好食餐廳推介 @ 德國

4月德國之旅，食是其中一項重點環節，係到一次過介紹比大家！

柏林算係德國3個主要城市中即柏林、慕尼黑和法蘭克福，食得最經濟的地方。係度除了食過米芝蓮餐廳外（http://workheartplayheart.blogspot.com/2015/05/blog-post_13.html），亦推介你試位於Grand Hyatt Berlin Hotel內的Mesa Restaurant Berlin。餐廳位於酒店地下，環境舒適，服務又好，復活節假期晚餐坐無虛席，慶幸我們訂了位！

復活節假期設有特別套餐，4個course每位只係22歐羅，即HK$200唔駛，真係抵到不得了，我們懶得揀，一於叫佐兩個餐！

套餐份量不算大，但食過4款及麵包後，已經好飽！我最喜歡個湯，湯內加了像松子般的crunchy sunflower seeds，很特別！

隨麵包附上自家制的cream，另麵包生色不少，正！

兩個套餐連兩杯酒都只係65歐羅，抵食！

係Grand Hyatt Hotel 附近亦有一間吸引了很多遊客光顧的餐廳Lutter & Wegner，我們亦係度食了柏林的第一餐，呢間嘅價錢相比Mesa貴，味道同服務都一般，晚上試過Mesa後，完全有種被騙感覺，識揀一定係揀Mesa！

係慕尼黑食豬手同腸是指定動作，除了去佐老牌啤酒廠 Hofbräuhaus餐廳（http://workheartplayheart.blogspot.com/2015/06/blog-post.html），亦推介兩間味道很不錯的餐廳。

Ratskeller位於慕尼黑市中心，係Hofbräuhaus 以外的另一熱門之選，由於此旅程是為老公慶生，係訂位是我亦有多口加了一句是生日飯！Ratskeller 十分窩心，特別為我們的位置加了少許佈置，老公很開心啦！

就是這一點小驚喜，我們落足力狂叫，這確實是customer experience 的贏位！

豬手外皮勁脆，香腸美味非常，相比係香港的德國餐廳，確實贏晒！不過呢度嘅價錢就比Hofbräuhaus 貴，但食物選擇較多，且坐得舒服，係另一體驗！

豬手同香腸食兩晚已好夠，第3晚我們去佐位於Sofitel Munich Bayerpost內地下的餐廳Delice！

餐廳情調十足，雖然索價較高，但食物味道卻十分有水準，Like！

係德國的最後晚餐，我們揀了法蘭克福的Medici，餐廳裝修優雅舒服，係情侶撐枱腳的好地方！我們6㸃便到達，餐廳尚未滿坐，但未夠7點已坐無虛席！

4個course的晚餐約 50歐羅，食物無論賣相和味道都十分高質素，加上侍應服務好，我們食得開心又滿足，為德國之旅送上一個美好的回憶，推介！

德國的豬手和香腸固然好味，但豬手和腸以外也有不少美味選擇！

旅遊日期：2015年4月