美麗大自然同可愛小動物向來不是我杯茶，但今次我完全投降，冷血嘅心腸完全被呢群笨拙嘅小企鵝（little penguin) 溶化了！他們實在太可愛啦！
Mac可以比我地睇到晚上10:30才離開，睇完後仍有時間可以作最後衝刺買企鵝紀念品！Mac嘅車應該係最後一架離開嘅local tour！回到Melbourne已是深夜時間，Mac會送每位團友回到酒店！
旅遊日期：2013年12月
由墨爾本市中心去Philip Island約需兩小時嘅車程，12月尾小企鵝約於晚上9時才上岸，為免深夜駕車太累，我地參加了local tour - The Little Penguin Bus。此團嘅特色係無其他無謂嘅參觀，下午4時才集合，直去Philip Island。去到Philip Island 約6時許做咩呢？導遊兼司機嘅Mac會帶我地去企鵝保育嘅地方講解企鵝嘅生態，沿途仲會見到小袋鼠，Mac好有heart，Like！
我地參加嘅係Premium Express，即可以係少D人嘅Penguin Plus區域睇企鵝。Mac會比好多貼士我地，等我地知道係咩位置睇企鵝會有較多優勢，仲準備了旅行毛毯給團友保暖！讚！
Penguin Parade內有cafe和shop等，我地約7時到達，有足夠時間準備睇小企鵝！我地係Penguin Plus等了約20分鐘，便開始見到一群一群的小企鵝開始從海邊走上沙灘。他們身材矮小，只有約22cm-35cm高，他們走上沙灘後又返回海邊，跟著又走上沙灘，有些來回幾次才浩浩蕩蕩走上沙灘！沒有操練過行catwalk 嘅小企鵝，走路姿態不一，頭搖身擺，笨吓笨吓咁向前走！他們由海邊走上沙灘，有時會突然跌倒，但又迅速企返起身，繼續一步一步行去他們自己嘅地盤！
看著他們有感而發，其實人也一樣，每天重複著，一步一步向著目標邁進，但我們有時會輸比小企鵝，因為我們跌倒了，可能需要較長時間才可企返起身呢！
看著他們有感而發，其實人也一樣，每天重複著，一步一步向著目標邁進，但我們有時會輸比小企鵝，因為我們跌倒了，可能需要較長時間才可企返起身呢！
小企鵝上岸原因主要是繁殖下一代，築巢、交配、生蛋、孵蛋和餵養bb小企鵝！
可以好近距離見到小企鵝，好興奮！就算好凍，都唔想走，堅持睇到最後一刻！
個人覺得親親小企鵝是墨爾本遊不可缺少嘅環節！正！
www.thelittlepenguinbus.com.au
www.penguins.org.au
旅遊日期：2013年12月
留言
發佈留言