Work Heart Play Heart!

每次旅行，shopping例必是其中一項重要環節！雖然朋友話佛羅倫斯逗留一晩已足夠，但我仍然堅持要留兩日，原因係我要預留一天時間去outlet - The Mall! 出發前已check清楚如何去The Mall，大家都話係佛羅倫斯SMN火車站附近就有巴士直達，我以為火車站會有清楚指示，㸃知我問佐兩個人先可以揾到！ 佛羅倫斯 SMN火車站有兩個出口，請記得揀Piazza della Stazione的出囗。 在出口轉左（面向Hotel Ambasciatori）背向火車站），跟著過對面馬路，會見到下面嘅building 過佐馬路後，沿著上面building側向前行，會見到SITA巴士站入口 乘車券不設預售，去The Mall巴士約每半小時一班，票價是5歐羅一程，車程約45分鐘，可以先買來回票。 Wow! 到啦！Outlet 佔地不算多，亦唔似大部分日本outlet 般設有兩層，但個別品牌舖如Gucci、Prada同Tods就非常大，差D以為係旗艦店，shop得好舒服！ Outlet當然唔係賣當季貨品，不過價錢就真係好平，例如一個大Prada袋650歐羅有交易，Miu Miu就570歐羅可成交，而Gucci則4百多歐羅就有好多選擇！難怪人人都一袋二袋啦！ 除佐袋和銀包外，品牌舖亦有鞋、衫同accessories選擇，正！ 記得買完後可以係Global Blue tax counter 做埋退稅，即場可以攞番12.5%現金！攞番張單去機場蓋番過custom印後，交番去Global Blue係機場嘅counter 或drop box就可以！買佐咁多野，可以即時攞番D現金，爽！ 若果行到累，可以係The Mall嘅餐廳食埋野。地下係self services，主要食麵包、沙律和飲咖啡。我們走佐上樓上餐廳，有人serve之餘仲可以坐番夠本。以為獨市會好貴，㸃知一D都唔貴，仲好大碟同好味道添！ 這是我們的戰利品！Yeah! www.themaill.it 旅遊日期：2014年4月

出發前研究佐好耐究竟買唔買Roma Pass，最後我們都買了，而大家都覺得呢張Roma Pass好好用，推介！ 價值36歐羅的Roma Pass，除可以任坐3日公共交通工具外，持卡人還可免費參觀兩個景㸃！ 圓形競技場(Colosseo)同羅馬議事廣場乃視作一景㸃，我們還用此Pass參觀了聖天使堡。其實只要你夠腳骨力，羅馬大部分景㸃都可以徒步而到，我們3天內只搭了約5次Metro。 我買之前並沒有計算過此Pass是否可以值回票價，但為何會買呢？原因是 圓形競技場(Colosseo)同羅馬議事廣場均設有Roma Pass特別通道，持Pass人仕不用排隊，當我們見到條排隊人龍時心想張Roma Pass簡直perfect！ 睇條人龍，我諗起碼要排一個鐘啊！ 計一計如果無買Roma Pass我地實際要比幾錢先： 1） 圓形競技場(Colosseo)同羅馬議事廣場門票為12 歐羅 2）聖天使堡門票為 11歐羅 3）5程車票為 7.5歐羅 總數為 30.5歐羅 雖然我要比多約 5.5歐羅，但係我唔駛排長龍入 圓形競技場同羅馬議事廣場，慳回唔少時間和腳骨力，我覺得十分值得呢！ 由第3個景點起，Roma Pass持有人可以享有折扣優惠。Roma Pass內亦附有一份詳盡羅馬地圖，十分好用！正！ 旅遊日期：2014年4月

臨出發前同酒店front desk亞叔傾佐兩句，佢推介我們去參觀聖天使堡（Castello di Sant'Angelo)，佢話大部分遊客都唔去，但係嗰度可以一睹梵諦岡和羅馬美景，影相一流！ 聖天使堡原作為皇帝陵墓，後來又演變為監獄，軍火藥庫，現在是博物館展示防衛武器及城堡歷史的重要文件。這裡亦一直保存著哈德良至卡拉卡拉為止的皇帝遺體。聖天使堡外貌平平無其，我曾猶豫過是否參觀此堡！不過Roma Pass包兩個景㸃，我對美術館又無咩興趣，最後就決定到此一遊！ 持Roma Pass參觀這裡並沒有特快通道，不過正如酒店front desk 亞叔所講，好多遊客都唔嚟呢度，所以只係排佐幾分鐘就可以入去，就算無特快通道都無所謂啦！ 事先聲明，遊聖天使堡必須走到最高才可以見到靚景，要行斜路和梯級才可到達，但條路好易行不會太辛苦的！ 一路向上行後，會先見到一些展覽室，但對不起展覽室是不可以拍照的！ 從展覽室內的樓梯再上，wow! 美景盡在眼前，靚！ 梵諦岡景 羅馬景   由於遊人不多，總可以找到個有利位置拍照，我們係到影佐好多相呢！ 旅遊日期：2014年4月

神聖的梵諦岡、古城羅馬、百花之都佛羅倫斯、正爆outlet The Mall同時尚之都米蘭，復活節義國遊本應是令人興奮的旅程，但scam city羅馬卻令我有少許憂心治安問題，究竟義大利的治安真的如此惡劣嗎？ 此行我們停留了三晚羅馬、兩晚佛羅倫斯同兩晚米蘭。睇完明珠台scam city後我們特別留意有無如片中所介紹的相類似活動！主要旅遊景㸃如圓形競技場和羅馬議事廣場附近的確有唔少穿著古羅馬士兵衣服的人主動邀請遊客影相，但他們還是十分自律不會死纏！ 反之當我們遊覽在米蘭的Piazza Castello時，就有穿著傳統貴族服飾的人係我們影相時突然走來扮怪扮馬，我們當然立刻彈開！他們企圖握手以示友好，但我們並沒有理會！ 羅馬許願池和西班牙廣場 遊人特別多是 另一黑點，我們亦加倍小心！在行去許願池途中突然有兩母女走出來哀求我們比錢他們，我們嘗試避開他們但女人想捉住我老公隻手，他便立刻閃開，幸好我們沒有任何損失！ 西班牙廣場附近就有唔少黑人拿著玫瑰花遞給途人，當然接佐花後就要比錢吧！我們目睹一名外藉女士接過花後，黑人不斷問要錢，外藉女士嘗試將花比番黑人但不成功，最後要靠女士身旁的朋友不斷理論才可解圍！ 同樣嘅方法係義大利其他旅遊景㸃亦會見到，不過他們用嘅可能唔係花！係米蘭嘅Piazza Castello，黑人就手拿唔同顏色嘅手繩想帶係遊客手上，其中一名黑人亦有走近我老公聲言條繩係免費後便隨即想替他帶上，當然我們不會就範立即走開了！ 至於係梵諦岡亦有scam city介紹的情況發生，梵諦岡博物館附近會有不同嘅人走嚟同你講可以唔駛排隊入博物館，只要唔理他們就ok了！ 至於Metro，可能我們出沒時間係非繁忙時間，很少在車廂內遇到擠擁情況，情況並不如想像中差！ 感恩我們此行並沒有任何損失，我們覺得治安並不如傳聞中般的差。 當然我們警覺性是非常高，錢和護照必放貼身袋，慎防萬一！我們眼見在 義大利的大多主要景點都有警察和警車助陣，雖然大部分警察都只是企係度，但相信會有一定阻嚇作用的！各位千萬不要因為傳聞中的治安問題而放棄遊義大利啊！ 旅遊日期：2014年4月

參觀圓形競技場（Colosseo)相信是羅馬遊的指定動作！無論你西史攞A定E，都肯定知道鬥獸場的用途。 競技場的建築感覺極raw，raw嘅程度跟北京萬里長城相約。起初我還以為遊客只可於第一層觀眾席影相遊覽，但只要你有氣有力，便可行上兩層欣賞這世界最大的古羅馬遺跡！很誇張嗎？原因係圓形競技場內的梯級極高，小朋友或老人家要行上去一定有難度！ 未出發前聽過有人話競技場內很細，個人就實在未能認同！我們只係行佐兩層已經用佐差不多兩小時，仲要已經無聽介紹，無睇展覽！ 雖然很raw，但在希臘式嘅列柱再加羅馬拱廊的設計下，鬥獸場相當宏偉！相信係咁多年前已經可以興建到如此宏偉且充滿美感嘅建築物，當時的國家一定十分強大！ 一間一間在地下層的密室是野獸的欄 十字架是教宗Pius六世用來淨化此地及撫慰亡靈的。 競技場參觀人數眾多，Roma Pass可以幫你免去排隊入內的麻煩，慳番唔少寶貴時間！ 旅遊日期：2014年4月

自CX推出佐Premium Economy後，試過數次來回大阪被免費upgrade，除佐個位寬D，隻腳舒服D外，好似無咩特別！ 去年聖誕節飛墨爾本適逢 Premium Economy 做緊優惠，每人只需加約 HK$2,600 就可以由package 嘅 v class upgrade 上 Premium Economy。香港飛墨爾本要成8/9個小時機程，諗住個位寛D可以瞓得好D，所以4個人就齊齊upgrade！ 我們一上機空姐即送上welcome drink，除佐一般飲品外，仲有香檳揀，呢個安排跟坐Business Class一樣，老爸和老媽不知覺得幾開心！ 用品方面，每位坐Premium Economy的客人都有一份GOD小禮品包，內有牙刷、牙膏同眼罩。商務客位的小禮品包則是由Agnes b提供。耳筒則跟商務客位的款式一樣，同是隔音耳筒，戴上後已經可以隔絕80%以上的飛機噪音，完全唔駛用耳塞！ Premium Economy的最大賣點係座位較Economy寬且空間感較多，例如隔離位嘅親友正進餐的時候，我仍可以輕鬆地出入。雖然唔可以好似商務客位嘅乘客咁成個人瞓係度，但起碼隻腳唔駛屈住，舒服好多，回程時老爸老媽更可以完全大覺瞓，仲話唔似坐佐9個鐘！ 食物方面當然唔會好似商務客位般咁多選擇，但好似比Economy多一款揀，餐具都係同商務客位一㨾唔駛用膠刀同膠义！ 美中不足係Premium Economy嘅乘客唔可以用商務客位嘅洗手間，要行返去Economy嘅洗手間，如果Premium Economy附近可以加設洗手間就更理想了！ 嚟緊義大利同英倫之旅本想upgrade Premium Economy，可惜今次 由package 嘅 v class upgrade 上 Premium Economy要加成5、6千一位，兩個人要加近HK$12,000，咁我寧願住好D酒店啦！ 旅遊日期：2013年12月