雖然7月嘅北海道已經達30度，但有靚溫泉無理由唔浸，就係咁我們揀佐支笏湖嘅 Lake Shikotsu Tsuruga Resort Spa Mizu no UTA。
Lake Shikotsu Tsuruga Resort Spa Mizu no UTA 係Tripadvisor 22間位於千歲嘅酒店中排第一位，酒店距離Rera Chitose Outlet Mall 及推介嘅三井札幌北廣島Outlet 分別只有約30分鐘及60分鐘車程，簡直係行Outlet前後嘅最佳酒店選擇。
我們揀佐附設私人風呂嘅日式及西式房間，以日式設計為主嘅房間非常寬敞，十分舒服整潔。
一入門口嘅地方設有雙面盤嘅梳洗地方，洗手間亦設於此。
再入另一度門便是床，床嘅另一邊設有開放式廚房。雖然應該唔會有好多人係度用廚房，但開放式廚房咁近床個人覺得怪怪地。
房間另一優勝嘅地方係廳嘅部分好大，仲有張按摩椅及梳化，堅爽！
露天風呂旁設有淋浴間及梳洗地方，如此優雅嘅設計，我們一於夜又浸，日又浸，真係煩惱全消！
酒店設有Pillow Gallery，住客可以係度揀個適合自己嘅枕頭，如此細心嘅安排，讚！
呢度7月上旬一晚房價連雙人懷石料理晚餐及自助早餐盛惠港幣5千4百多元，堅貴，下次7月嚟北海道真係要提早訂酒店。懷石料理晚餐及自助早餐質素如何？下星期再續。
旅遊日期：2017年7月
留言
發佈留言