Crown Towers位於墨爾本Southbank,連接著Crown Entertainment Complex,係一間5星級酒店!
酒店於1997年落成,大堂唔算新但尚算夠氣派。令人驚喜嘅係標準房間非常寬敞,相信這係我人生住過嘅最大酒店房間。King size大床、貴妃椅、書枱、雙洗手盆、衣帽間,浴室設有企缸和浴缸,一個字「正」!
酒店更設有室內䁔水泳池、健身室和網球埸!Crown Towers硬件得分甚高,惟服務就不敢恭維了!
1)出發前我發了電郵查詢酒店有無免費wifi,酒店回覆係無論房間或是大堂都沒有提供免費wifi,並強調wifi服務必須付費!咁我唯有租wifi蛋啦!怎料到達時才發現大堂是有提供免費wifi的!唔係化,咁都答錯?
2)我們約於早上9時到達酒店,當然無機會提早check in啦,靚女職員話一有房間ok就打電話比我地,等了又等,結果係我地一直無收過電話,12點去reception問先攞到一間房,另一間房最終要去到兩點後先有,仲要兩間房不是安排在同一層!唉!差!
3)明明一間房兩個人住,他們只放了一set牙刷牙膏,點呀?牙刷唔可以共用㗎!打去問room services攞,攞佐半個鐘先攞到,唔通要去買?
4)早上10:30按佐清潔房間制,下午3時多返到酒店都未攪掂,要等到4點鐘先拾好,駛唔駛咁慢呀!
藉得一提嘅係呢度早餐相當豐富,選擇夠多,餐廳裝修亦十分優雅,在此吃早餐,簡直另人心曠神怡!
Crown Towers嘅硬件真係相當唔錯,但比得呢個價錢,真係唔expect咁嘅服務質素,虛有外表係無用㗎!
旅遊日期:2013年12月
留言
發佈留言