Work Heart Play Heart!

櫻花期的京都人山人海，晚飯時間若然沒有訂坐，就請耐心等候了！ 網友推介WHAT'S 松阪牛專門店，慶幸我們訂了位，否則應該又無緣一試！ 在大吃牛肉之先我們點了一客沙津，為邪惡的下半場作好最佳準備。 選用了WHAT'S 特制沙津汁，呢個沙津味道清新，非常好味。 一碟一碟的主角來了，松阪牛新鮮好味，入口即溶，兩條友在不知不覺間吃了4款，不算過份吧！ 除了牛外，我們也㸃了豬，唔知係咪碟豬切得太厚，味道真的好一般，下次可以不用試吧！ 牛舌係食日式燒烤必㸃項目，相比係牛，呢度嘅牛舌不算突出，未有驚喜。 最後，我們還點了些海鮮，加了點醬汁的燒帶子鮮甜味美，得！ 食佐咁多野連兩杯啤酒都只係約HK$1,100（以7算計）有找，抵到無朋友！ 臨走時，他們還送來兩把扇給我們，讚！ WHAT'S 的環境舒服企理，且設有獨立客室，正！ WHAT'S 位於烏丸御池駅附近，非常易搵，嚟之前記得訂位呀！ www.k-whats.net/ 旅遊日期：2016年4月

嵯峨野距離京都站只有約30分鐘車程，係京都近郊遊的好選擇。 櫻花期間，京都塞滿遊客，我們預早一天係JR counter 買定嵯峨野小火車的車票，確保不會白走一趟。 我們先由JR 京都駅坐到去馬堀駅，由馬堀駅步行至小火車龜岡駅只需約8至10分鐘，而且沿途指示清楚，一定不會迷路的。 我們訂了中午12:35嘅小火車，為免遲到我們早佐小小到達龜岡駅，慶幸龜岡駅設有小商店同wifi，早到都無有怕！ 唔係講笑，我竟然係到買佐唔少野，包括嵯峨野小火車玩具。 我們由龜岡駅坐到嵐山駅，車程大約20多分鐘。 沿途風景優美，可惜我們遊覽當天適逢下雨，風景打了點折扣。 鼎鼎大名嘅竹林就係小火車嵐山駅附近，一出車站已有清楚指示竹林位置，跟大隊行一定唔會錯啦！ Wow! 對於生活係石屎森林嘅香港人嚟講，呢到真係好特別，一於大口吸多幾吓清新空氣先！ 離開竹林，我們就向著JR 嵐山駅進發，沿途指示清楚，而且亦有唔少小商店和食店，可以係度飲杯咖啡嘆個下午茶慢慢享受一吓！ 嵯峨野4季都有唔同景色，下次紅葉季節會嚟多次！ 旅遊日期：2016年4月

4月初的京都正是櫻花期，河原町同清水寺人山人海，首次係日本遇見如此多外藉人，大開眼界！ 此行訂了Noku Kyoto酒店，酒店位於京都市營地鐵烏丸線丸太町站4號出囗旁，贏盡地利優勢。 Deluxe Twin Room 房間寬敞，走時尚優雅的日式設計風格，個人like 爆！ 房間極度新淨企理，亦有足夠空間開喼！ Tripadvisor 貼士係要求高層及非馬路景，我係訂房時記下此要求，細心的日本人竟一一答應，我們的房間在最高層即6樓，且外望日式庭園景，正！ 由於Tripadvisor 及酒店網頁均沒有提供浴室相片，這令我有少許擔心，雖然香港也是彈丸之地，但港女絕對對傳統日式勁迫浴室無咩好感！ 慶幸酒店並没有另我們失望，洋式設計的浴室空間感十足，讚！ 房間內亦設有空氣清新機，開埋放濕功能，減輕乾燥感。 房間內除了附送兩枝水外，雪櫃內的綠茶亦是免費供應。 早餐方面，有西式和日式供選擇。西式早餐提供3款set 選擇，各具特色，但包你吃得飽！ 日式早餐就略為簡單，若然不想一早食飯，可能唔夠啦！ 櫻花期間，京都酒店大都一早爆滿，我已經早3個多月訂房，但都無咩選擇，感恩比我訂到Nobu Kyoto，房間舒適，我們3晚都瞓得相當好，大推！ www.nokuroxy.com/about-noku-roxy  旅遊日期：2016年4月