Work Heart Play Heart!

東京有築地，大阪有黑門，嚟到金沢一定要去近江町市場，呢度無築地咁人山人海，海鮮選擇亦比黑門市場優勝。部分食物更加了金箔，矜貴萬分，但價錢卻經濟實惠，正爆！ 呢度唔單止海鮮掂，蔬果亦平、靚、正。 鮮甜到無朋友嘅海膽只需1,000 Yen，新鮮指數爆燈。 呢間舖頭勁受日本人歡迎，廚師忙過不停。 呢個有金箔嘅海鮮丼，海鮮多到滿瀉，但價錢只需3千多Yen，就算幾飽都一定要食！ 呢個份量少啲嘅市場丼2,000 Yen唔駛，同樣新鮮味美，得！ 每個丼都附上魚湯一碗，係食到勁飽嘅情況下本來諗住放棄個湯，但喝一口後就無法停下來，魚湯甜到不得了，飲完還想再encore！ 近江町市場附近有唔少泊車位，自駕遊零煩惱！ 旅遊日期：2017年3月

於 2016 年9月開幕的 Mitsui Garden Hotel Nagoya Premier ，距離名古屋駅只有 5-8 分鐘路程，最爽係全程可以行地下街，就算 3 月初的名古屋有多大風仍然無有怕！ 酒店設計時尚優雅，啲相係 Facebook 上載後已成功呃得唔少 Like 。我最愛其浴室設計，難得寛敞，洗手盆附近又有足夠空間放自用品，得！ 首次比我發現 UCC 咖啡機，可惜無時間試飲。 房間相比傳統日系酒店客房大，放兩個大喼必定無問題。 可惜我們係呢間外表攞足滿分嘅酒店瞓得唔多好，雙人床的床 褥 較軟，唔太舒服。另外，酒店隔聲亦一般，樓上位住客可能太開心，晚睡早起，一瞓著就被樓上嘅響聲嘈醒。 早餐位於 18 樓並附送靚靚名古屋景色，可惜選擇唔算多，若然早餐價錢唔算平的話，可考慮係其他地方食。 我們係度住了一晚連早餐價要 HK$2200 ，不知是否星期六入住關係所以價錢如此高，個人覺得唔太底！ http://www.gardenhotels.co.jp/eng/nagoya-premier/ 旅遊日期： 2017 年 3 月