Work Heart Play Heart!

Chic Outlet Group 係德國有兩個outlet，一個位於法蘭克福（Wertheim Village），而另一個則位於慕尼黑（Ingolstadt Village）。由於慕尼黑嘅Ingolstadt Village較另一outlet有更多商舖，我們當然投資時間係可能有較高回報嘅Ingolstadt Village啦！結果並無令我們失望，我倆竟然比係巴黎同英國嘅outlet買得更多，真係唔簡單！ 呢度無Longchamp，Polo等係歐洲outlet經常見到嘅牌子，但就換來其他更正品牌，包括Pandora、Swarovski、HugoBoss、Lloyd、Birkenstock同Le Creuset。 Pandora手鏈45歐羅有交易，啲Charms就有平有貴，任君選擇，價錢就outlet價再多個半價至3折，完全無拒絕嘅理由！ Swarovski 亦平到嚇親我，一條水晶頸鏈價錢低至48歐羅有交易，呢個價可能要回到10年前嘅香港先得！ HugoBoss 係香港屬高檔品牌，減佐價都未必捨得買，嚟到呢度就可以放心選購，因為outlet價錢只係同Playlord 差不多，一個字抵！ Lloyd係德國就如同英國嘅Clarks，平到連鞋盒都唔會比。Birkenstock嘅outlet價亦低見28歐羅，唔買真係唔算嚟過德國！ 近日大熱的Le Creuset 鑄鐵鍋德國outlet 價亦比香港甚至日本outlet 平一截，而且大把顏色揀，真係一山還有一山低，我見到有香港人係到入佐4大袋，勁！ 嚟Ingolstadt Village 建議大家坐shopping express，shopping express 於慕尼黑main station附近的Sofitel Munich Bayerpost酒店集合，車程約75分鐘，來回車費15歐羅，非常方便！ 提提你嚟到outlet，第一件事係要去Information 攞張VIP coupon。只需出示passport，就可以攞張9折VIP coupon，係指定商舖如HugoBoss、Lloyd、Nike同Birkenstock等都可以享有額外折扣，計埋退稅，簡直係抵上加抵！

新天鵝堡是德國眾城堡中最受歡迎的一個，據說迪士尼樂園內的睡公主城堡也以此為設計藍本。雖然新天鵝堡內的裝修工程尚未完全完成，但每年已吸引眾多遊人前來參觀。 新天鵝堡建於1868年，個人覺得其內部裝潢比巴黎的凡爾賽宮更精雕細琢，令人嘆為觀止，值得一看！可惜城堡內嚴禁拍照，故未能在此與各位分享城堡內的美。 由於唔想搬行李，所以決定一天來回慕尼黑及新天鵝堡！ 我們預先於網上訂好火車票，似乎德國境內火車並沒有海鮮價，無論我咩時候入去網站睇，價錢都係一樣，無大分別。我們訂了7:53am的火車，由慕尼黑central station出發去富森（Fussen)，中途不用轉車，約於9:56am便到達富森火車站。沿途景色超靚，我全程陶醉於窗外景色中，完全無瞓過！ 到達富森後，可於火車站對出坐78號巴士，巴士會將你送到城堡的ticket office，車程只需約10分鐘。 請留意遊客必須參加新天鵝堡內的導覽團才可入內參觀。由於我們已預先係網上訂票，嚟到可以係Reserved Ticket counter 比錢取票，差不多完全唔駛等就可以即刻攞到預訂導覽團場次的票，爽！ 就現場所見，幾乎所有人都無預先訂票，買票人龍勁長，相信起碼要排一個鐘先可以買到票呢。唔想排隊的朋友，記得預先在網上訂票啊！ 買完票後可有3種方法上山參觀城堡，分別係坐馬車、小巴或步行。我們的參觀場次是12:25pm，由於有足夠時間及 為了呼吸更多德國牌新鮮空氣，我們決定用雙腳步行上山。上山沿途景色優美，相機及iphone比對腳更忙，停吓影吓又行吓，唔駛40分鐘就可以上到新天鵝堡附近！ 途中更可以影到舊天鵝堡，正！ 雖然完全唔辛苦，但4月初的富森仍很凍，我們入了城堡附近的一間餐廳休息及醫肚！ 作為熱門遊客區內的獨市餐廳，實在有齊所有理由收高價，令我們跌眼鏡的是呢間餐廳不但收費合理，且食物味道好，靚女侍應又友善，洗手間又極其乾淨。德國，你真是很可愛！ 食飽飽就準備入場參觀啦！上到新天鵝堡，我深深被呢座1868年嘅建築物吸引住，我們影過不停，去相： 影夠後就差不多夠鐘入場參觀了，新天鵝堡外會顯示入場場次及時間，基本上每5分鐘就有一團，勁！ 導覽團全程只有約30分鐘，完畢後會經過兩間紀念品店，紀念品價格亦尚算經濟。 原本打算參觀完城堡後行去Marien Brucke，據說那裡可以影到最靚嘅新天鵝堡，可惜因為積雪關係，行去Marie

出發前還以為德國無咩好買，㸃知最後係要買多個Rimowa hand-carry喼先夠放戰利品，最終係半個喼去，3個喼返（1個28寸、1個26寸及1個21寸），仲未計手拿的3大袋手信，確實唔簡單！ 唔好諗住可以係德國買Hermes，法蘭克福嘅Hermes店，款式少到不得了，相比巴黎店，完全唔掂！唔知係咪我好彩，Chanel 法蘭克福店竟然係我們旅遊期間裝修！LV貨品算是最齊全，不論柏林、慕尼黑或法蘭克福都總有一間大LV係附近，LV迷絕對唔需要擔心！ 除佐呢D女士至愛外，究竟德國仲有咩好買呢？Birkenstock、Lloyds同Hugo Boss 呢3個德國牌子比香港平一大截，若係outlet買，價錢接近半價，我們買到儍佐！ 計埋退稅，呢個classic 款Rimowa 比香港平近HK$3,000。 而呢款就平佐接近HK$1,300，無計依家歐元只係對8.4，淨係計滙率都夠抵！ 女士們買唔到Hermes 袋唔駛太失望，呢度買Swarovski 同 Pandora一樣比香港平！我係outlet 買Pandora，價錢係50%-70% off，137歐羅就有交易，仲可以退稅，正！ 係德國，買夠25歐羅已可退稅，基本上係Zara買件衫已可以，德國政府算是對遊客十分慷慨！可能太容易符合退稅要求，樣樣野都變相多個額外折扣，我們買得勁開心，而大部分店員亦唔會check我們passport，只係再印多張退稅單比我們自行填寫有關資料，非常方便！ 不過係機場攪退稅手續，就相比係意大利、巴黎同英國煩，首先要攞D行李去航空公司櫃台check in，若果行李內有退稅品，要等空姐係件行李整好條登機標籤後，再攞番D行李同單據去custom，海關會係單據上蓋印，跟住再去退稅櫃台，你可以選擇取回現金又或者退落信用卡，但取現金就要每張單收3歐羅手續費，嘩！咁當然揀信用卡啦！ 攪完晒退稅手續，就可以攞D寄倉行李去旁邊counter，他們會安排D行李登機，整個過程連排隊，我們差不多用了一小時呢！ 德國退稅額為8%至接近12%，視乎商舖而定，LV及Rimowa退稅額較高，而Zara則較低！ 提提你瑞士已不是歐聯國家，係瑞士買嘅野唔可以係歐元區退稅架！ 旅遊日期：2015年4月 唔得閒去歐洲掃平貨？唔緊要，依家香港有很多代購服務，實行為各位以更低價錢買心愛產品，（容許少少廣告時間）誠意推介呢間由好朋友主理的歐

相比英、法、意，德國酒店較經濟，首都柏林5星酒店價錢更比法蘭克福及慕尼黑為低，約HK$1,620已可入住Grand Hyatt 一晚，價錢更包早餐同wifi，咁無理由唔對自己好啲，話晒此行亦為老公慶生辰，就一於豪一豪！ 酒店位於Potsdamer Platz站附近，由地鐵站徒步至酒店唔駛5分鐘，方便！可能我已預早要求提早check in，我們未夠下午2㸃到達酒店已可直接上房。由於老公生日在即，我亦把握機會預早要求了免費upgrade。根據經驗，雖然10次有8次唔會成功，但酒店通常最少都會送來蛋糕或生日卡以表心意。貴為國際級5星酒店，Grand Hyatt 絕對無令人失望，除了免費upgrade 我們的房間去Grand Club Lounge 樓層外，更送來香檳及手寫心意卡祝福，讚！ Grand Hyatt Berlin 房間寬敞，裝修簡約時尚，設備先進，啱晒我們的口味，正！ King size 大床舒服無比，加上房間隔聲出色，完全可以發番幾個美夢！ 浴室設有花灑及浴缸任君選擇！ 早餐設於VOX餐廳內，食物不但選擇豐富，味道亦一流，國際級5星酒店果然是信心保證！ 4星價錢，6星享受，確實無拒絕理由，推薦Grand Hyatt Berlin! http://www.berlin.grand.hyatt.de/en/hotel/home.html 旅遊日期：2015年4月