十月中部遊,我們係高山住了兩晩,除遊走白川鄉外,我們十分嚮往漫步於高山三町路老街及宮川朝市,享受閒息的樂趣!
呢度更可以食到平、靚、正嘅飛驒牛壽司,你睇吓條人龍就知道係好野吧!
三町路老街係高山主要的觀光景點,街道兩旁的古老民宅建於明治 大正時代,漫步其中像回到江戶時代的日本般,感覺很特別!
現在這些古老民宅已改建成個性小商店,售賣工藝品、精品、雜貨、菓子及零食等,價錢十分相宜!
黃昏6時多,店舖已開始收工,未行夠?明天請早吧,因為呢度大部分商店於早上9時多已開始營業了!
嚟到高山千萬唔好瞓到黃朝百晏,一定要去行一行朝市,感受一㸃地道風味!酒店好心姐姐話宮川朝市係比遊客行,她推介我去埋距離酒店只有2-3分鐘路程嘅陣屋朝市,佢話當地人主要係行呢個,好吧!我們一於行晒兩個!
陣屋朝市以露天攤檔為主,主要係賣水果及蔬菜為主,原來高山除了飛彈牛出名外,呢度嘅萍果亦非常清甜好味。
在宮川朝市,差不多80%人係遊客,分別有露天攤檔及商舖,賣嘅野眾多,完全以遊客為target market!
雖然高山市沒有商場又沒有高速公路,但呢度卻滿有人情味及懷舊風采,令人感到十分舒服,生活其實可以很簡單!
旅遊日期:2015年10月
#高山 #日本 #Takayama #Japan
留言
發佈留言