如前文介紹,白濱とれとれ市場係遊白濱必到的海鮮市場,絕對係平、靚、正之選,我們兩日嘅午餐都係喺度解決,正!更多白濱とれとれ市場嘅介紹可參閲 https://workheartplayheart.blogspot.com/2020/01/blog-post.html 。 3日兩夜的白濱遊,除咗食海鮮外,我們亦食咗一餐高質素的西餐,絕對值得大推。 Restaurant Sakakura 係一間小店,餐廳在Google 的評分甚高。我們沒有預先訂位,6pm到達已經要坐吧枱位置,邊食邊睇住廚師烹調食物,感覺有趣。6,000 Yen 一位嘅晚餐,總共有7道菜,連雞泡魚都有得食。 個人最欣賞係炸蠔,外脆內軟,超正。 主菜嘅牛亦煮得非常淋身,味道相當唔錯! 另一晚,我們試了森美旅行團介紹嘅いけす円座的九繪魚御膳。有「夢幻之魚」稱號嘅九繪魚,在和歌山縣附近海域嘅產量特別多。訂位時已經要揀定餐,我們揀了九絵御膳松焼きクエ ,每位連稅價值8,800 Yen,超肉痛!個餐有10道菜,差不多每道菜也有魚,愛魚嘅朋友仔就一定係最開心。 九繪魚嘅口感較彈性,味道不錯,但就唔算物超所值,食過一次就唔駛再encore 了。 旅遊日期:2020年1月