8月底東京遊,同程走訪了富士山、御殿場和箱根,一個旅程有得食、有得買、有得浸、又有得影,一次過滿足了4大願望,正!
此行我們買了小田急的富士箱根3天周遊券,當中包了新宿/小田原至富士山河口湖(一次)、河口湖至御殿場、御殿場至箱根、富士五湖周遊巴士、箱根登山線、箱根登山纜車等,嚴格嚟講此券已差不多包晒你係富士山、御殿場同箱根嘅所有車費,可以話係超值!
出發當天,由新宿至河口湖的高速巴士已滿座,我們只可買小田原出發之周遊券價值5650Yen一位 (小童價2820Yen),相比由新宿出發平佐2350Yen一位。最難得係小田急的靚女售票員細心地教我們如何由新宿坐JR去小田原,佢仲幫我們訂埋由箱根返新宿嘅特急券(浪漫特快),讚!
沒有了高速巴士,我們用了逾兩小時由新宿去河口湖,不過就慳佐千幾Yen一個人,難得旅行可以放慢步伐,算吧!
河口湖內可以用周遊券無限次任坐周遊巴士,班次約5-15分鐘一班,我們入住嘅Kukuna 溫泉酒店就有周遊巴士去到門口,很方便啊!
御殿場有巴士去箱根,不過班次唔算多,大家記得查佐班次才購物。由御殿場去箱根約需1小時車程,同樣地出示周遊券免費。
我們係箱根住了兩晩,期間搭嘅所有車都係免費,3日嘅周遊券用到盡,超抵!
小田急周遊券亦可選擇淨箱根,出發前可於小田急網站參考下!
旅遊日期:2016年8月
留言
發佈留言