係阿姆斯特丹逗留了3日兩夜後,我懷著興奮的心情出發到倫敦,向著呢個多姿多采嘅城市進發。
從Amsterdam Centraal 坐火車去倫敦需於Brussels 轉乘EuroStar,車程約需4小時。我們預早了半小時到達車站,當 Information Counter 嘅慈祥伯伯告訴我比利時當天罷工,所有火車停駛時,我呆了數秒,伯伯再冷靜地重覆一次同一番說話。對於生活在香港的我,確實無法接受罷工呢回事,伯伯又教我去火車公司嘅Customer Service Centre安排!當時我十萬個不願意繼續係阿姆斯特丹住多一晚,我怕我會悶到生菇,而且我已經訂佐shopping express,係到達倫敦後的第二日隨即到outlet買過痛快!天啊!
突如其來嘅罷工對於歐洲人嚟講簡直係芝麻小事,但意想不到他們的處理方法奇差!如果發生係香港,我敢肯定我們的危機應變應該可以做得比他們好!首先火車公司已經預備了巴士送乘客去Brussel 車站,但沒有任何告示,亦沒有任何廣播。乘客需先取籌,等叫號碼到counter安排。我們等了逾半小時後,counter個叔叔叫我們去排隊等上巴士!Ha?! 我睇唔到任何value要先去counter!人在渡假可能心情特別好,如同一事件發生在香港,相信我會鬧爆佢!
我問其中一個職員,Brussels 會否有車去倫敦,他回答不知道,但他叫我們最好先到Brussels ,因Brussels 會有較多火車班次去倫敦,而嚟緊數天從阿姆斯特丹到Brussels 的火車已爆滿,如果依家唔走可能要多留幾天。Ha?! 幾天?一定悶死啦!我們唯有乖乖排隊,排佐約20分鐘後,有位大叔帶我們一班人上巴士,上到巴士又話要等,㸃解?司機話要等到坐滿人先開車!最終係攪到5:30pm先離開阿姆斯特丹,足足比原定離開時間遲佐個半鐘!由阿姆斯特丹坐車到Brussels ,車程約兩個半小時。
此時此刻竟然比我們係車上見到一名年青香港人,我們立即跟他相認,並且互相交換情報,同聲同氣始終較親切。我們係車上有傾有講,像是無見多年的朋友般,去到Brussels 後,他更指引我們去到Euro Star櫃台辦理手續,謝謝你啊K先生!
既然罷工,當然連EuroStar都停駛啦!櫃台姐姐仔話最快要第二日2:30pm才有位,Ha?! 還要等到下午?我豈不是再少多半日時間係倫敦?我不停問個姐姐仔可否盡量安排再早D,佢都係冷淡對待!我手持的已經是頭等車票,我死唔信咁爆!我同個姐姐仔講如果更高class嘅位有早上嘅火車,我願意upgrade並付差價。此時個姐姐仔好似如夢初醒,我唸佢應該以為我們坐standard class,佢再幫我們check多次後,就話可以安排早上10時多的火車!哦!好在問多幾句!危急關頭男人往往較女人冷靜,我老公竟然識得叫個姐姐仔出返封信證明當天罷工無火車。
係無任何選擇下,我們唯有係Brussels 住一晚,而倫敦原本訂佐嘅酒店同第二日比佐錢嘅shopping express 就泡湯了!
呢個時候輪到旅遊保險出場,保險公司一般會因行程延誤指定時數後所引致的額外費用或未能退回的費用作出賠償。我們提交了EuroStar封證明信、倫敦酒店及shopping express不能退款確認電郵,同有關單據予保險公司作索償之用,由於未能退回費用的總數較額外費用(即臨時入住Brussels 酒店的一晚房錢)為高,保險公司最後賠償了倫敦酒店嘅一晚房價同shopping express 嘅車費予我們!感恩我們有買旅遊保險呢!
旅遊日期:2014年6月
留言
發佈留言