Work Heart Play Heart!

當車駛近輕井澤時，已見紅葉滿街，比係鬼怒川所見的更紅，更美，2個半小時嘅車程絕對值得！ 11月中上旬，輕井澤紅葉處處，但識去就一定要到雲場池，紅葉在清澈湖水的映照下， 靚到不得了！影完相，係雲場池旁的餐廳歎個午餐，爽！ 嚟到輕井澤，無理由唔去 Karuizawa Prince Shopping Outlet 行吓，Outlet 比7-8年前擴大了很多，呢度竟然搵到 A Bathing APE 嘅outlet，正！不得不提的是Outlet 嘅黃昏景色超靚，邊買邊影， 我們係度逗留3個多小時也唔夠時間！ 重遊輕井澤，今次我們揀佐新裝修的 Kyukaruizawa   Kikyo , Curio Collection   by Hilton。Deluxe Twin Courtyard 嘅房間走歐陸式設計路線，房間寬敞舒適，露台望到酒店教堂和內園，紅加黃的楓葉美不勝收，追楓到此已十分滿足！ 酒店設有免費停車場，美中不足係酒店早餐選擇不多，而且食物味道亦好一般，扣了少許分數！ 旅遊日期：2019年11月

11月中上旬嚟到鬼怒川，主角當然係紅葉。雖然紅葉未係最紅時，但感恩紅葉在藍天下依然亮麗，仲可以係日本行山，呼吸下久違了的自由與無污染空氣，正！ 龍王峽距離界 鬼怒川 温泉酒店只有約10分鐘車程，亦係酒店職員推介景點，我們食飽早餐後，馬上出發。 跟住地圖指示，我們行了A、B、C區，來回路程只需約一小時，如詩如畫的景色確實令我們嘆為觀止！ 離開龍王峽，我們先經神橋再到中禪子湖，繼續追楓！在淺紅背景下的神橋，感覺十分舒服，呢度比龍王峽多遊客，好不容易才可在有利位置拍照。 中禪寺湖是日本海拔最高的湖泊，上行的『第1 紅葉坂』與下行的『第 2紅葉坂』都有唔少彎道，揸車嗰個覺得好爽，但坐嗰個就有啲驚！上中禪寺湖途中景色怡人，紅葉見傾，我們中途停低佐兩次狂影，靚呀！ 中禪寺湖有個小碼頭, 係度影吓相, 放吓空, 這才是旅行的態度! 旅遊日期：2019年11月

經營日本高級酒店的星野集團，旗下品牌酒店是旅客信心保證。11月東京遊入住兩晚界鬼怒川溫泉，未出發先興奮！ ​ 由成田機場揸車到界鬼怒川，約需3個多小時的車程，酒店設有免費停車場，自駕遊十分方便。落車後需先乘搭酒店專用的登山電梯，由此展開特別的溫泉酒店體驗。 ​ 我們所訂的房間設有私人半露天風呂，風呂設有自動恆溫及添加温泉水功能，正喎！ ​ 房間面積寬躺，有廳、有房、有露台，仲有楓葉相伴，爽呀！ ​ ​ ​ 雖然房間內的淋浴間及更衣區相比其他温泉酒店略細，但整體分數仍然高！ ​ ​ 早餐和晚餐時間必須預約，我們試過比預約時間早到，但就唔可以早食，唯有乖乖地等。 ​ ​ ​ 兩天的早餐和晚餐安排都不同，食物質素尚算高水準，但唔算驚喜。 不得不提的是酒店公眾浴場外，設有冰條任食，冷飲任喝，十分細心！ ​ ​ 11月中上旬正是紅葉旺季時間，二人一泊二食房價約港幣5千唔駛，尚算可以接受！ 提提大家星野集團網站內訂房通常較便宜，90天前預訂更設有早鳥優惠，不過名額有限，先到先得！ 旅遊日期：2019年11月