Work Heart Play Heart!

已忘記由何時起我已沒有租wifi 蛋去日本嘅習慣，原因係日本依家有唔少免費wifi 網絡，除非你要無時無刻在線，否則個人覺得沒有呢個需要呢！ 剛剛從大阪回來，我們最多用嘅係Osaka Free Wifi 同 Free Wifi Passport。首次使用Osaka Free Wifi 需輸入電郵地址，並同意有關條款即可。Free Wifi Passport 就需根據指示，致電指定號碼取password，請放心電話並不會收取費用，但請記下password，因wifi 每次使用30分鐘，可以係14天內無限次登入，但每次需再輸入電話號碼及password。 除呢兩個wifi 網絡外，日本大部分百貨公司如0101 及outlet 都有提供免費wifi，加上免費wifi 嘅酒店，真係夠用啦！ 就係旅行時候為自己留下一點點私人時間，好好享受異國風情吧！ 旅遊日期：2016年1月

日本shopping 購物係1月指定動作，雖然1月中大阪周圍嘅商舖已減到半價，但行佐日半後，鍾意品牌嘅款式已睇得七七八八，係時候去outlet 睇下有無平、靚、正嘅月下貨！ 雖然滋賀三井outlet 向來係我嘅至愛，但由大阪出發起碼個半鐘車程，網友介紹神戶三田Premium Outlet 同樣有睇頭，而車程亦只需一小時，我們就一於去睇睇。神戶三田Premium Outlet 跟 Rinku Premium Outlet 屬同一集團，Outlet 除了有不少國際品牌外，亦有日本品牌，商店數目逾200多間！ 呢度嘅設計跟外國嘅outlet 差不多，全是獨立小屋組成，且不設第二層，outlet 面積算相當寵大！ 呢度有我喜歡的品牌包括Tsumori Chisato（TC)、As know as、Beams、Lowry Farms，而其他日本outlet少有嘅品牌如 Swarvoski 、Staub、Prada & Miu Miu 呢度亦可以搵到。同其他Outlet 一樣，TC 內同樣有 Nenet 及 mercibeaucoup 。 最開心係TC 呢段時間做緊特別優惠，買兩件可額外有9折，而買夠5000Yen，就可獲500Yen 優惠券，變相多多個9折，優惠券至2016年3月31日才到期，適用於任何一間係日本Outlet 嘅TC 店舖，當然亦可以即場用，不過就要下一張單才可以。我就留番係Rinku Premium Outlet 先用，折上折再加退稅，Yeah! 星期六嘅三田Premium Outlet 不算多人，而且以日本人為主，可能因為這樣，呢度Beams 同 Nenet 嘅款式比較齊及多，我們有不少收穫呢！ 外國品牌方面，價錢雖然比香港平少許，但相比巴黎、倫敦、慕尼黑或義大利嘅outlet 則較貴，無辦法，永遠出產地嘅貨價一定是最經濟的。 由大阪去三田Premium Outlet可乘JR 到三田站下車，再係10號候車處轉乘巴士直達outlet。若選乘JR快速到三田站，車程約需38分鐘，巴士車程則需22分鐘，1小時的車程尚可接受，三田Premium Outlet也值得走一趟！ 提提你，遊客可先到Information 攞本coupon booklet，憑co

第一次踏足名古屋，我們係度前後逗留了3晚，係酒店放低行李後第一時間去搵食！Royal Hotel The Nagoya 附近有唔少居酒屋般嘅食店，呢D食店雖然味道不錯，但日本男人愛食飽後抽煙，我們最怕遇到不停抽煙嘅鄰居。揀了又揀後，我們最後一試呢間格局像香港大排檔嘅半露天食店和志かぶと屋 名駅店，就算鄰居抽煙都無有怕！最後，我們係度食足3晩，因為太好食啦！ 呢度有唔少食物選擇，包括刺身、壽司、燒烤、沙律，以及蔬菜蒸雞等，價廉物美，食足3晚都無問題！ 店主推介呢個蒸雞，眼見唔少日本人都有試，便㸃了一籠試一試，呢啲中式野都係香港好味啲！ 之後我們就學精了，主打日系菜式，我最欣賞係燒物，真係食到唔停得口！串燒配啤酒，正！ 除了串燒好味外，其他燒物如多春魚、雞翼、魷魚同明太子都超正，嚟3晚係因為要encore 再 encore!  呢份烤豬肉，有點似新鮮烤好嘅豬肉乾，不過更薄更香，配少許沙律醬，得！ 我們本想encore 燒雞翼，但個姐姐仔寫佐炸雞翼，錯有錯着，炸雞味道亦很出色！ 不得不提的是呢味芝士南瓜，我們見枱枱日本人都有食，就一於唔執輸。外層焗到很香脆嘅芝士，配上內層半溶芝士及南瓜，又香又甜，原來南瓜同芝士係咁夾架！ 我們兩人每晩都點唔少野食，飲埋啤酒都係約HK$400，抵食！ 和志かぶと屋 好近Royal Park Hotel The Nagoya，亦鄰近名古屋JR 駅，Google Map亦可以輕易搵到，記得去試吓啊！ 旅遊日期：2015年10月

2013年11月才開幕的Royal Park Hotel The Nagoya，兩年間已進身Tripadvisor 名古屋酒店第四位，排名謹遜於國際大品牌Marriott 及 Hilton ，人生第一次踏足名古屋，當然要試新野！ 酒店裝修走時尚路線，房間雖然不算大，但放兩件大行李絕對無問題！我們分別入住了兩晩，不論是一張King size 大床，還是兩張單人床，房間 size 並没有太大分別！ 房間設有空氣清新機且備有放濕功能，讚！ 浴室設計簡潔乾淨，浴室用品齊備！ 酒店備有公眾溫泉供住客享用，行到累了就可以來一個溫泉浴，正！ 酒店早餐雖然談不上豐富，但就應有盡有，而且格局跟台灣 boutique hotel 相似，十分有親切感呢！ Royal Park Hotel The Nagoya 鄰近 JR 名古屋站，徒步至名古屋站只需5-8分鐘路程，方便至極，食飽後就可以出發去高山了！ 旅遊日期：2015年10月