差不多每個主要城市都有個塔或摩天大樓作地標,巴黎有巴黎鐵塔、馬拉有雙子塔、台北有101、杜拜有哈利法塔。。。東京原本有個東京塔,但隨著晴空塔(sky tree)於2012年5月落成後,已取代了東京塔,成為東京新地標。
在押上站旁的晴空塔究竟有幾威水?晴空塔高634公尺,暫時係世界第一高塔,亦係世界第二高建築物,僅次於哈利法塔。係人類歷史裏面,實在有好多不斷鬥高嘅情況發生,巴別塔應該係第一座人類想通天嘅塔,當時神變亂了人的囗音,巴別塔無法通天,亦是人類狂妄自大的後果!歷史留下教訓,然而歷史卻不斷重演!究竟是人類的成功還是失敗呢?
呢座世界第一高塔,唔單止吸引了遊客,當日所見亦有很多日本人來湊熱鬧!晴空塔除佐可以讓你在高空鳥瞰東京市外,塔內更有水族館、食店、服裝店同精品店!
日本仔確是充滿生意頭腦,精品店內賣的商品全是晴空塔限定,設計獨特,且差不多全缐日本卡通人物都空群出現為晴空塔拉票,博大人和細路歡心!
雖然巴黎鐵塔唔夠晴空塔高、限定精品唔夠晴空塔多,食店和商店又唔夠晴空塔多元化,但我仍然會投巴黎鐵塔一票!巴黎鐵塔的外觀設計優美,無論遠觀或近看都有種另人震撼的感覺,相機沒有一秒可以停下來!雖然晴空塔是全球最高的塔,但不論遠觀或近看都只覺是普普通通的一座塔,影了幾張相已覺足夠!
留言
發佈留言