Work Heart Play Heart!

Kanazawa Sainoniwa Hotel 沒有懷石料理晩餐提供， 酒店職員推介我們試大名茶家，仲幫我們訂埋蟹 Dzukushi 懷石料理。 大名茶家鄰近金沢駅，餐廳旁更提供停車場供食客免費使用，讚！ 餐廳內備有多間客室，私人空間十足，爽！ 大名茶家的懷石料理賣相精美，但份量比在溫泉酒店所吃的更多，更豐富。 吃過兩味前菜後，啲蟹就陸續有來了！ 蟹刺身味道鮮甜，不過唔係好夠喉喎！ 蟹鍋，有蟹食，又有菜食，啲湯仲好甜美，正！ 個人覺得最失敗係呢個燒蟹，唔係蟹嘅問題，係人嘅問題，因為餐廳係要客人自己燒，係唔知幾時熟嘅情況下，我們差點燒焦晒啲蟹呢！ 蟹天婦羅就普普通通，唔算好出色。 這個河葉蒸蟹係最正嘅一味，河葉飄香將蟹嘅鮮味完全提升，超得！ 其實食埋過蒸蟹後已經堅飽，但原來仲未食完。。。 呢個蟹粥啖啖蟹肉，就算飽都要食埋佢。 食完粥仲有甜品，要減肥就唔好嚟食了！ 舒適嘅環境加 豐富嘅蟹料理，每人只需12,000Yen，尚算經濟！ http://www.kanazawaryouri.com/ 旅遊日期：2017年3月

第一次遊金沢， 我們揀 了一間較新的溫泉酒店 -  Kanazawa Sainoniwa Hotel。 於 2015 年才開幕的 Kanazawa Sainoniwa Hotel 走文藝優雅路線   ，每間房間前均展示了一件藝術作品，將以手工藝聞名的金沢美學精神完美地呈現予住客眼前。 酒店房間設計時尚且舒適寬敞，開兩個喼當然無問題啦！ 酒店的浴室乾淨企理，浸浴又得，花灑浴又得，爽！ 酒店設有公眾溫泉，買完、影夠和食飽後可歎番個溫泉浴，义义電。 自助早餐選擇尚算豐富，最正係呢度嘅住客9成係日本人，人人有禮。 酒店距離金沢主要景點較遠，不過酒店提供免費接駁巴士去金沢駅，停車場亦是零收費，自駕遊自然零煩惱。由酒店駕車到金沢駅只需5分鐘車程，去東茶屋町也只是15分鐘，十分方便呢！ 3月初入住，一晩房價連早餐HK$1,600唔駛，抵玩！ 旅遊日期：2017年3月

第一次踏足金沢，努力遊走所有重要景點，除21世紀美術館外，我們成功係多處遊客區打卡，金沢絕對係日本中部的另一美地！ 若然你只係金沢留一晩，強烈建議你去近江町市場嘆金箔魚生飯（詳情請參閲上篇），遊兼六園見識日本名園，去東茶屋街食金箔雪糕同買金箔紀念品，以及係金沢駅地標拍照同商店掃手信，兩日一夜嘅行程一定精彩萬分！ 作為日本3大名園之一，兼六園絕對唔會令你失望。呢度集池塘、瞭望台、亭台、花及園藝於一身，每個位置都是景點，相機最忙！ 3月初櫻花期未到，但梅花已率先盛放，靚到不得了！ 影吓又行吓，在沒有藍天的下午我們竟然可以係度逗留了兩小時，若然遇著㸃燈時間，相信一切會更美！ 看旅遊書，東茶屋街及香林坊都是金沢熱門購物之地，有得買，當然要到。若然你時間唔夠只可2選1，個人覺得東茶屋街嘅小店更具特色，呢度可以一次過滿足晒你買、影同食嘅3個願望！ 金沢除了金箔出名外，工藝品及水引飾物亦同樣受歡迎。行一轉東茶屋街可以一次過買晒富有金沢色彩的和風雜貨。 東茶屋街唔單止有野買，仲可以不停影，因為呢度保留了江戶至明治初期的茶屋建築，靚！ 除佐買同影外，記得歎番杯人氣指數爆燈嘅金箔雪糕，超得！ 位於金沢站嘅鼓門係金沢最具代表性嘅建築地標，呢度夜晚仲會亮燈，一定要嚟打卡呀！ 去到火車站才發現手信唔夠？唔緊要，金沢站有條金沢百番街，咩都有得買，我們一於係度買埋便當上火車歎，為金沢之旅畫上完滿句號。 旅遊日期：2017年3月