某日本通明星於關西旅遊節目揚言去大阪唔一定要食蟹道樂，並推介Kani- shigure。我們一於去試一試，睇吓是真還是假！
我們shopping 到3pm 才上去食，入到餐廳見無乜人已有點懷疑，一開始食就確定中伏了！
餐嘅價錢的而且確比蟹道樂平一㸃，但無論食物賣相、質素和味道都差一截，火！
蟹棒刺身竟配三文魚，食到第二味已上火。
你睇，個鍋竟然係爛的，呢度係日本嗎？慶幸個鍋嘅湯底尚算鮮甜。
呢幾味嘅賣相同味道一致，超普通。。
當侍應放低呢份野嘅時候，真係唔知做咩，想點呀？
原來要自己動手做Risotto，講真食到呢度，已經勁失望，仲要自己動手？
唔單止食物質素低，呢度嘅服務亦係0分，因為侍應永遠係黑面。幾千Yen一位嘅價錢食呢啲質素，仲要受氣，真係想喊！由於時間關係，此行唔可以再安排時間食蟹道樂！深深不忿嘅情況下，當晚立即係facebook同朋友仔分享，竟然有好多知音人，各位小心睇路！
旅遊日期：2017年1月
留言
發佈留言