Work Heart Play Heart!

每次一月遊大阪都只係shopping、shopping 同shopping。除咗因為一月係減價月外，亦怕周邊落雪，揸車唔方便。今次破天荒先去和歌山縣嘅白濱浸溫泉，义足電後才去shopping! 飛佐n次大阪，今次先第一次遊和歌山，絕對大鄉里！由關西機場揸車去白濱約個半鐘車程，非常方便，快閃埋Rinku Premium Outlet 先開車出發都仲得，正！ 白濱相比和歌山市較清靜，有唔少不可錯過的景點。 千疊敷 是由砂岩所形成的岩盤，砂岩質地非常軟，被海浪長年累月的侵蝕後，形成今日的景觀。我們一早嚟到，雖然風大，但我們都影到夠才肯走，靚。 鄰近白濱水族館的円月島是白濱的象徵之一，島中央有個圓形的海蝕洞，非常特別。泊低架車係一邊，就可以影到夠，得！ 水清沙幼的白良濱係另一熱點，由於海水溫度較高，白良濱係本州最早可以行下水禮的沙灘。 無論你是否愛吃海鮮都絕對不可錯過南紀白濱とれとれ市場 （Toretore海鮮市場），裡面除可以買到和歌山手信及特產外，仲可以食到平、靚、正嘅海鮮。可能呢到嘅遊客比和歌山市少，とれとれ市場嘅海鮮相比黑潮市場平。我們用1000Yen買到10隻帶子（原本係1000Yen6隻，係0講價嘅情況下，靚仔送多4隻比我哋），2000Yen買到一盒海膽，重點係新鮮！買齊海鮮就可以去BBQ區即燒嚟食，只需比300Yen（每位計）就可以有齊燒烤用具同調味料，仲有專人幫你點火！各位去白濱的朋友仔，一定一定一定要嚟食呀！ 旅遊日期：2020年1月

於2018年12月才開幕的The Gate Hotel Tokyo by Hulic 位於銀座地鐵站旁，徒步5分鐘即可到 JR 有樂町站，酒店佔盡地理優勢。 Standard Double Room 房間約24 sq. meter，可能一入房門有條長走廊關係，感覺房間略細，但仍可接受。房間設計走時尚路線，床褥亦算舒服好瞓，讚！ 我們的房間設於9樓，望到少少JR路軌，幸好隔聲尚算ok，唔算太嘈！ The Gate Hotel Tokyo by Hulic 鄰近銀座東急廣場及Tokyu Hands 等，shopping好方便。 由於酒店早餐比較貴，我們並沒有係酒店訂早餐。我們第一朝早上去佐豐州巿場食壽司，由銀座出發去豐州巿場只需約30分鐘車程，相比由新宿出發快好多。 第二朝早上我們就行路去佐築地場外市場早餐（約20分鐘路程），場外巿場似乎依家以遊客為主，食物比以前貴了少少，不過味道仍好！ 酒店附近亦有 limousine 直達成田機場，我們預先上網買定車票，非常方便！11月中旬入住，房價約為HK$2100一晚，價錢略貴。 旅遊日期：2019年11月

係日本嘆 omakase (廚師發辦）比喺香港食平一大截，但質素就比香港好得多。11月的東京遊，一連兩日食佐兩餐omakase，正到不得了！ 新宿係自由行必到的購物點，買夠後就記得食餐好先返酒店。位於NEWoMan內嘅 Sushi Tokyo Ten 係近年食omakase 嘅熱點，自數年前靚女同事介紹過後，我們差不多每次遊東京都嚟幫襯。7000 Yen 一位嘅 omakase 有約 20 款食物，有齊海膽，龍蝦及 鮑魚等高貴食材，款款新鮮好味，大推！ 嚟之前記得先係網上訂位，無訂位嘅朋友可以6pm嚟到碰碰運氣！ 另一推介，係位於豐州巿場的大和壽司！實不相瞞，飛佐n次東京，大和壽司係第一次食，因為我哋不愛排隊！🤣 聽聞搬到豐州市場的大和壽司條隊比以前短，所以今次專程一試。我們約10:30am 嚟到，排佐唔駛半個鐘就食到。約 4000 Yen 一位的omakase 有11款食物，新鮮好味，排半個鐘絕對值得！提提大家,  大和壽司只接受現金付款。 大和壽司在豐州巿場青果棟地下，而其他有名壽司店如壽司大則在水產仲卸賣場棟。兩棟相隔約10-15分鐘路程，記得先鎖定目標唔好行錯。 旅遊日期：2019年11月