Work Heart Play Heart!

出發前，A記舊同事極力推薦丸明，仲話唔食唔算去過高山！咁正？word of mouth 喎，無理由唔信！縱然溫泉酒店已包辦早餐及晚餐，而午餐時間又唔係高山，但為佐丸明，我們就一於下午4點去食tea，實行一日食足4餐勁嘅！ 呢度除佐有堂食外，仲設有門市，食飽唔夠喉，可以買塊牛扒返酒店自家烹調！ 4㸃零tea time，餐廳唔算多人，不過都有幾枱食客。丸明環境舒適，食客可選擇火鍋或燒烤。要試真啲入口即化嘅飛驒牛，當然係揀燒烤啦！ 雖然午餐係白川鄉食嘅朴葉牛仍未落格，但我們仍然order 佐特選飛驒牛燒肉大皿，免得後悔！ 好同事確實無介紹錯，啲牛肉好味到不得了，就算我們完全唔餓，都可以迅速KO 碟牛，正！如果唔駛留肚食晚餐，我們肯定會encore 再 encore！ 呢餐 tea 盛惠6,840 Yen，以匯率6.4 計劃，只係約HK$437，要係香港食如此高質素嘅牛， 呢個價錢可能只可以買到半塊牛扒！ 唔係講笑，嚟高山真係一定要去丸明食飛驒牛，一試難忘！ 旅遊日期：2015年10月

去到日本，shopping是常識吧！名古屋雖然不及東京或大阪般精彩，但我們仍然滿載而歸，Yen 平是主因，另我們亦去佐一個買到野嘅outlet！ 長島三井outlet 距離名古屋市中心只有約45分鐘車程，outlet 位於長島溫泉區內，園內除有溫泉酒店外，亦有樂園及outlet。嚟自下呂溫泉嘅香港代表推介我們嚟呢度玩過山車，長島溫泉區絕對可以一次過滿足你不同願望！ Outlet 內有超過200間店舖，絕對可以係度消磨大半天！當然店舖多未必一定是好，最重要係有自己心頭愛先可以like！個人最愛嘅日系時裝品牌，呢度就應有盡有，當中包括女士最愛嘅mercibeaucoup,、 Ne-net、 as know as、BEAMS、Lowrys Farm，家長最愛嘅 Miki house，以及男士最愛嘅A  Bathing APE 同 Fred Perry 等！ 依家Yen 低，Outlet 價再加退稅，買多幾件，個trip 仲唔回本？哈哈！ 呢度亦有唔少歐洲品牌，不過我們就無望過，識買必定係買番當地出產嘅品牌吧！ 由名古屋駅嚟長島outlet可以有兩個選擇，平啲嘅可以坐JR 去到桑名站再轉巴士，車程約需1小時15分鐘，車費約800Yen。另一選擇係從名鉄巴士站（可從名鉄百貨直達）坐巴士直達，車程約需45分鐘，車費約1000 Yen。比200Yen 買30分鐘時間，你識揀的！ 旅遊日期：2015年10月 http://www.31op.com/nagashima/tw/ #名古屋 #outlet #長島溫泉  

十月中部遊，我們係高山住了兩晩，除遊走白川鄉外，我們十分嚮往漫步於高山三町路老街及宮川朝市，享受閒息的樂趣！ 三町路老街係高山主要的觀光景點，街道兩旁的古老民宅建於明治 大正時代，漫步其中像回到江戶時代的日本般，感覺很特別！ 現在這些古老民宅已改建成個性小商店，售賣工藝品、精品、雜貨、菓子及零食等，價錢十分相宜！ 呢度更可以食到平、靚、正嘅飛驒牛壽司，你睇吓條人龍就知道係好野吧！ 壽司即叫即做，飛驒牛入囗即溶，再配合特製醬汁，簡直好味到無朋友！ 黃昏6時多，店舖已開始收工，未行夠？明天請早吧，因為呢度大部分商店於早上9時多已開始營業了！ 嚟到高山千萬唔好瞓到黃朝百晏，一定要去行一行朝市，感受一㸃地道風味！酒店好心姐姐話宮川朝市係比遊客行，她推介我去埋距離酒店只有2-3分鐘路程嘅陣屋朝市，佢話當地人主要係行呢個，好吧！我們一於行晒兩個！ 陣屋朝市以露天攤檔為主，主要係賣水果及蔬菜為主，原來高山除了飛彈牛出名外，呢度嘅萍果亦非常清甜好味。 陣屋朝市對遊客嚟講確實無咩啱買，不過不妨見識見識。 在宮川朝市，差不多80%人係遊客，分別有露天攤檔及商舖，賣嘅野眾多，完全以遊客為target market！ 高山主要景點距離JR站只有15分鐘路程，而我們入住的溫泉酒店亦鄰近 三町路老街， 我們全程靠雙足遊高山，爽！ 雖然高山市沒有商場又沒有高速公路，但呢度卻滿有人情味及懷舊風采，令人感到十分舒服，生活其實可以很簡單！ 旅遊日期：2015年10月 #高山 #日本 #Takayama #Japan

我們一共係Honjin Hiranoya Kachoan (本陣平野屋 花兆庵）食佐4餐，分別係兩餐早餐及兩餐晚餐，呢度不單食物質素高及味道好，招呼亦十分周到，接近HK$5,000一泊兩食嘅價錢絕對比得心服！ 入住第一天，酒店準備了撚手日式晚餐， 成14道菜嘅 菜單確實 唔簡單！ 日式晚餐於酒店內的餐廳享用，餐廳內設有多間日式房間，環境舒適！ 為保食物水準，日系美女會等我們完成一道菜後再送來第二道菜，正！ 日式料理款款精緻味美，既睇得又食得。個人覺得最好味的當然係飛驒牛，牛肉入囗即溶，佢地仲會係餐單上列明飛驒牛編號，令你食得放心！我嘅皮膚敏感並無因為食佐呢餐牛同海鮮而發作，Yeah! 這個碗的外貎色彩繽紛，原來精美嘅器皿確實可以增進食慾，我明白點解Le Creset 咁多人買了！ 送紅豆飯來時，我已經飽到不得了，原本以為紅豆飯平平無奇，但竟然味道超好，再加埋啲日本配料，我最後係一粒飯都無留低！ Check in 時酒店已比我們選擇第二晚嘅晚餐款式，當中包括壽司、法式大餐及西餐，雖然我好想揀壽司，但眼見法式大餐有好多野食，最後就決定係高山食法國菜！ 我們本想感受吓係和式餐廳品嚐法國菜嘅特別，所以繼續著住件Yukata落去，但原來法國菜係安排係另一間叫Alice 嘅餐廳，酒店會有私家車送我們去餐廳。就係咁我們就著住件Yukata離開酒店，去到一間裝修優雅嘅西餐廳食法國菜，當晚我們更係包場！ 法國餐嘅份量比日式料理更多，除了龍蝦及飛驒牛外，仲加多件鵝肝，味道雖然很好，但由於當日我們已經食佐3餐，今次真係無辦法KO 所有！ 早餐同樣係酒店內的日式餐廳內，我們兩早晨都揀了日式早餐，除咖啡和水果外，他們會一次過送上所有食物！ 第一天早餐 第二天早餐 早餐必有朴葉麵豉醬，將蔥混入麵豉醬內在朴葉上加熱後用來送飯，絕對可以不停添飯呢！ 我最喜愛的是這個蒸豆腐，完全唔駛加醬油已十分好味，豆香加超滑質感，正！ 兩天嘅日式早餐雖然佈局一樣，但細心嘅酒店亦有為我們安排不同的食物款式，讚！ 高山除了美味