好多人話加佐酒嘅芝士火鍋唔好食，上回去蘇黎世特別要求走酒，今次再遊瑞士，一於試一試傳統味道，竟然另我們深深愛上，飲酒的朋友加了酒的芝士火鍋你一定愛啊！ 初到琉森，酒店推介Pfistern 的芝士火鍋，我們即試。Pfistern 的芝士火鍋可以揀有酒同無酒，我們一行4人點了一個有酒和一個無酒的芝士火鍋，即場嚟個比試。無酒芝士火鍋芝士味濃郁，配上麵包或薯仔都得。跟住靚女侍應再送來有酒的芝士火鍋，我們一試後，勁like ，4人衝住有酒的火鍋食過不停。靚女侍應隨即走過來跟進，並大讚我們有 taste ! 相比Pfistern，Stadtkeller 比較多遊客，不過無論服務或食物味道都較Pfistern 遜色。我們4個人叫了兩個portion 的芝士火鍋，侍應起初只送來一鍋，我們好快掃清光，再問之下，才知可以再加多一鍋，慶幸唔怕羞問一問，否則蝕佐！我們係度亦有叫其他食物，除了甜品有驚喜外，其他食物的味道就好一般。 去到策馬特，我們搞搞新意思，嘗試不同口味的芝士火鍋。 在海拔3千多公尺Gornergrat 的vis-a-vis 餐廳食午餐，我們揀佐望住馬特洪峰的露天坐位，一邊欣賞壯麗的雪山景色，一邊嘆芝士火鍋。加了火腿的芝士火鍋，味道除帶點火腿香外，還多了點鹹味，芝士味相比傳統的芝士火鍋無咁濃，火腿加芝士的味道勁夾，呢個芝士火鍋超得。起初以為山頂上餐廳的食物會好貴，點知價錢合理，難怪下午兩點幾都座無虛席，一位難求。 Old Zermatt 係策馬特有名的芝士火鍋餐廳，今次我們點了黑松露芝士火鍋，還加了碟風乾火腿用嚟點芝士食。配了黑松露的芝士火鍋比火腿更香，一樣好味！但個人還是喜歡用麵包或薯仔加芝士吃的味道，用火腿點芝士吃感覺實在太邪惡吧！午餐時間，兩個人叫一個portion 嘅芝士火鍋，再加少少野已經好飽了！ 除了芝士火鍋外，其他瑞士食物大多偏鹹，唔太啱胃囗，慶幸我們自備了少許杯麵，係酒店hea 住食，感覺也不錯呢！ https://www.restaurant-pfistern.ch/tisch-reservieren/ https://www.stadtkeller.ch/de/ad