Work Heart Play Heart!

BB同事向來愛心無限，早前專程坐12小時飛機到倫敦為她兩隻心愛狗狗打氣。 與狗狗拍拖的最佳安排當然係親親大自然，BB同事一行3大1細再帶埋狗狗去佐七姐妹巖（Seven Sisters Country Park)玩！ 七姐妹巖由七座白色懸崖組成，公園 位於倫敦南部的沿海地方，鄰近Brighton。公園面積相當大， 懸崖下是沙灘，藍天碧海在七座白色懸崖的影照下顯得格外醉人。 難得自然美景，BB同事與家人和狗狗在此玩了大半天。香港人嚟到呢到真係要大啖大啖吸多兩吓新鮮空氣呢！ 由公園入口行去海灘約需半小時，沿途不設任何小賣亭，嚟玩就要自行準備定食物來野餐了！ 大自然美景不但醉人，連狗狗也變得興奮！狗狗在巴士上竟然自行跳佐上坐位，像人一般坐佐係度，狗狗你好嘢！ 旅遊日期：2014年7月

每次日本遊重點是買同食，既然九州無咩好買，我們唯有放D時間參觀江戶時代建築。 小倉城位於九州北部，由博多站坐 JR特急去 小倉站只需約40分鐘車程，絕對是即日來回的好選擇。 由JR小倉站徒步行去小倉城約需20分鐘，沿途指示清楚，在涼風送爽的10月行得格外舒服！ 以白色為主的小倉城在藍天和綠樹的影襯下，顯得格外莊嚴。 我們本打算買票入小倉城參觀，但怎料小倉城當日不開放，只開放小倉城庭園。旅遊書介紹在小倉城庭園內可看到小倉城最美的一面，我們便買票參觀庭園。 入場後，我們有被騙的感覺，原因是小倉城庭園細得很，5分鐘唔駛已行完一週，園內沒有花，只得草和樹！ 園內有座日式書院，但都係嗰句無咩特別！老實講，旅遊書話從書院內可以影到 小倉城最靚嘅一面。以下 呢兩張相是否小倉城最靚嘅一面確實見仁見智，不過要300Yen一人入場先影到就好唔抵！ 遊完庭園後可沿八坂神社行去River Walk商場，沿途比我們發現小倉城另一面的美，不同的是呢一面係免費！ River Walk雖不是大型商場，但內有Kittyland、Gap、ABC Mart和小店，我們在內成功買到衫和鞋，算是係九州收穫最豐富的一天了！ 旅遊日期：2014年10月

第一次到博多，當然要揀間既方便又舒適嘅酒店住吓。係tripadvisor揀了又揀，最終我訂佐Hotel Nikko Fukuoka。呢間酒店可以一次過滿足我3個願望，第一近JR站、第二房間夠大，第三裝修尚算時尚。 我們訂的是superior double room，即一張king size大床。請留意訂日本酒店房間時，必須清楚揀明twin room（即兩張單人床）還是double room（即一張大床），若果你訂佐twin room並要求要一張大床，他們一般都唔會安排到。日本人好守規矩的，揀佐就係揀佐，而且twin room和double room的價錢可能有所不同。 Hotel Nikko Fukuoka房間寛敞，大床旁設有梳化，而我最喜愛的是房間內設有空氣淨化機。雖然我們入住的是非吸煙房間，但一踏進房間內卻有濃濃的煙味，開住部空氣淨化機感覺才好了一㸃，可能是心理作用吧！ 浴室是standard 日本設計，乾淨整潔，浴室用品齊備，連浴鹽也有提供，讚！ 呢度早餐收費昂貴，每人每日要加多二百多元，咁嘅情況當然唔加啦！ 酒店距離JR博多站只有5分鐘路程，非常方便。推介！ www. hotelnikko - fukuoka .com/en/ 旅遊日期：2014年10月

九州景點眾多，但卻不如東京或大阪般集中，今次5日4夜行程，當然未能完全玩盡九州，但我們已經試盡不少交通工具，包括JR、地鐵、巴士、的士同自駕！ 九州比東京、大阪優勝的地方係由福岡機場去市中心只需15-25分鐘車程！我們由國際航廈乘免費穿梭巴士到國內線航廈，再轉地鐵到博多站只需約25分鐘。若果你選擇在國際航廈直接坐巴士去博多站則只需15分鐘，不過車費會貴少少，除佐快D外，亦可搬少D行李。 雖然我們有自駕，但香港人始終不習慣揸長途車，為免太辛苦，車程多於一小時的我們還是選擇坐JR，起碼坐火車可以瞓一覺，養足精神再玩過！加上，火車選擇多，我們買佐張JR Pass，新幹線（博多至小倉的新幹缐不適用）或特急都可以任坐，既方便又抵玩！出發前係香港東灜遊買定票更可以有95折優惠，攞住張車票係JR站換返張Pass就攪掂，慳得就慳啦！ 唔似歐洲嘅火車，日本嘅特急火車不設行李位，慶幸我們坐車時間並不算繁忙，我們可以一個人霸兩個位，否則都幾麻煩。 我們選擇了自駕遊大分縣，這是我們第一次在日本揸車，日本人確實十分禮讓和守秩序，雖然有些山路較迂迴曲折，但只要小心一點，尚算十分安全。 為免雞同鴨講，我們出發前已經係 東瀛遊租佐車，不論買JR Pass還是租車，都可以係東瀛遊網站攪掂，非常方便，完全唔駛去分行排隊！網上租車時，要求埋英文GPS就萬無一失。GPS簡單易用，只要輸入目的地電話號碼就可以出發，爽！ 福岡天神站附近商店和百貨公司眾多，連大受香港人歡迎的天神地下街及一蘭拉麵亦位於此附近，由博多JR站去天神站無JR只有地鐵，用唔到張JR Pass。由於我們唔想上上落落，就走去搵巴士，皇天不負有心人，竟然比我地搵到一條由JR博多站開出的循環線巴士，唔單止班次多，價錢仲只係100Yen，肯定抵過坐地鐵啦！ 九州雖然不及東京和大阪般多姿多采，但我卻十分喜歡九州的寧靜、溫泉及食物。人未返到香港，已叫travel agent幫我hold定下次九州遊的機票呢！ 旅遊日期：2014年10月

在香港，小店已買少見少，十分懷念小時候在士多買野食的日子。愛的不是零食種類的多寡，而是小店的人情味！ 位於大分縣湯布院的湯の坪街道，小店林立，我們專程由別府揸了半小時車嚟湯布院支持小店！ 湯の坪街道長約一公里，小店眾多，包括雜貨、菓子和咖啡店等，包你見到唔少特別的小禮物！ B-speak位於街道的盡頭，呢度的卷蛋極具人氣，我們於平日下午約一時多到達，小蛋卷已賣清光，想試就要趁早了！ 遊 湯の坪街道時適逢下著細雨，和式雨傘大受歡迎，呢幾款雨傘當遇著雨水時一朶朶櫻花便會浮現出來，如此特別的雨傘只售1,200Yen，抵！ 湯の坪街道不算寬敞，街道兩旁均設有不同的小店，每間小店的裝修和佈局都各具特色，我們逛得很開心呢！ Wow! 連龍貓也坐陣湯の坪街道呢！ 請留意呢度大部分店舖5:00pm便關門大吉，要行就要早啲嚟呢！ www.yufuin.org 旅遊日期：2014年10月

Umine Hotel 除佐房間正外，食物水準亦唔會令你失望，早鳥優惠 38,000 Yen 嘅一泊二食絕對值回票價！ 我們實行二泊四食，酒店係入住前兩星期已寄來電郵確實第一晩用餐時間，貫徹日本人良好的服務質素！最後由於香港機場太繁忙，飛機延誤佐成個鐘，我唯有係JR火車上電郵酒店延遲用餐時間至晚上8時，他們亦立即回覆無問題。讚！ Tripadvisor人人讚鐵板燒，我們第一晩就先嚟個鐵板料理！能操英語的日藉廚師，以英文向我們介紹餐單。靚仔，我好肚餓啦，快上！ 呢餐最出色係黑毛和牛，牛肉入囗即溶，配以脆卜卜嘅蒜片，美味！ 早餐是在房間內進食，我們先揀了日式早餐。邊欣賞海景邊嘆早餐，心情確實特別靚，連平時唔太鍾意食飯嘅我，竟然可以係晨早8時多清晒成碗白飯，勁！ 第二個晚上，我們揀了懷石料理，懷石料理比鐵板料理的食物賣相更吸引，款式亦較多，可能我愛吃刺身，懷石料理似乎更合我胃口呢！ 懷石料理也有黑毛和牛供應，雖然煮法不同，但同樣入口即溶！ 第三天嘅早餐，我們揀了西式，雖然賣相仍精美，但似乎日式早餐較好吃。值得一讚係籃麵包，個個䁔笠笠的。 下次嚟別府，必定會encore Umine Hotel! 有關Umine Hotel的房間介紹，請參閱： http://workheartplayheart.blogspot.com/2014/10/blog-post.html www.umine.jp 旅遊日期：2014年10月