高山嘅溫泉酒店多的是,係TripAdvisor 揀了又揀,最終揀佐Honjin Hiranoya Kachoan (本陣平野屋 花兆庵)嘅 Junior Suite,除貪其有床瞓,房間大(有廳有房)且裝修時尚外,更設有私人風呂,以及就近古街。係度住一晚連早、晩餐索價接近HK$5,000元,真係有啲肉痛!不過人生第一次遊高山,且適逢結婚週年紀念,算係有齊理由住豪啲吧,我們係度住足兩晩,順便來個白川鄉一日遊,Yeah!
由高山駅徒步到酒店約需10-15分鐘,而由酒店步行往古街則只需3分鐘,算是十分方便。另外酒店備有私家車,接載住客到JR 駅,十分細心。
從步入大堂一刻開始便需換上酒店提供的拖鞋,酒店職員會友善地安排我們check in ,並送我們到所入住的房間。他們更會送來甜點及熱騰騰的綠茶,很窩心呢!
房間乾淨整潔,十分舒服,但原來房間內並没有私人溫泉,令人有點失望!我立刻跟酒店職員查問,他們稱booking.com 所指的private bath並不等同於private onsen(私人溫泉),職員聲稱他們酒店並沒有房間附有private onsen。Ohhhhhh... 我不明白的是今時今日差不多每間酒店嘅房間均設有浴室,根本無需特別標明private bath,sigh... 雖然沒有私人風呂,但我們房間的浴缸設有按摩功能,而酒店係晚飯時亦為我們送來溫泉粉,按摩溫泉浴確實不錯呢!讚!
酒店的溫泉浴場設於地下,我們於下午3時多入去時完全無人,正!溫泉浴場備有毛布、locker,及淋浴用品等,設備齊全。呢度嘅溫泉水沒有硫黃味,感覺好舒服,下午浸溫泉,睡前再來個按摩溫泉浴,爽皮!
溫泉酒店提供Yukata (日本浴衣)是常識吧!提提你,穿Yukata 是左搭右才正確的,否則就大吉利事了!
值得一提的是酒店為我們的結婚週年送來唔少驚喜,除花及筷子禮盒外,他們係我們晚餐的時候為我們拍了張合照,並用相架鑲起後再送給我們,很窩心呢!
我們係到住了兩晚,兩晩都瞓得非常好,不知是浸完又浸嘅關係,還是張床榻很正,總之我倆就完全熟睡!讚!
我們係度一共吃了4餐,食物質素相當高,下篇再續!
www.honjinhiranoya.com
旅遊日期:2015年10月
#高山 #Japan
留言
發佈留言