Work Heart Play Heart!

Hello Kitty fans必定會開心若狂，但非Hello Kitty擁躉可能會被嚇壞，無錯漢和大飯店的Hello Kitty房間對唔同人會有不同感受！唔理你係屬於邊一類，同事沙梨和親友因免費被upgrade就開心到飛起！ 以粉紅色為主的Hello Kitty房間絕不欺場，房間每一角落都有不同的Kitty風情！ 你估瞓係呢張粉紅色Hello Kitty大床上，會唔會睡得特別甜呢？ 連音響、茶杯、窗簾、梳化和餐枱都係Hello Kitty，你頂唔頂得順呢？ 唔講唔知，原來Hello Kitty有咁多日用品，真係無辦法唔佩服日本仔嘅生意頭腦！ 酒店房間還可飽覽真愛碼頭一帶的美景，正！ 根據沙梨同事的現場體驗，漢和大飯店的Hello Kitty房間不但精美，且服務超班，早餐選擇亦多，總之就有讚無彈啦！ 話説回來，為何沙梨無端端可獲upgrade呢？她不是生日，也不是甚麼紀念日，只是因為他們一行多人去高雄參加親友的婚禮，酒店為了方便他們可以入住同一層樓，所以免費upgrade了他們部分人的房間（包括Hello Kitty套房及其他較貴房間），如此體貼的服務真是值得一讚啊！ 旅遊日期：2014年1月

電車是墨爾本市其中一項主要交通工具，今次我們一行4人遊住電車河食晚飯，實行一邊感受當地文化一邊開餐。電車上的食物不但美味，善於交際的俊男美女侍應團亦十分識製造氣氛，連唔太識講英文的老爸都比他們攪到笑逐顏開，過佐一個 既愉快又難忘的晚上！ 晚餐於5:45pm開始，3道菜包括頭盤，主菜和甜品。安排好各乘客入座後，侍應們便會奉上餐牌，乘客可於兩款主菜中揀其中一款，隨即電車便會開動，party正式開始！ 呢兩款餅乾和醬看似普通，但味道卻一流，我們食到唔停得囗！ 香檳、白酒，紅酒和cocktail無限供應，靚女姐姐見我咁飲得整佐杯Bailey比我以示獎勵，真係有㸃受寵若驚呢！ 澳洲牛肉向來係信心保證！牛扒肉質鮮嫩，配埋個汁味道相當唔錯，正！ 我向來不太愛甜吃，但都可以KO晒一碟甜品，可想而知呢碟野有幾好味了！ 食到尾聲，醒目廚師帶著侍應團逐一向客人致謝，並向每位客人奉上朱古力同postcard作紀念。飲到半醉的我很滿足地帶著紀念品返酒店大覺瞓！ 如此美味的晚餐盛惠每位77澳元，個人覺得十分超值！下次如果再去墨爾本，必定會encore! 出發前記得先係其網站訂位呀！ www.tramrestaurant.com.au 旅遊日期：2013年12月

香港人機不離身，習慣打卡嘅低頭族外遊最緊要有wifi！嫌換 sim 卡麻煩，我通常都係返到酒店先上網，所以每次返到酒店房嘅第一件事就係upload相同報告行蹤。試過係巴黎因酒店大堂先有wifi，我地一行4人每次出發前和返酒店後，都係坐係大堂梳化起碼大半個小時先捨得離開，現場所見，D外國人通常都報以奇怪眼神望著我們！喂！除佐facebook同Instagram外，仲要覆whatsapp、微信、Line同email，都唔知點解要咁忙！ 直至墨爾本之旅，堂堂一間5星級酒店Crown Towers竟然無wifi，唯有上網睇下係澳洲㸃租電話卡，錯有錯著原來依家出發前可係香港先租wifi蛋，去到開著隻蛋，手機入返密碼就可以用，幾部手機同ipad一齊上都無問題，超方便！ 價錢方面則視乎地方略有不同，澳洲一日租金HK$80，每日用量最高250MB數據；部分東南亞地方如日本和新加坡等更可享無限上網，租金較歐洲和澳洲平少少，只需HK$70（日本）和HK$60（新加坡）一日。 在墨爾本大部分地方都可以接收到wifi，連近郊嘅Philip Island同Yarra Valley都無問題，只係去到較偏遠嘅Great Ocean Road就收唔到啦！不過VisonData嘅姐姐仔都算老實，攞機時有提醒我們偏遠地方收唔到！ 除佐wifi蛋外，我亦有 每日加多HK$10 租埋流動電源。實際上我係無用過呢個「尿袋」，因為個wifi蛋义滿電後可以用到成6個鐘，而我地係有用時先開著隻蛋，所以下次真係可以慳返呢HK$10。 咁㸃租呢？可以先係VisonData個網預訂，跟著係ATM或透過網上銀行轉數，將收據電郵返去VisonData後，佢地會用電郵確實何時取機。一般是起租前一天取機，完租後一天還機，他們亦可安排courier運送，正！ www.visondata.com

雖然我愛飲酒，但並不懂品酒，對酒莊嘅認識亦十分膚淺！既然墨爾本行程並不緊湊，就來個酒莊行吧！酒後不駕駛是我們一向謹守嘅宗旨，所以我們參加了local tour。 Cafe Bus Winery Tour 在tripadvisor 被受推崇，雖然比其他local tour略貴少許（澳幣119一個人），但口碑就係信心嘅標誌，一於向著Yarra Valley 進法！Go Go Go！ Yarra Valley酒莊之旅行程豐富，一共參觀了4個酒莊，1個朱古力廠和1個出品Cider嘅地方！總之成日就不停飲，除佐我亞爸亞媽外，個個團友都好飲得。團中有位嚟自紐西蘭嘅婆婆問我，我們係香港是否較少喝酒（因她見 我亞爸亞媽飲好少），婆婆話佢地係紐西蘭成日飲wor。唉！簡直係傷囗上灑鹽，佢地兩個唔飲得我大蝕loh!  大清早未飲得落酒，所以第一個景點係位於Yarra Valley內的朱古力廠。我向來唔鍾意食朱古力，但竟然覺得呢度D朱古力好好味，唔通身處異國心情特別好，連口味都變埋？ 每個酒莊都會有唔同嘅酒比我地試，一般由香檳開始，跟著到白酒，最後先試紅酒。第一間係Yarra Valley最大嘅酒莊Coombe Farm，果然大並唔等於好，個人覺得呢度D酒好一般呢！ 第二個係專用自家種的士多啤梨來釀酒的，我向來怕士多啤梨飲料，總係覺得藥水味濃郁！不過呢度D士多啤梨同其他農作物就非常新鮮，新鮮士多啤梨味道總比其副產品吸引！ 第三間是引入法國釀酒方法的酒莊Dominique Portet，呢間D酒嘅味道比頭兩間優勝，不過我地仍然忍手，無幫襯！ 午飯後，我地去佐一間專賣cider 同pizza嘅地方，呢度好多人飲cider ，同場亦設有cider 工場。D cider好好味呀！ 最後一間係小酒莊Seville Hill，話事人好有heart，不但解釋清楚詳盡，仲準備了很多小吃比我們送酒！個人覺得呢度D酒係最正的！唔好以為佢地無人幫襯先咁殷勤，呢度係不停有人嚟買酒同車厘子的！話事人還比我地去他們的車厘子園影相，正！優質服務加產品優勝向來係至勝關建。最後我係度買佐一支白酒，可惜佢地暫時未有出口到香港，

Queen Victoria Market（維多利亞市場）由1857年起開始營運，是南半球最大規模的露天市場。呢度咩都有得賣，有乾貨、水果、海鮮和肉類等。除佐遊客外，亦有好多澳洲人在此買餸，皆因呢度D嘢價錢較經濟！ 乾貨區感覺似香港嘅工展會，種類繁多。嘩！竟然連A貨波衫都有得賣！ 另外，係度買紀念品或手信係最適合的，因為價錢平過晒墨爾本唐人街所有賣手信的商店！貨品全部明碼實價，無價講，可以慳返D口水！ 這些3D立體的球會球場卡，手工精細，又方便攜帶，我地入佐唔少貨返香港呢！ 市場露天部分亦設有唔少特色小吃，正！ 呢度賣蔬果、凍肉和海鮮嘅地方都十分整潔，地下一D都唔濕，香港真的要參考一下了！ 一走入凍肉區，全是小販們的叫賣聲，像是去了年宵攤位般，原來每檔都有不同的特價凍肉出售！唔怪得咁多澳洲人都嚟買餸啦！ 請留意Queen Victoria Market 逢星期一和三休息！ www.qvm.com.au/ 旅遊日期：2013年12月