Century Southern Tower 位於新宿南口，在tripadvisor名列前茅，94%讚好！究竟這間no. 1 hotel有幾好呢？我已經唔記得係第幾次入住Century Southern Tower，總之他差不多是我們每次到東京的首選酒店！
自福島事件後，已經差不多3年沒有探呢位舊朋友，今次入住感覺並不如前般好，究竟是我進步了還是他退步了呢？論位置Century Southern Tower距離新宿南口只有5分鐘路程，鄰近Tokyu Hands和高島屋，徒步到 Isetan或歌舞伎町亦只需約15分鐘路程，非常方便！房間方面亦較傳統日本酒店寬敝，放兩個大喼絕對無問題！
究竟有何不對勁呢？我們透過Travel Agent訂房，他們替我們訂了雙人房並要求了Double Bed。我們到達酒店時，英語不太靈光的Front desk 服務員告訴我們，我們訂的是Standard Twin room，即兩張床，如果我們需要一張大床，應該訂Standard Double room。佢好有原則咁話係我地自己訂Twin room的，吹脹！我問佢可否幫我們安排一下，她睇佐好耐，回覆係所有Standard Double room已full，我們可以加約港幣200 一晚upgrade去新裝修嘅Double room，但都要等到最後兩晚才有房，我們一共住4晚，即中途要換房！OK！最終我們決定兩晩後轉房。朋友們，下次係呢間酒店訂房真係要小心一㸃！
Standard Twin room房間尚算清潔，不過裝修真係幾old fashion，加上床槈和枕頭又唔算舒服，差不多港幣1,700 至 1,800一晚（包早餐），感覺不算太值！
兩晩後我們搬到新裝修的Double room，房間size一樣，裝修當然較時尚啦，但床槈和枕頭質素並沒有upgrade，一樣瞓得不太舒服！
早餐呢？基本上係無咩選擇，我4日都係食牛角飽、菜同蛋！
返到香港，我當然有同travel agent反映，佢話訂房時酒店只提供twin room選擇，所以佢只可以幫我request double bed，誰是誰非我不清楚！不過我好清楚下次再到東京，我必會再揀另一間酒店！
旅遊日期：2014年1月
留言
發佈留言