亦唔想太遲到達Genova，便硬著頭皮上車，打算坐在行李箱上便算。怎料我們上的車卡竟然有空位，感恩我們可以由頭坐到落車，安全抵達Genova。 去到Genova 已經是晚上8時多，街道上唔算人多，在Google Map嘅帶領下，我們安全到達酒店！ Genova 擁有意大利最大嘅港口，亦係一個歷史悠久的古城。我們逛了幾個Google 介紹嘅景點，結果係殘舊至極。似乎呢度除佐近五漁村外，無咩特別。 慶幸我們搵到一間米芝蓮一星餐廳，完全覺得值回票價。The Cook Restaurant 設計優雅， 環境十分舒適，遊畢五漁村後我們係度過佐一個舒適的晚上，簡直為五漁村之遊劃上完美的句號！ 我們揀了tasting menu 及wine pairing，每道菜都有驚喜，加上殷勤的服務，我們覺得130Euro嘅價錢絕對值得！由於餐廳只有約10張枱，出發前記得先用電郵訂位。 係Genova兩晚，我們揀佐tripadvisor 評分極高的Hotel De Ville，酒店距離GENOVA PIAZZA PRINCIPE 車站約10-15分鐘路程。Deluxe Double Room 嘅房間非常寬敞整潔，不過設備唔算新，十分配合Genova 嘅歷史。Hotel De Ville 係一間boutique hotel，酒店佔大廈最低兩層，c

因為五漁村（Cinque Terre)，我們再來意大利。五漁村的美絕對沒有令人失望，4月中的意大利已經熱到汗流浹背，但我們仍然覺得此行值得！ 我們選擇係距離五漁村只有一小時車程的 Genova 住了兩晚，方便一日遊五漁村。 五漁村(Cinque Terre)由蒙泰羅索(Monterosso)、韋爾納紮(Vernazza)、科爾尼利亞(Corniglia)、馬納羅拉 (Manarola) 和里奧馬焦雷(Riomaggiore)這五個村鎮組成。我們係Monterosso落車，先去客戶中心買了張一日票便展開行程。五漁村車站內的洗手間是需要付錢的，但持一日票乘客除可無限次穿梭五條村外，更獲豁免使用洗手間的費用。 五漁村內火車的班次可能要成30分鐘先有一班，強烈建議下車後查清楚時間，才決定係村內的逗留時間，否則隨時係烈日下暴曬半個鐘等車。 一落火車，已經被 Monterosso 靚絕的沙灘和一排排藍色太陽傘吸引著，沿著沙灘一路行，就可以見到彩色屋，我們係 Monterosso 逗留了差不多一個多小時。 行完Monterosso後，我們一次過坐到最遠嘅Riomaggiore，諗住經 愛的小徑（ Via dell'Amore ）行去 Manarola，怎料Riomaggiore 的一段小徑封了，我們唯有係沿海的另一段路看看海，放放空，影影相，雖然熱，但仍十分舒服，這就是旅遊的樂趣！ Manarola 係其中一個最多人的漁村，呢度有唔少小店，亦有唔少著到靚靚嘅遊客係度擺 pose 影相，由於人太多，我們係度唔算逗留得耐，影完相便走了！ 由於時間關係，Corniglia係我地一日遊嘅最後一個漁村，我們先搭免費巴士（一日票包了的）上到最高點，相比其他3個漁村，呢度唔算特別。我們選擇步行行番落車站，沿途風景優美，遠遠望著Monarola的彩色小屋，別有一番滋味！ 由於我們訂佐5pm火車回 Genova ，我們只夠時間遊走4條村，無諗過6個小時都完全唔夠行，可能因為村與村之間的火車班次太疏，加上意大利嘅火車又經常 delay，每每係等車上花了很多時間