位於新宿南囗附近的茂鳥是日本同事另一推介，呢度只有日本餐牌，在沒有任何圖片的情況下，我們只能求助於Google Translate，但Google 大神今次譯得十分奇怪，慶幸呢個時候有位略懂英語的侍應前來協助，我們先有野食！
當然我們不會只吃素咁健康吧！燒和牛入囗即溶，好味到不得了！
燒舌和心果然好味，連港女至愛嘅雞軟骨都立即被比下去。我們還encore 了呢！
茂鳥以吃串燒為主，侍應話最出名係燒內臓，但由於我們對內臓興趣一般，只㸃了心和舌。不過我們覺得非內臟食物同樣好吃，呢個燒粟米，又甜又多汁，正！
青椒、茄子同樣無得輸，很快已經可以KO 晒。
見隔離枱食呢個食得好滋味，我們一於照跟，果然無令我們失望，呢個松露牛肉飯好味到無朋友。
呢個燒松露，雖然珍貴，但味道一般。
這個是免費的，我們不知道是甚麼，不過秋葵好味！
兩個人又食又飲，仲叫埋珍貴食材，都唔駛港幣1千蚊，抵食。
提提你呢度唔收卡，嚟之前記得訂位啊！
旅遊日期：2016年8月
留言
發佈留言