東京有築地,大阪有黑門,嚟到金沢一定要去近江町市場,呢度無築地咁人山人海,海鮮選擇亦比黑門市場優勝。部分食物更加了金箔,矜貴萬分,但價錢卻經濟實惠,正爆! 呢度唔單止海鮮掂,蔬果亦平、靚、正。 鮮甜到無朋友嘅海膽只需1,000 Yen,新鮮指數爆燈。 呢間舖頭勁受日本人歡迎,廚師忙過不停。 呢個有金箔嘅海鮮丼,海鮮多到滿瀉,但價錢只需3千多Yen,就算幾飽都一定要食! 呢個份量少啲嘅市場丼2,000 Yen唔駛,同樣新鮮味美,得! 每個丼都附上魚湯一碗,係食到勁飽嘅情況下本來諗住放棄個湯,但喝一口後就無法停下來,魚湯甜到不得了,飲完還想再encore! 近江町市場附近有唔少泊車位,自駕遊零煩惱! 旅遊日期:2017年3月