每次去日本都愛吃任食涮涮鍋，吃到飽的幸福實在暢快無比。此行本打算請日本同事幫忙訂坐，以解排隊等食之苦，可惜餐廳爆滿，有型日本同事隨即推介京都 CHIRIRI。網上所見CHIRIRI 最出名係 豬肉涮涮鍋，唉！ 日本人又怎會明白香港人打邊爐有幾愛食牛呢！在盛情難卻的情況下，我答應了型男同事推介，訂佐位試 CHIRIRI 。 餐廳內全部日本人，侍應只懂簡單英語，慶幸他們備有英文餐牌，我們才可按自己喜好㸃菜。 雖然眼見附近人人食豬食得超開心，但無牛不歡嘅香港人，我們揀了一個有豬有牛嘅餐。每位5,500Yen 嘅涮涮鍋餐包了前菜、一碟豬、一客牛、一份菜及蕎麥麵。 有禮侍應奉上豬時，同時遞上暖湯、柚子胡椒及大蔥。請別急著把湯送入口，暖湯加入大蔥及小許柚子胡椒後用來點豬肉，味道好得無比，正！我們兩個人好快就 KO 佐兩碟豬肉，果然名不虛傳！ 牛肉方面，CHIRIRI 選用近江牛，牛肉份量唔算多，但每件牛肉好似塊面咁大，勁有囗感。 雖然牛肉味道不錯，但強烈建議嚟 CHIRIRI 食豬，他們特製的汁料把豬的味道提昇不少，令人回味無窮！ 最後，侍應會替客人煑埋蕎麥麵，超級滿足。如此高質素的涮涮鍋比任食涮涮鍋食得更開心！ CHIRIRI 總店設於京都，鄰近丸太町駅，集團係東京及滋賀均設有分店，值得一試！ http://www.chiriri.co.jp/ 旅遊日期：2017年1月