Work Heart Play Heart!

一月的大阪遊，我們玩即興租車，自駕遊去滋賀龍王outlet 。滋賀龍王outlet係三井集團旗下於關西最大嘅outlet，店舖數目逾200間，暫時係我個人最愛的關西outlet。Outlet較近京都，由大阪梅田出發自駕去outlet約1小時10分鐘車程。 回程時見未夠鐘還車，順路走去宇治欣賞世界遺產平等院。根據維基百科，平等院是古代日本人對西方極樂世界的具體表現。我們沒有興趣參佛，只係純參觀，平等院在藍天與池水的映照下，顯得相當美麗，園內的每個位置都係影相好角度，手機忙到不得了！ 平等院外有不少賣宇治抹茶的小店，雖然抹茶不是我杯茶，但我們亦試了宇治抹茶甜品，若果你是抹茶fans，呢度包你滿載而歸！ 第一次係大阪即興租車，我們本來走去Toyota Rent a Car，點知店員話無預約就無行，唯有走去酒店（Intercontinental Osaka)樓下嘅ORIX Rent a Car碰運氣，感恩成功達到目標，一日遊出走大阪。由於ORIX Rent a Car沒有係Grand Front Osaka 停車場內設有回車處，還車時就較麻煩，我要走上Grand Front Osaka商場店舖內搵人係停車場交車，旅行的體驗往往特別，即興也要付代價的！ 旅遊日期：2020年1月

如前文介紹，白濱とれとれ市場係遊白濱必到的海鮮市場，絕對係平、靚、正之選，我們兩日嘅午餐都係喺度解決，正！更多白濱とれとれ市場嘅介紹可參閲  https://workheartplayheart.blogspot.com/2020/01/blog-post.html 。 3日兩夜的白濱遊，除咗食海鮮外，我們亦食咗一餐高質素的西餐，絕對值得大推。 Restaurant Sakakura 係一間小店，餐廳在Google 的評分甚高。我們沒有預先訂位，6pm到達已經要坐吧枱位置，邊食邊睇住廚師烹調食物，感覺有趣。6,000 Yen 一位嘅晚餐，總共有7道菜，連雞泡魚都有得食。 個人最欣賞係炸蠔，外脆內軟，超正。 主菜嘅牛亦煮得非常淋身，味道相當唔錯！ 另一晚，我們試了森美旅行團介紹嘅いけす円座的九繪魚御膳。有「夢幻之魚」稱號嘅九繪魚，在和歌山縣附近海域嘅產量特別多。訂位時已經要揀定餐，我們揀了九絵御膳松焼きクエ ，每位連稅價值8,800 Yen，超肉痛！個餐有10道菜，差不多每道菜也有魚，愛魚嘅朋友仔就一定係最開心。 九繪魚嘅口感較彈性，味道不錯，但就唔算物超所值，食過一次就唔駛再encore 了。 旅遊日期：2020年1月

揀温泉酒店每人的要求也不同，房間備有私人風呂向來係我首要條件，其次當然係越新越好。如果你嘅要求同我差不多，推介你南紀白濱萬豪酒店（ Nanki-Shirahama Marriott Hotel ）。 南紀白濱萬豪酒店位於白良浜沙灘附近 ，酒店於 2017 年由萬豪集團接手，並進行全面翻新。酒店設計走時尚優雅路線， Like!  我們揀了設有私人風呂的海景雙人房間， 1 月中旬連早餐價 HK$3,000 唔駛，房價比附近其他温泉酒店相宜。 私人風呂與海景相連，浸住溫泉歎海景，心情無比暢快！唯一美中不足是私人風呂並不連接浴室，浸完溫泉要經過房間才可以沖涼，感覺有點奇怪！ 酒店早餐亦相當出色，選擇豐富且味道不錯，正！ 旅遊日期： 2020 年 1 月

出發前唔少朋友千叮萬囑我一定要去黑潮市場，可能係我期望太高，我們對黑潮市場有點失望 。 由白濱揸車去黑潮市場約需一個多小時，由於好評如潮，我們沒有唔去嘅理由。 相比白濱とれとれ市場，黑潮市場的面積較細，海鮮亦較貴。 如前文所述，以 1000 Yen 嘅價錢就可以係白濱とれとれ市場食到 6 隻帶子，但黑潮市場就要 500Yen 一隻，1000Yen就只可以食到兩隻帶子。不過黑潮市場除了海鮮外，亦有肉類等其他選擇， BBQ 場地亦較白濱とれとれ市場大。明顯地，黑潮市場遊客較多，連停車場都要收錢。 至於乾貨方面，相比白濱とれとれ市場，黑潮市場的乾貨的選擇亦較少，同款式的乾貨亦略貴。不過黑潮市場內有間自家梅酒商店，梅酒選擇十分多，價錢亦相當經濟。我們買了一枝小的柚子梅酒回家，超級好飲！ 除了自家梅酒外，黑潮市場的 BBQ 場亦沒有額外收費，職員會主動提供開爐服務，讚！ 如果你有足夠時間，黑潮市場亦是好去處。若你只可以去一個市場，個人覺得白濱とれとれ市場更值得一遊！ 有關更多 白濱とれとれ市場的介紹，可以參考 https://shanshancss001.pixnet.net/blog/post/319845608 旅遊日期： 2020 年 1 月