Work Heart Play Heart!

出發前還以為德國無咩好買，㸃知最後係要買多個Rimowa hand-carry喼先夠放戰利品，最終係半個喼去，3個喼返（1個28寸、1個26寸及1個21寸），仲未計手拿的3大袋手信，確實唔簡單！唔好諗住可以係德國買Hermes，法蘭克福嘅Hermes店，款式少到不得了，相比巴黎店，完全唔掂！唔知係咪我好彩，Chanel 法蘭克福店竟然係我們旅遊期間裝修！LV貨品算是最齊全，不論柏林、慕尼黑或法蘭克福都總有一間大LV係附近，LV迷絕對唔需要擔心！除佐呢D女士至愛外，究竟德國仲有咩好買呢？Birkenstock、Lloyds同Hugo Boss 呢3個德國牌子比香港平一大截，若係outlet買，價錢接近半價，我們買到儍佐！計埋退稅，呢個classic 款Rimowa 比香港平近HK$3,000。而呢款就平佐接近HK$1,300，無計依家歐元只係對8.4，淨係計滙率都夠抵！女士們買唔到Hermes 袋唔駛太失望，呢度買Swarovski 同 Pandora一樣比香港平！我係outlet 買Pandora，價錢係50%-70% off，137歐羅就有交易，仲可以退稅，正！係德國，買夠25歐羅已可退稅，基本上係Zara買件衫已可以，德國政府算是對遊客十分慷慨！可能太容易符合退稅要求，樣樣野都變相多個額外折扣，我們買得勁開心，而大部分店員亦唔會check我們passport，只係再印多張退稅單比我們自行填寫有關資料，非常方便！不過係機場攪退稅手續，就相比係意大利、巴黎同英國煩，首先要攞D行李去航空公司櫃台check in，若果行李內有退稅品，要等空姐係件行李整好條登機標籤後，再攞番D行李同單據去custom，海關會係單據上蓋印，跟住再去退稅櫃台，你可以選擇取回現金又或者退落信用卡，但取現金就要每張單收3歐羅手續費，嘩！咁當然揀信用卡啦！攪完晒退稅手續，就可以攞D寄倉行李去旁邊counter，他們會安排D行李登機，整個過程連排隊，我們差不多用了一小時呢！德國退稅額為8%至接近12%，視乎商舖而定，LV及Rimowa退稅額較高，而Zara則較低！提提你瑞士已不是歐聯國家，係瑞士買嘅野唔可以係歐元區退稅架！旅遊日期：2015年4月唔得閒去歐洲掃平貨？唔緊要，依家香港有很多代購服務，實行為各位以更低價錢買心愛產品，（容許少少廣告時間）誠意推介呢間由好朋友主理的歐...

遊走西班牙兩大outlet

出發前我唔知西班牙多唔多野買，不過去歐洲無理由唔去outlet，為免有咩損失，我們一於去晒位於馬德里及巴塞隆拿附近的兩大outlet。 Las Rozas Village Outlet 於馬德里周邊，我們預先於網上訂佐shopping express 去outlet ，由東方廣場出發車程約30分鐘。坐shopping express 的好處係佢地會比discount coupon，可以係outlet 即時用番。東方廣場嘅侯車站在地底，並不顯眼，我們最終要問人才可以搵到。 Las Rozas Village Outlet 的店舖數目比巴塞隆拿 outlet 少，牌子包括 Loewe, Pandora, Ted Baker, Prada, Armani, Hugo Boss, Burberry, Camper, TOUS及Real Madrid Offical Store等，不過店內唔算多野買，款式選擇唔多，我們一行4人都唔算買得多，有點失望！另一 outlet 係La Roca Village Outlet，位於巴塞隆拿周邊，從感恩大道（鄰近Zara / H&M ）乘shopping express 約需45分鐘車程。相比馬德里outlet，呢度人氣較旺盛，店舖數目較多，牌子包括Armani, Burberry, Boss, Bally, Camper, Gucci, Jimmy Choo, Longchamp, Loewe, Nike, TOUS, Tod’s及Ted Baker等。就算同一牌子，呢度比馬德里outlet 嘅選擇更多，折扣更大，得喎！我們4人係度入佐唔少貨，正！呢度仲可以即場退稅取錢，不過唔可以取歐羅，要取歐羅以外的貨幣，即係要蝕少少匯率。如果大家時間不夠只可以去一個outlet 嘅話，La Roca Village Outlet 絕對係最佳選擇！旅遊日期：2018年5月

冬天的白濱絕對不可錯過

每次一月遊大阪都只係shopping、shopping 同shopping。除咗因為一月係減價月外，亦怕周邊落雪，揸車唔方便。今次破天荒先去和歌山縣嘅白濱浸溫泉，义足電後才去shopping! 飛佐n次大阪，今次先第一次遊和歌山，絕對大鄉里！由關西機場揸車去白濱約個半鐘車程，非常方便，快閃埋Rinku Premium Outlet 先開車出發都仲得，正！白濱相比和歌山市較清靜，有唔少不可錯過的景點。千疊敷是由砂岩所形成的岩盤，砂岩質地非常軟，被海浪長年累月的侵蝕後，形成今日的景觀。我們一早嚟到，雖然風大，但我們都影到夠才肯走，靚。鄰近白濱水族館的円月島是白濱的象徵之一，島中央有個圓形的海蝕洞，非常特別。泊低架車係一邊，就可以影到夠，得！水清沙幼的白良濱係另一熱點，由於海水溫度較高，白良濱係本州最早可以行下水禮的沙灘。無論你是否愛吃海鮮都絕對不可錯過南紀白濱とれとれ市場（Toretore海鮮市場），裡面除可以買到和歌山手信及特產外，仲可以食到平、靚、正嘅海鮮。可能呢到嘅遊客比和歌山市少，とれとれ市場嘅海鮮相比黑潮市場平。我們用1000Yen買到10隻帶子（原本係1000Yen6隻，係0講價嘅情況下，靚仔送多4隻比我哋），2000Yen買到一盒海膽，重點係新鮮！買齊海鮮就可以去BBQ區即燒嚟食，只需比300Yen（每位計）就可以有齊燒烤用具同調味料，仲有專人幫你點火！各位去白濱的朋友仔，一定一定一定要嚟食呀！旅遊日期：2020年1月

Work Heart Play Heart

瀏覽個人檔案

舉報濫用

由 Blogger 提供