Work Heart Play Heart!

出發前我唔知西班牙多唔多野買，不過去歐洲無理由唔去outlet，為免有咩損失，我們一於去晒位於馬德里及巴塞隆拿附近的兩大outlet。 Las Rozas Village Outlet 於馬德里周邊，我們預先於網上訂佐shopping express 去outlet ，由東方廣場出發車程約30分鐘。坐shopping express 的好處係佢地會比discount coupon，可以係outlet 即時用番。東方廣場嘅侯車站在地底，並不顯眼，我們最終要問人才可以搵到。 Las Rozas Village Outlet 的店舖數目比巴塞隆拿 outlet 少，牌子包括 Loewe, Pandora, Ted Baker, Prada, Armani, Hugo Boss, Burberry, Camper, TOUS及Real Madrid Offical Store等，不過店內唔算多野買，款式選擇唔多，我們一行4人都唔算買得多，有點失望！ 另一 outlet 係La Roca Village Outlet，位於巴塞隆拿周邊，從感恩大道（鄰近Zara / H&M ）乘shopping express 約需45分鐘車程。 相比馬德里outlet，呢度人氣較旺盛，店舖數目較多，牌子包括Armani, Burberry, Boss, Bally, Camper, Gucci, Jimmy Choo, Longchamp, Loewe, Nike, TOUS, Tod’s及Ted Baker等。就算同一牌子，呢度比馬德里outlet 嘅選擇更多，折扣更大，得喎！我們4人係度入佐唔少貨，正！ 呢度仲可以即場退稅取錢，不過唔可以取歐羅，要取歐羅以外的貨幣，即係要蝕少少匯率。 如果大家時間不夠只可以去一個outlet 嘅話，La Roca Village Outlet 絕對係最佳選擇！ 旅遊日期：2018年5月

巴塞隆拿的行程充滿了藝術氣息，高第設計的精彩另人嘆為觀止，個人最愛非聖家堂（Sagrada Familia）莫屬。 聖家堂於1882年開始動工，到現在仍未完成，預期到2026年才竣工，高第一生放了43年心血在教堂上。由踏進教堂一刻起，我「嘩」過不停。藝術我一點也不懂，只知教堂內堅靚。我幻想建成後一班信徒在此唱詩的情景，一定十分震撼。高第運用他一生的才華去榮耀神，實在令人敬佩！期待完工後，有機會再嚟。 奎爾公園（Park Guell）是高第另一傑作，亦被列入世界遺產。這裏建了兩座房子，而高第亦曾居住其內。呢度嘅建築與其他公園與別不同，不過公園唔算大，一小時唔駛已差不多行完。公園外有唔少小店，我們入了唔少手信。我們漫行去了Carrer de Verdi，沿途零遊客，不過就比我們係度買到平、靚、正黑毛豬火腿同天然有機護膚品👍🏻。 感恩大道（Passeig de Gracia）係Shopping 必到，呢度你亦可搵到唔少特色建築，當中包括高第作品米拉之家 （Casa Mila)、巴特婁之家 （Casa Battllo)及由Josep Puig i Cadafalch 設計的阿馬特耶之家（Casa Amatller）。個人十分喜歡感恩大道，呢度就好似巴黎嘅香榭麗舍大道，街道寬敞，乾淨舒適，名店林立。購物之餘，感恩大道仲可以比你影過不停，正！ 米拉之家 （Casa Mila) 巴特婁之家 （Casa Battllo) 阿馬特耶之家（Casa Amatller） 蘭布拉斯大道（La Rambla)係另一條有名的商店街，不知是否人較多，呢度沒有感恩大道般的乾淨舒適。蘭布拉斯大道唔單止人多，連警察也很多，甚至有警察手拿著長槍巡邏，感覺有少少嚇人呢！ 聖荷西市場（Mercat de Sant Josep de la Boqueria）位於蘭布拉斯大道，雖然面積比馬德里的Mercado de San Miguel 較大，但感覺較舊及暗，我們參觀時仲有吉卜賽人在行乞，不爽！ 沿蘭布拉斯大道一直行就到貝爾港（Port Vell），可能天陰關係，個人覺得呢度無咩特別喎！ 不得不提我

托雷多(Toledo)距離馬德里Atocha 火車站只有30分鐘火車程，整個古城區都係世界文化遺產，是馬德里遊必到的周邊地方。 托雷多保留了基督教、伊斯蘭教、猶太教建築，堅靚👍🏻。呢度比塞哥維亞更人山人海，連火車站都十分有特色，世界文化遺產確實不是浪得虛名。 托雷多有唔少靚景點，主要係教堂。我們係火車站買佐張Travel Pass，個pass包佐巴士及7個景點的入場費，最正係特快入內參觀，戴住條手帶就唔駛排隊。 我們本打算坐巴士在城外遊一圈，但當天因為封路，繞城一圏幻滅。其實由托雷多火車站步行去古城只需20至25分鐘路程，如果無得繞城遊，旅客可直接係景點買Pass，放棄巴士費用，價錢平一截。 7個景點各有特色，行晒堅累，我們跟住Google Map成功征服了6.5個！🤣 Iglesia Del Salvador 救世主教堂是一座歷史悠久的教會遺跡，過去曾遭受火災並已徹底翻修。呢度嘅耶穌釘十架像震撼人心，像是把當天的情景活生生地放在眼前一樣。 Monasterio de San Juan de los Reyes 聖胡安皇家修道院是一座天主教方濟各會修道院。靚！ Iglesia de santo Tome 聖多美教堂是建於14世紀的教堂，聞名原因是收藏了名畫奧格斯伯爵的葬禮，參觀當日名畫前擠滿了不少遊客。由於教堂內唔比影相，所以不能在此分享該名畫。大家想睇，就要找Google 大神幫手了！ Iglesia de San Ildefonso 聖方索耶穌會教堂最正的地方是可以登上塔頂，並可一睹托雷多古城的風采。👍🏻 Cristo de la Luz 光輝基督清真寺是一座小型建築，是摩爾時期僅存的一座清真寺。可能因為教堂太細，感覺無咩特別。 Santa Maria la Blanca 白色聖瑪利亞教堂是歐洲現存最古老的猶太會堂建築，個人覺得呢度好靚，影相一流，我們係度逗留得最耐。 最後我們去到Colegio de Doncellas Nobles，呢度係一座學院，在勁累情況下我們並沒有內進，只是影了連接原始建築和延伸部分的高