Work Heart Play Heart!

7月倫敦之旅，除佐去了我最愛嘅Duck & Waffle 同 Maze Gordon Ramsay 外，仲試佐好幾間唔錯嘅餐廳，一次過係度介紹晒比大家！ 論景觀、環境、創意及食物質素，Duck & Waffle 一定無得輸，不過除佐難訂位外，亦無可能餐餐一樣，推介你試一間同樣難訂位嘅餐廳Clos Maggiore。 Clos Maggiore 走高上路線，食物價錢較貴，雖然沒有高居臨下嘅景觀，但一樣難book。餐廳係opentable 評價極高，攞足4.5分，究竟有幾正？一踏進餐廳，我已被他們嘅裝修深深吸引，置身於滿天白色小花的佈局下進餐，感覺超浪漫！ Clos Maggiore 位於Covent Garden，最佳晚飯時間係星期一至四黃昏5㸃，因為呢度有pre-theatre dinner menu ，抵食好多架！ 呢度嘅食物賣相如環境一樣優雅，食物水準超高，尤其係碟牛，做得十分鬆軟，得！ 雖然係 pre-theatre dinner menu，但他們亦有免費送來餐後甜品，讚！ 既然係pre-theatre dinner，餐廳講到明7pm 要還枱，食飽去睇Phantom of the Opera 就啱晒！ 論最近嘅人氣之選，位於Shangri-la Hotel The Shard 內嘅 Ting Restaurant 定必榜上有名！呢度同Duck & Waffle一樣，坐擁倫敦最佳景觀，夜景最煞食！可惜訂唔到位，我們唯有改食午餐！ 呢度嘅午餐價錢同  Clos Maggiore 嘅 pre-theatre dinner menu 差不多，食物賣相相對精緻，味道亦不錯，不過個人更愛 Clos Maggiore 主菜的味道！ 嚟到國際5星級酒店食飯，當然會期望有好嘅服務，可惜呢度有侍應嘅水準嚴重唔達標。話說當我們食到主菜時，發現隔離枱一坐底就有麵包，我們就完全無食過，作為代表香港嘅港女當然會出聲，個英藉四眼女侍應一臉愕然，仲答得好妙咁話完全唔關佢事，佢仲話最大嘅問題係我地已經食到主菜，似乎唔太適合！唔係化！最大嘅問題係你地唔記得比麵包我們呀小姐，可能我個樣已反映佐我嘅不滿，佢最後問我們仲要唔要，咁當然要啦，這是我們應

雖然倫敦有唔少免費博物館，但參觀 London Transport Museum就要比錢。 因為買佐 London Pass，我們當然努力去晒所有要付費參觀嘅地方。 London Transport Museum 位於Covent Garden 附近，展館設有3層。參觀當日，有唔少學生陪我們一齊見證住倫敦交通工具的發展史！ 最吸引我眼球的，當然係倫敦地鐵嘅發展，電梯會先帶你去到1800年的倫敦。 呢度會由馬車開始，一步步介紹當年的演變過程。後期嘅馬車加上路軌後，可以令馬行得更容易，亦可以接載更多人。當年，英國人除了用佐唔少心血去飼養一頭好嘅馬匹外，亦不斷鑽硏取代馬拉車嘅方法！ 當年嘅倫敦商人亦十分有智慧，好早就已經諗到係車上賣廣告，有趣、有趣！ 當然呢度亦有介紹由地面搬去地底的鐵路歷史，除了要挖地外，他們亦要解決唔少問題，例如燃料問題，以及如何將乘客從地面送到去地下，又如何由地下送返上地面等等。前人嘅努力確實為後人帶來了不少方便啦！ 全球第一架用電推動嘅地鐵原來係發生於1890年嘅倫敦，距離現在已有125年了！ 呢度仲展出了當年嘅火車及地鐵車箱，仲可以坐埋入去影相，正！ 除了鐵路外，呢度亦有介紹倫敦巴士嘅進化歷程，仲有好多款巴士擺晒係度任影。我終於明白㸃解要付費，個人覺得比得十分值得！ 若然你同小朋友嚟，千萬不要錯過參觀 London Transport Museum 呀！ 究竟未來嘅交通工具歷史會如何呢？話唔定，就由你的下一代開發！ www.ltmuseum.co.uk 旅遊日期：2015年7月

6、7月倫敦天氣極好，係自由行的最佳時候！倫敦酒店於 peak season 貴到不得了，係市中心揀一間裝修較trendy嘅4星酒店連早餐閒閒地過HK$3,000一晚。此行會係倫敦住足5晚，實行要精挑細選，四圍格價，誓要揀間平、靚、正！ Park Grand London Lancester Gate 係一間Boutique Hotel 距離Lancaster Gate站約6分鐘路程，由酒店徒步至Paddington站亦只需10至15分鐘路程，算是十分方便！ 酒店裝修時尚，於 Tripadvisor 1,053間倫敦酒店中名列38，評價極高，算是信心保證！酒店網站更經常提供優惠，普通客房連早餐一晩唔駛HK$2,000，仲提供免費wifi上網，抵到無朋友！ 網友批評酒店唯一問題係房間同浴室太細，無咩位放喼。住慣蝸居嘅香港人應該問題不大，訂房時適逢酒店提供早鳥優惠，我㨂佐高一級嘅房間（Club Double），5晚房價連早餐及稅盛惠1,085英磅，即約HK$2,600一晩，在旅遊旺季的7月份，算是同級酒店中較經濟的選擇了！ Club Double Room 比Deluxe Room 大，check-in 當日，酒店更免費送來生果、礦泉水、酒及汽水！房間十分乾淨整潔，床榻舒服，Like！ 浴室不算大，剛剛夠企兩個人，且沐浴用品齊全，亦有拖鞋提供！Like！ 早餐方面，雖然選擇不算豐富，但就有齊英式早餐各重要元素，尚算不過不失吧！ 回程時我們經London Pass 嘅APP 係Royal Cars 預約的士去希思路機場，由酒店出發車程約需40分鐘，車費亦只需35英磅。司機不但準時到達，且十分有禮，仲幫我們搬行李上落，真係唔駛自己搬行李上落tube咁辛苦啦！ www.royalcarslondon.com 旅遊日期：2015年7月

一直懷念兩年前的巴黎塞納河船河晚餐，今次去到倫敦當然唔會錯過泰晤士河嘅船河晚餐啦！巴黎和倫敦嘅船河晚宴均由Bateaux 提供，倫敦嘅船河晚餐比巴黎貴，但時間較長，晚上7:30上船，一直玩到10:45pm。 船河晚宴有4款選擇，價錢由79英磅至155英磅一位，最貴兩款提供5個course，而較平兩款則提供4個course，其他主要分別在於飲品選擇，包括酒及礦泉水。我們選擇中間落墨，揀佐105英磅一位，包佐 4個course、1枝水、house wine及餐後咖啡或茶。由於我們網購了London Pass，用優惠碼再網上訂位可慳15英磅一位，正！ 倫敦嘅船河晩餐設有live band，除佐即場彈奏外，仲有位靚女唱歌助興，氣氛唔錯。 船長會帶我們沿著泰晤士河欣賞倫敦眼、Tower Bridge、Shangri-la The Shard 及Big Ben 等倫敦著名景點，日夜兩景交替，得 ! 船長仲會帶埋你去Fulham，沿途我們見到好多倫敦新樓盤，流晒口水！ 依家香港嘅樓已經貴過倫敦，真係有D想係倫敦置業，望住泰晤士河應該好過望住城門河啦！ 上船後第一件事是先㸃菜，頭盤、主菜及甜品各有4款選擇，總有一款合你心水吧！ 食物味道沒有很大驚喜，但尚算不過不失吧！ 倫敦船河晩餐跟巴黎嘅其中一個最大分別係，訂位時我們不可以先揀窗囗位，而坐嘅位置全由船公司安排，我們的位置都是近窗，不過就鄰近通往觀景位置的側門，每逢一經過靚景就有唔少人出入！Sigh... 3個多小時嘅船河晚餐確實令人十分relax，生活係繁忙嘅香港，食3個多小時嘅晚飯簡直係奢侈嘅事！不過可能未完全適應時差，去到晚上10時已開始眼瞓，不過總括來說，這是一次很好的經驗！ 推介你下次去倫敦，必要一試！ 提提你嚟船河晚餐講到明唔可以casual wear，現場所見個個盛裝出席，大家記得帶套靚衫去啊！ www.bateauxlondon.com 旅遊日期：2015年7月