若你愛啤酒應該唔會對 Hofbräuhaus 感到陌生,Hofbräuhaus 由州政府擁有,係慕尼黑有名的釀酒廠。網友話無試過呢到嘅啤酒就唔算嚟過慕尼黑,咁誇張?我們當然要去湊湊熱鬧吧!
由門囗嘅等位情況可見,呢度確實係相當受歡迎,慶幸我們一早訂位,侍應指示我們上樓上。2樓的 Festival Hall 只招待有預約的客人,Festival Hall內放置了一張張長枱,黃昏6時半並未有太多客人入席,不過到了7時後,人便開始多,而表演亦正式展開!我無寫錯,呢度唔單止有樂隊演奏,仲有精彩舞蹈表演,我們睇得好開心!
啤酒當然係呢度嘅主場,靚仔侍應推介呢兩款最受歡迎啤酒,不過只有1 Litre 選擇。嘩!我完全無諗過我可以一個人 KO 晒成杯啤酒,啤酒味道很好,我亦覺得好爽!
呢度嘅食物以豬手和腸為主,雖然食物賣相普通,但味道很好,價錢亦經濟。又有好野食,又有精彩表演睇,確實係人生一大樂事!正!
餐廳門口亦設有小商店,售賣啤酒廠紀念品,喜愛此啤酒品牌的朋友千萬不要錯過!
http://www.hofbraeuhaus.de/en/index_en.html
旅遊日期:2015年4月
留言
發佈留言