Work Heart Play Heart!

滿有羅馬傳統的巴斯風景優美，為了留下更佳倩影，肉肉同事決定係巴斯住一晚，實行慢工出細貨，誓要影到最美效果先走！ 肉肉同事千揀萬揀，最終揀佐係Grays Boutique B&B 住一晩。我一直以為B&B 只係bed 同breakfast，靚極有限，但當肉肉同事whatsapp佐D相比我睇後，徹徹底底改變晒我對B&B嘅睇法！ Grays B&B 房間設計甚有英國貴族風範，房間優雅清潔，肉肉話淨係影間房已影佐好耐！ 早餐地方貫徹優雅風範，食物即叫即做，英式早餐、egg Benedict或炒蛋加腸，總之應有盡有！ B&B距離市中心及車站只有10-15分鐘路程，非常方便！ 肉肉同事為佐影靚相，揀佐最貴嘅房間，房價約為HK$1,800至HK$2,000一晚，其他房間一般則為HK$1,300 至 HK$1,400一晩！下次去Bath可以住B&B了！ 旅遊日期：2014年7月

台北精品酒店選擇多，差不多每年都有一至兩間新精品酒店加入戰場。位於西門町的意舍距離捷運站只有約5分鐘路程，package價往往較其他精品酒店平，可惜開幕至今我仍然未有機會成功訂到，原來呢個紅海仍然有唔少機會！ 倫爺今年中秋佳節與愛人漫遊台北，並入住Amba，佢話已經係第二次入住。嘩！有咩訂房貼士？佢話早D訂就無難度，哦！咁我下次去台北，唯有唔玩即慶啦！ 話明精品，Amba房間不算大，但乾淨企理，且設計時尚舒適。 倫爺話呢度用嘅洗頭水、冲涼液和handcream 香味特別，佢仲買佐D返香港自用。嘩！下次遊台北，除佐掃書同微熱山丘外，仲可以買日用品呢！ 早餐方面選擇豐富，有中又有西！部分食物更是即叫即做，新鮮好味！ 喜歡Amba原因係方便，樓下有誠品，西門町又多野食，但往往方便嘅代價係嘈！倫爺話房間好靜，完全不受西門町的熱鬧所影響！Good! 來吧！住吧！Amba吧！ 旅遊日期：2014年9月

Camden Town 令我呢個係香港長大、不折不扣的港女大開眼界！簡直越行越開心，越睇越興奮。 星期日的Camden Town人山人海，除佐遊客外，亦有唔少英倫潮人，好多雞冠頭係度出沒！ 除佐潮人外，呢度亦有唔少樓宇藝術，他們鍾意放晒D鞋同褲出嚟，連龍同黑天使都話要出嚟趁熱鬧，我呢個港女就好似剛剛從鄉下出城般影唔停！ 話明市集當然有野買啦，呢度買英倫別注手信係最抵架！ Camden Lock內有一個小商場，主要賣精品和飾物，價錢經濟實惠，款式亦多元化，總有一款你喜愛！ 行到肚餓，可以行入食街醫肚！呢度走國際化路線，食物有中式、印式及泰式等！ 你試過騎住電單車對住條河食飯未？呢度連坐椅都趣過人，不過可能太趣，現場坐無虛席。 下次遊倫敦，記得嚟Camden Town見識下英倫有趣的一面！ 旅遊日期：2014年7月

不論你是大朋友還是小朋友，都必會被呢幾粒唔同顏色的朱古力豆而吸引！ M&M's World全球設有6間店舖，分別位於倫敦、Orlando、紐約、拉斯維加斯、Henderson及上海。 途經Leicester Square，竟然可以與呢幾粒朱古力豆相遇，興奮得立刻衝入店內。店舖面積相當大，設有4層，我們係度足足消磨了個多小時！ 店內有齊朱古力豆各式各樣的精品，包括文具、玩具、日用品、衣服，當然亦唔少得朱古力啦！好得意呀，真係好想買晒你地返香港呢！ 除佐商品外，呢度亦有唔少影相位，每個M&M's 主角都以不同造型與fans會面，相信呢度必定係影相呃Like的熱門位置。你又最愛邊位主角的造型呢？ 請留意倫敦店於星期日黃昏6時收工，記得預留足夠時間和金錢先好嚟啊！ www.mmsworld.com 旅遊日期：2014年7月

《等一個人咖啡》電影好收得，我也有去趁熱鬧，認識九把刀筆下的咖啡如何好喝！ 睇完電影真係好想飛去台灣，㸃知比善於交際嘅A同事捷足先登，係中秋節檔期親身到「等一個人咖啡」店嘆老闆娘特調！ 真實版的「等一個人咖啡」店在台北市文山區一壽街，於今年8月才正式營運，且完完整整保留電影裏的咖啡店。A同事話正店較遠，他去了在市政府站的新店。嘩！咁快已經開分店，電影的威力真大！ 市政府店位於市政府站1號出口旁，從出口左轉步行30秒即到，新店比正店更方便遊客。 同事A於午飯時間到達市政府店，可能咖啡店並沒有供應午餐，午飯時間未見人龍。 咖啡永遠是交際應酬的其中一項熱選，A同事當然唔會抗拒，但為佐支持玉女獎門，他仍㸃了杯凍老闆娘特調，佢話杯咖啡混合了酸味和苦味，感覺特別且清新！呢杯特飲盛惠HK$50。 另外呢杯Hazelnut Latte盛惠HK$40，味道也很不錯！ 市政府店的裝修跟正店走同一路線，除咖啡外，店內亦提供蛋糕和甜品！ 下次遊台灣，又多一間咖啡店選擇了！ 旅遊日期：2014年9月