Work Heart Play Heart!

相比馬德里，巴塞隆拿的酒店貴一截，再加上旅遊旺季，幾經辛苦才搵到一間合預算又舒適的酒店。 The Corner Hotel 距離巴塞隆拿感恩大道約10-15分鐘路程，酒店設計時尚。我們訂了Superior Room，房間尚算寬敞。 酒店頂層設有泳池 起初我們被安排於2樓房間，由於房間面對著繁忙馬路，加上低層，嘈爆。為了可以連續4晩有覺好瞓，我們要求換房，靚女酒店員工不但沒有黑面，仲安排了兩間房間比我們揀，還親自帶我們先參觀再作決定，殷勤到難以相信，讚👍🏻! 房間最正嘅地方係廁所附有發熱架，方便乾衫及毛布，爽！ 酒店的床褥亦十分舒適，我們瞓得相當唔錯。 早餐方面，款式唔算多，不過自家製麵包和果汁就十分吸引，呢度仲提供多款芝士選擇，廚師有時還會送來驚喜。個人大愛Churros，配以朱古力奶一起吃的西班牙油條不太甜，脆卜卜的囗感十分討人歡喜，讚！ 旅遊日期：2018年5月

馬德里之行，我們揀了位於Gran Via 的 Hyatt Centric Gran Via Madrid，貪其夠新及方便。出發前我們對呢間5星酒店有一定期望，住了5晚後，我們的評價是硬件滿分，但服務就完全不合格。 硬件有幾好？睇相已略知一二。房間設計寬敞時尚，床榻亦十分舒適，讚👍🏻！ 為環保，酒店並不會主動提供牙刷、牙膏及浴帽等洗漱用品，住客需主動聯絡House Keeping 領取。唔知係咪太多人攞野，還是酒店職員唔夠，5次有4次比錯或比漏，再打去又會要等好耐！最攪笑係有一晚連沐浴露都無補充，我們問佐3次先可以成功攞到。除頭兩晚外，第3晚開始連樽裝水都比漏，我們已經忍無可忍，同House Keeping 表達不滿，你以為投訴完會好快收到所需用品？錯了，他們超過30分鐘也沒有送嚟。最後，我們打去 Front Desk ，終於遇到正常人，我們向她講解過去的遭遇並表示不滿。道歉之餘，她亦主動安排免費晚餐作補償，但我們因已有其他行程而拒絕了，最後她安排了一餐免費早餐作補償。老實說我們寧願唔食都唔想勞氣！ 另外，由於房間的洗手間以白色設計，污糟情況會很容易被發現。洗手間在第二天清潔完後已經開始勁多塵，直至到最後一晩亦沒有任何改善，原來5星酒店在軟件方面並沒有任何保證！ 早餐方面，選擇尚算豐富，不過要成HK$200多元一位，值唔值就真係見仁見智了！ 其實酒店附近亦有唔少早餐選擇，早晨全餐的份量都係7.5 Euro，留番D錢買多幾包火腿派比親朋戚友更值得呢！ 旅遊日期：2018年4-5月