Work Heart Play Heart!

貴為滑雪勝地，策馬特有不少酒店選擇。好同事和朋友均推介Matterhorn Focus Hotel，我們一於照跟！ 酒店房間寬躺，裝修帶點raw，完全與策馬特的寧靜悠閒環境相配合，感覺非常舒服。 為方便欣賞黃金日出，我們揀了面向馬特洪峰的房間。設有落地玻璃及露台的房間，讓我們無時無刻可與馬特洪峰相遇，堅正！ 酒店設有暖水泳池，且於下午3時至7時在泳池附近設有小吃及飲品供住客免費享用，慷慨非常。 早餐方面，選舉尚算豐富，食物味道亦不錯。 由於瑞士嘅自來水係可飲用，故酒店並沒有枝裝水供應。對於飲東江水嘅香港人嚟講，一啲唔駛過濾又唔駛煲嘅水，感覺神奇！ Matterhorn Focus Hotel 位於纜車站旁，距離策馬特車站約15-20分鐘路程，酒店可安排專車接載住客check in 或 check out。 旅遊日期：2019年4月

為佐欣賞馬特洪峰（Matterhorn) 的黃金日出，我們特意係策馬特（Zermatt）住了3晚。由於我們唔滑雪，本來有點擔心係策馬特嘅假期可能唔夠精彩，但係離開嘅時候，我們4人都對呢個優雅、美麗、熱情和寧靜的小鎮依依不捨！ 如果天氣好，在策馬特的街上抬頭一望已經可以與馬特洪峰（即瑞士三角朱古力的標誌）相遇。我們特意揀了一間可以望到馬特洪峰的酒店，方便一早起身欣賞黃金日出。4月份策馬特的日出時間係早上6:30，我們6:15am已經起身準備。好感恩，我們係策馬特第一個早上已經可以欣賞到黃金日出。看著馬特洪峰嘅山頂慢慢出現金黃，跟住金黃色逐漸增多直至整個峰頂，歷時約20多分鐘。我們係露台又影，又拍片，興奮到完全唔覺得凍，影完後才發現自己的手凍到不得了。黃金日出確實令人震撼，神所創造的美絕對不能與人手所造的相比。 如果想再近距離欣賞馬特洪峰，可以坐齒輪列車（持Swiss travel pass 半價）登上海拔3千多公尺的Gornergrat。Gornergrat 設有觀景臺、餐廳及紀念品店。除了馬特洪峰外，亦可欣賞群山環抱之美。白白的雪山群配上藍天簡直靚得像仙境般。對於生活係石屎森林的香港人嚟講，呢度係另一世界，令人畢生難忘。 本來我們打算由Gornergrat行去Rotenboden，但4月中的策馬特仍未溶雪，滑雪可以，行山走不能，唯有下次夏天再來吧！我們先乘車上到最高，回程時分別係Rotenboden、Riffelberg同 Riffelalp 落車，影到夠才下山。搭乘上Gornergrat 的齒輪列車站就係策馬特火車站附近，非常易搵。  本來打算健行五湖，但酒店職員話4月中雪尚未溶，不宜健行，她建議我們坐纜車登上海拔3千8多公尺嘅Matterhorn Glacier Paradise，參觀ice museum。䌫車站（持Swiss travel pass半價）就在我們酒店附近，坐䌫車登上咁高嘅山係人生第一次。沿途會經過兩個站，一個係Furi，另一個係Trockener Steg，兩個站都景色優美，值得下車欣賞。在Trockener Steg可以從另一角度看馬特洪峰，個人覺得呢邊睇嘅馬峰無咁靚喎！不過呢條路缐非常多滑雪愛好者，遊人相比Gorne